Tsev tsoom fwv rov qab ua hauj lwm lawm. Nod yog tej hauj lwm uas ntau pab nom yuav ua.

Cov kev kho cov hauj lwm zov me nyuam daws tej tub kawm tej nuj nqe yog qee yam ntawm ntau yam cai uas yuav coj los sab laj rau lub caij uas tsev tsoom fwv zum 48 yuav rov qab pib ua hauj lwm, thiab kuj muaj 40 tus nom kis xeev qes thiab tej nom kis xeev siab yuav tawm suab ua thawj zaug.

Mloog tau tej zaj lus thiab lwm yam xov xwm ua lus Hmoob tau ntawm SBS Hmong.

Labor lub caij so kuj tseem muaj txuas ntxiv rau lub limtiam no rau lub caij tau muaj tej nom tshiab tau mus koom ua hauj lwm zum 48 hauv tsev tsoom fwv, thiab npaj txhij yuav yuav los pib ua tej hauj lwm uas neeg Australia tau tawm suab xaiv lawv kom lawv ua.

Hnub zwj Quag (Tuesday) ces yeej tau muaj cov kev ua koom txoos ua ntej yuav pib ua hauj lwm ntawm tsev tsoom fwv txuas ntxiv rau hnub zwj Feej (Wednesday) , ces thiaj yuav muaj cov kev los hais tej lus ntau heev thawj zaug thoob plaws rau ntau hnub ntxiv no, vim tau muaj ib co nom kis xeev li 40 tus uas yog nom kis xeev siab thiab nom kis xeev qes yuav los lees ua lawv tej dej num.

Tsis tas li ntawd los vim pab nom Labor kuj yeej tej rooj nom feem coob txog 94 lub ntawm tag nrho 150 lub ntawm tsev kis xeev qes (House of Representative - Lower House) thiab, ces thiaj ua rau nws tau 24 tug nom kis xeev qes tshiab thiab lawv yuav xub los hais lus thaum rov qab qhib tsev tsoom fwv ua hauj lwm.

Tej nom kis xeev qes teb chaws uas raug xaiv tsa tshiab yuav los lees txais ua lawv tej dej num lub limtiam no tom qab uas tau kawm kom paug txog lawv tej hauj lawm lawm. Source: AAP / Lukas Coch

Thawj thawj ob tug yuav los hais lus ces yog First up will be "leader slayers" Ali France thiab Sarah Witty uas yog ob tug tau muab Peter Dutton dhau los thiab Adam Bant uas yog tus coj ntawm pab nom Greens poob nom.

Lub caij uas tseem yuav los ua tej kev cai no ces, tus tsoom fwv uas raug xaiv tsa tshiab no yuav raug tsub nias kom yuav tsum tau los ua tej hauj lwm tsim nyog nws kub siab tshaj plaws los ua ua ntej li nws tau hais rau lub caij xaiv tsa.

Ces sawv daws thiaj kub siab heev rau lub caij teb tej lus nug uas Australia tus thawj pwm tsav Anthony Albanese yuav tau nrog xyuas kom nws sim rau tej nom tshiab ntawm lwm pab nom ntawm tsev kis xeev qes, uas Sussan Ley uas yog tus coj ntawm pab nom Liberal yuav zaum tim ntsia ntsoov nws.

Yog li ntawd ne ho yuav muaj kev cia siab dab tsi rau cov pab nom tseem ceeb?

LABOR

Tsoom fwv Albanese yeej tau qhia meej tseeb txog nws cov tej hauj lwm thawj thawj ob limtiam thaum ntxov uas yuav rov qab pib ua hauj lwm hauv tsev tsoom fwv tias: yuav txo tej tub kawm tej nuj nqe, xyuas kom tau txais kev nyab xeeb rau tej hauj lwm zov me nyuam thiab pov puag tej penalty rates rau tej neeg ua hauj lwm.

Labor thiaj yuav thov tsim ib tsab cai los pab txo tej tub kawm tej nuj nqe kom tsawg txog li 20 feem pua txij tim 1 lub 6 hlis ntuj mus, uas yuav txo tej nuj nqe no tsawg txog li ntawm $16 billion, ua ke no los kuj muaj cov kev kho cov kev them tej nuj nqe no kom nthuav dav tuaj ntxiv thiab.

Tej zaum kuj yuav tsim tau tsab cai no sai, uas yuav pom zoo hauv tsev kis xeev qes vim Labor muaj tej rooj nom feem coob, thiab hauv tsev kis xeev siab uas muaj pab nom Greens los kuj yuav los tawm suab rau tej kev pauv hloov no thiab.

