Pab nom Labor qhia tias nws yuav xyuas kom Australia siv tau nws tej kev zov me nyuam

Pab nom Labor qhia tias nws yuav kub siab los xyuas kom Australia tej cuab yig txog 97% tau siv cov kev zov me nyuam kom tej poj niam thiaj tau rov qab mus ua hauj lwm pab txhim kho teb chaws Australia thaib yuav los kho tej ncej thiab tej xov xa xov tooj thiab xav hluav taws xob kom tej hluav taws xob pheej yig thiab muaj hauj lwm rau tej neeg ua, tej nyiaj pab rau tej hauv paus txhim kho ces yuav xyuas kom muaj cov apprentice tau ua hauj lwm txog 10%,...

Anthony Albanese - Alex Guibord - CC BY-ND 2.0 Source: Creative Commons

Pab nom Labor cov tswv yim nyiaj puag xyoo:

Hnub tim 8.10.2020 tsaus ntuj uas pab nom Labor uas yog lwm pawg fai kum xeeb teb chaws (Federal opposition) tus coj Anthony Albanese tau los qhia txog nws tej tswv yim tswj cov nyiaj puag xyoo hauv tsev kis xeev qes ntawm tsev tsoom fwv ces nws tau qhia tias pab nom Labor yuav ua tej hauj lwm li hauv qab no yog tias Mr. Albanese raug xaiv los ua Australia tus thawj pwm tsav:

• Yuav pab nyiaj tshaj $ 6 billion los pab zov me nyuam (Universal childcare subsidy) pab rau Australia tej cuab yig kom txog li 97% kom tej poj niam thiaj li muaj peev xwm rov qab mus ua tau hauj lwm.
• Siv $ 20 billion los kho Australia tej ncej thiab xov xa hluav taws xob kom muaj peev xwm txuas tau nrog rau tej pob khaws cov hluas taws xob uas tsim tau los ntawm cov renewable energy kom thiaj li pab tau tej nqe hluav taws xob pheej yig thiab pab daws tej teeb meem hloov quag ntuj (Climate change). Nrog xyuas kom tej tuam txhab lagluam muag hluav taws xob xyuas kom tsim tau tej chaw khaws thiab xa tau tej hluav taws xov zoo thiab vam meej siv. Txuas ntxiv ntawd tseem yuav ua tib zoo xyuas kom lub koom haum National Broadband Network Co muaj peev xwm qev tau nyiaj ntawm tsoom fwv teb chaws uas tau them paj tsawg coj mus  siv ua lawv tej hauj lwm thiab yuav xyuas kom tej lagluam muag khoom siv los tsim cov NBN yog cov tsim hauv teb chaws thiab yog cov neeg Australia los ua cov lis tej hauj lwm no.
• Labor kuj qhia tias nws xav tsim kom tau cov kab tsheb ciav hlau kom thoob plaws siv rau teb chaws Australia tsis yog yuav siv nyiaj $1.5 billion los pab tej lagluam tsim khoom uas tsuas kub siab txog 6 cov hauj lwm li khoom noj haus, resources technology and minerals processing; medical products; recycling and clean energy; and the defence and space industries uas pab nom Coalition npaj yuav ua.
• Xyuas kom cov nyiaj $270 billion uas siv los txhawb nqa fab tub rog tam sim no yuav tsum los txhawb nqa tej lagluam hauv teb chaws Australia kom tsim tau hauj lwm.
• Xyuas kom cov nyiaj pab tsim cov hauv paus txhim kho yuav tsum muaj 10% yog cov neeg ua hauj lwm apprentices, trainees los yog cadets.
• Siv $500 million los kho 100,000 lub tsev public housing.

Koj muaj peev xwm sim teb qee cov lus nug cuam tshuam txog Australia cov nyiaj budget xyoo 2020 no seb koj yog cov neeg yuav tau txais txiaj ntsim los yog yuav plam txiaj ntsim tau yog koj nyem rau ntawm lo lus "Get Started" hauv qab no:

Treasurer qhia txog tsoom fwv Morrison cov nyiaj puag xyoo 2020 thiab leej twg yog cov yuav tau los yog yuav plam txiaj ntsim:

Puas tsim nyog peb sib deev rau lub caij tseem muaj kab mob coronavirus sib kis thoob ntuj no, thiab yuav ua li cas kom peb txhob kis tus kab mob no los yog lwm cov kab mob cuam tshuam txog cov kev sib deev?

Saib tau daim yeeb yaj duab (Video) qhia kom peb tau txais kev nyab xeeb thiab txhob kis tus kab mob coronavirus ntawm no:

Listen to  SBS Hmong on Thursday at 6 pm AEST or Sunday 11 am AEST, follow us on SBS Hmong Facebook, listen and subscribe to podcasts from google podcasts, Spotify, and Apple podcasts or download SBS Radio App to listen to SBS Hmong radio Program.