Pab nom Labor tseem tab tom npaj yuav los qhia txog nws lub tswv yim raug nyij $2.4 billion uas yuav txuas cov broadband ceev rau tej neeg siv li txuas cov optical fibre rau tej cuab yig thiab tej lagluam txog li 1.5 million cov tau siv.
Lwm pawg fai kum xeeb no thiaj tau qhia txog nws ib tsab cai uas nws cog lus tias yuav xyuas kom muaj neeg Australia tej chaw li ntawm 10 million cov tau siv cov broadband ceev rau xyoo 2025.
Nyob rau pab nom no ib cov ncauj lug ces nws tau hais tias cov kev muaj cov broadband net work uas siv tau zoo, yog cov broadband network zoo thiab siv tau internet ceev ''tsis yog ib cov kev luam thuam dab tsi'' tab sis yog tej yam hauv paus txhim kho tseem ceeb rau tiam 21 no.
Pab nom Labor thiaj kwv yees tias yuav ua rau muaj tej cuab yig txog li ntawm 660,000 thiab tej lagluam ntawm tej zos cheeb tsam yaj sab yuav muaj peev xwm tau cov optical fibre siv.
Tsis tas li no los nws kuj tau qhia tias nws yuav tsis muab cov National Braodband Network muag rau tej lagluam.
Mloog tau SBSHmong rau hnub zwj Teeb (Thursday) thaum 6 pm AEDT thiab hnub zwj Hnub (Sunday) thaum 11 am AEDT los yog koom tau ntxiv ntawm SBS Hmong Facebook thiab subscribe los sis yog download thiab mloog tau ntau cov podcasts (xov xwm ua suab) ntawm Google podcasts, Spotify, thiab Apple podcasts los yog download SBS Radio App kom koj mloog tau SBS Hmong.
