Cov lus cov nyom ntawm Australia pab nom The Katter Party.
Tus nom senator Fraser Anning ntawm pab nom The Katter's Party tau hais ib cov lus cov nyom thaum nws tau los hais lus thawj zaug hauv tsev tsoom hwv Australia tias:
"Raws li tau muaj xov xwm teev tseg, cov neeg Muslims yog ib cov neeg uas ua txhaum cai ntau heev hauv lub teb chaws Australia no, lawv tseem yog cov neeg thov nyiaj pab cuam welfare ntawm tsoom hwv siv thiab yog cov neeg muaj cov tswv yim xav tsim teeb meem kub ntxhov thiab tua neeg thiab yog ib cov neeg phem tshaj plaws ntawm txhua pawg neeg tsiv teb tsaws chaw ua tau tuaj nyob lub teb chaws Australia no. Cov neeg Muslim feem coob ntawm teb chaws Australia uas tsim nyog mus nrhiav hauj lwm ua yeej tsis ua hauj lwm thiab tsuas thov nyiaj social welfare siv xwb. Cov neeg muslims ntawm xeev New South Wales thiab Victoria tseem yog cov ua kev txhaum cai ntau tshaj lwm pawg neeg tsiv teb tsaws chaw (migrants) txog li peb npaug thiab. Peb tseem muaj cov neeg African muslims tsim kev kub ntxhov hauv nroog Melbourne uas rau zejtsoom tau ntshai, peb tseem muaj cov neeg muslims uas txhawb nqa cov neeg phem ISIS lub tswv yim phem, peb tseem muaj cov neeg muslims uas xav mus txawv teb chaws mus sib ntau sib tua sawv cev rau cov neeg phem ISIS. Txawm tias tsis yog txhua tus los yog tag nrho cov neeg muslim yog cov neeg phem terrorists los cov neeg phem terrorists feem coob niaj hnub no yeej yog cov neeg muslims. Yog li es puas tsim nyog peb yuav tos cov neeg no tuaj nyob rau lub teb chaws Australia no?"
Mloog tau senator Fraser Anning cov lus tawm tswv yim no ua lus Askiv (English) ntawm no:
Bob Katter uas yog tus coj ntawm pab nom The Katter's Party tau tawm los txhawb nqa nws tus nom senator Fraser Anning cov lus cov nyom thiab liam tias yog ob pab nom tseem ceeb Liberal National Party thiab Australian Labor Party yog cov tos cov neeg txawv teb chaws ntawm middle east thiab Africa tuaj tsim teeb meem rau teb chaws Australia.
Mloog tau nws cov lus tham ua lus Askiv (English) uas SBS News tshaj tawm ntawm nod:
Tau ua rau zej tsoom thiab ntau lub koom haum tau tawm tswv yim tias yog ib cov lus tsis tsimnyog hais thiab tsis yog lus hais vim yuav tsim kev faib cais ntxub ntxaug tsim kwv sib tawg tswj rau lub teb chaws no.
Tab sis tam sim no Bob Katter tau tawm los hais lus thiab teb tias nws pab nom yog nationalist left. Bob Katter hais tias nws yeej txhawb nqa nws tus nom Fraser Anning 1000% rau nws cov lus cov nyom uas tau hais tias kom txwv txhob pub tos cov neeg muslims tuaj nyob teb chaws Australia no ntxiv thiab txhob pub nyiaj social welfare rau cov neeg migrants siv rau 5 lub xyoos ntxiv tom ntej no, vim yog Australia 2 pab nom tseem ceeb li Liberal National Party (LNP) thiab Australian Labor Party (ALP) yog 2 pab nom uas tos cov neeg txawv teb chaws tuaj ib xyoos twg tshaj 600,000 txheeb tus uas tsis yog cov neeg coj ntseeg kev cai Christianity uas tsis coj thiab tsis yoog hwm raws Australia tej cai coj taug ua zoo (values).Thiab tsoom hwv Australia yeej tsis kub siab txog Australia cov pej xeem uas yog cov neeg dawb tias tsis tau hauj lwm ua no li.
Bob Katter hais tias nws tus senator Fraser Anning yeej tsis paub dab tsi txog lub lus "final solution" tias cuam tshuam txog cov xwm txheej uas cuam tshuam txog Nazi uas yog Hitler cov neeg Nazi tau muab cov neeg Jews tua ntau roob tus rau lub caij tsov rog ntiaj teb zeeg ob (WW II) ntawd li.
Kuj tau muaj cov neeg tshaj xov xwm nug tias puas yog pab nom no yog ib pab racist (faib cais ntxub ntxaug lwm tsav neeg) li Pauline Hanson pab One Nation uas Bob Katter teb tias, nws yog pab nom nationalist uas hlub tshua haiv neeg Australia uas yog cov neeg dawb.
Nom tswv Australia tus pwm tsav Alan Tudge uas yog tus pwm tsav lis laj fai tswj cov dej num Multicultural Affairs tau tawm los hais tias tus nom senator no cov lus tawm tswv yim tsis sawv cev rau tsoom hwv Australia dab tsi, thiab nom tswv Australia yuav ua tib zoo los tswj cov dej num tos cov neeg tsiv teb tsaws chaw (immigration program) uas tsis faib cai ib pawg neeg twg.#
Listen to SBS Radio Hmong program at www.sbs.com.au/hmong on Thursday 6pm AEST (Australian Eastern Standard Time) and Sunday 11am AEST.
You can download SBS Radio App from iTunes Apple Store and from Google Play or you can download podcasts news in Hmong and English, and also listen to Hmong podcasts at iTunes store.
Besides, you can follow us, click like, share and comments at #SBSHmong website at www.facebook.com/sbshmong.
Call to have a chat with SBS Radio Hmong Program on + 61 3 9949 2259 or sent your comments to comments@sbs.com.au.
