Txij hnub tim 1 lub 1 hlis ntuj xyoo tshiab tom ntej no mus ces tej poj niam ntawm xeev New South Wales (NSW) uas tseem siv IVF los yog lwm cov kev kho kom muaj me nyuam yuav thov tau cov nyiaj rebate txog li ntawm $2,000 rov qab.
Tsoom fwv xeev cov nyiaj puag xyoo 2022/23 yeej kub siab yuav los pab tej poj niam txog li ntawm
12,000 tug poj niam uas tau mus siv cov clinic ntiav pab kho kom muaj me nyuam raws li NSW tus nom tswj nyiaj txiaj xeev hu ua Matt Kean tau hais.
Thiab kuj tseem yuav pab cov poj niam 6,180 leej kom muaj peev xwm siv tau cov IVF treatment raws li cov nyiaj $80 million uas yuav coj los lis tej hauj lwm no thiab.
Mr Kean tau hais nws cov ncauj lug rau hnub zwj Hnub (Sunday) tias "Peb yeej paub tias tej nqe siv rau cov kev kho no yeej kim heev li."
"Tsis tsim nyog ib tug twg ib tug twg yuav ntsib kev tw tsis muaj txoj kev xaiv rau lawv tom qab twb yuav tau siv nyiaj los tab lub cuag yig thiab pib muaj tub kis."
Tib co kev siv IVF ib zaug xwb twb ua rau cov nkawm niam txiv poob nyiaj txog li ntawm $10,000 lawm.
Lub koom haum Adora Fertility ces yeej siv cov bulk-bills rau ib txhia neeg uas siv IVF them, kom thiaj li txog tau cov nqe no los ua tus nqe li ntawm $1,500.
Pau Atkinson uas yog tus coj lub koom haum Adora tau hais tias "Tej lus tshaj qhia hnub no ces tej zaum kuj yuav ua rau cov neeg uas mus siv lub tuam txhab Adora cov kev kho kom muaj taus me nyuam tsis tau rho nyiaj ntiag tug siv them ntxiv lawm."
"Tej nqe kho no yog ib co teeb mem loj rau cov nkawm niam txiv tsis muaj peev xwm siv tau cov kev kho kom muaj taus me nyuam. Peb ntseeg tias tsim nyog tag nrho txhua nkawm niam txiv neeg Australia tau siv cov kev kho zoo uas pab kom muaj taus me nyuam no."
Cov nyiaj $80 million uas pab rau cov hauj lwm no tseem yuav duav cov nyiaj uas thov tau rov qab yog siv coj mus sim ua ntej seb puas muaj taus me nyuam ua ntej yuav siv IVF thiab, coj mus pab cuam cov hauj lwm fertility preservation services thiab them paid fertility leave 5 hnub rau tej lees kais, nurses, los yog lwm cov neeg ua hauj lwm rau tsoom fwv thiab.
Thiab yuav pib qhib rau tej neeg sawv daws rov qab mus thov tau nyiaj $2,000 txij hnub tim 1 January, tab sis tej poj niam uas tseem siv ib yam kev kho dab tsi txij tim 1 lub 10 hli ntuj mus uas muaj cai thov tau ces kuj muaj peev xwm sau ntawv thov tau tib yam thiab.
Mloog tau SBSHmong rau hnub zwj Teeb (Thursday) thaum 6 pm AEDT thiab hnub zwj Hnub (Sunday) thaum 11 am AEDT los yog koom tau ntxiv ntawm Facebook, Google podcasts, Spotify, thiab Apple podcasts los yog download SBS Radio App kom koj mloog tau SBS Hmong.