Txawm tias cov kev pab them tej nqe zov me nyuam no yog ib co hauj lwm tseem ceeb rau cov kev nrhiav suab xaiv tsa, los yeej tau muaj tej kev iab liam tias tau ua phem rau tej me nyuam ntawm ntau cov childcare centres thiab uas yuav tau kub siab ua ntej tshaj plaws los kho kom tau txais kev nyab xeeb rau tej me nyuam yaus.

Yog tham txog pab nom Labor tej nom tseem ceeb hnub zwj Hli (Monday) dhau los ntawd, ces Albanese yeej tau hais tias nws cia siab tias ''yuav rov qab tsim kom muaj kev ntseeg siab rau ib co system uas tsim nyog peb muaj kev ntseeg siab rau cov kev tu saib xyuas peb tej me nyuam.''

Tsoom fwv Albanese tau cog lus tias yuav nrog xyuas kom tau txais kev pov puag zoo tshaj qub ntxiv, yuav nplua tej chaw zov me nyuam uas tsis tsim tej services zoo siv kom hnyav tshaj qub ntxiv, thiab yuav teeb tsa ib pawg neeg los tswj tej chaw zov me nyuam no rau lub caij los kho tej hauj lwm no tshiab.

Labor los kuj npaj yuav muab cov penalty rates no coj los tsim ua ib tsab cai siv thiab coj los pov puag tej neeg ua hauj lwm yuav laug txog li ntawm 3 million tus kom tau tej nyiaj no siv.

Pab nom koom tswj (COALITION)

Tom qab tau sib cais ib ntus lub 5 hlis ntuj dhau los, ces pab nom Liberal thiab National tau rov qab los sib sau ua ib pab nom koom tswj ua ke, thiab yuav sib pab los nrog xyuas kom pab nom Labor ua li tej nws tsim nyog ua thiab yuav tawm tsam kom muaj ceem heev nrog tej nws tsis pom zoo.

Sussan Ley uas yog tus coj tshiab ntawm pab nom Liberals los kuj tau los nrog xyuas kom nws tej nom ua qhov tsim nyog ua rau hnub zwj Hli (Monday) tom qab tau swb cov kev xai tsa lub 5 hlis ntuj dhau los, thiab kuj tau rau lwm pab nom teb chaws tus siab heev thiab tau cog lus tias yuav ''tsis zam kev dav'' rau pab nom Labor.

Ley tau hais tias ''Mr Albanese niam tau muaj ntau cov kev interview thiab hais tias tsim nyog peb zam kev rau nws. Tab sis peb yuav tsis zam.''

Liberal leader Sussan Ley says the Coalition is ready to work hard for the millions of Australians that voted for them. Source: AAP / Mick Tsikas

Nws yeej tau muab cov kev pab tej nqe ntau yam uas siv ua lub neej xam tias tias yog ib co hauj lwm tseem ceeb uas yuav tau ua, rau lub caij nws yuav tawm tsam tsis pom zoo nce se, tom qab ABC tau cej luam ib co ntaub ntawv paim quav uas qhia tias lub tuam chav Treasury tau taw qhia kom tsoom fwv nce se thiab txo nws tej kev siv nyiaj tom qab cov kev xaiv tsa lawm.

Nws tau hais tias ''Kuv yeej tsis tau pom ib tug neeg Australia twg uas xav them se ntau tuaj ntxiv li, thiab yeej tsis muaj ib tug twg xav tias lawv tseem them se tsis tau txaus li.''

"Qhov kuv paub ces yog txhua tus neeg Australia yeej cia siab tias tus tsoom fwv no yuav xyuas kom lawv tau them se tsawg, kub siab los ua hauj lwm pab lawv thiab ua tib zoo xyuas kom nws tswj tau nws tej nyiaj puag xyoo zoo kom tswj tau tej lagluam zoo thoob plaws rau lub teb chaws no.''

Txawm tias lwm pab nom teb chaws tseem yuav txheeb nws tej cai tom qab cov kev xaiv tsa lawm, los Jonathan Duniam uas yog tus nom tswj dej num kev kawm yeej tau hais tias cov kev txiav tej tub kawm pej kum haiv kom tsawg txog li 80,000 tus ''tsis yog ib lub tswv yim zoo.''

Nws tau qhia rau lub chaw nthuav xov xwm ABC cov program Insiders hnub zwj Hnub (Sunday) tias ''Kuv xav tias peb yuav tsum tau los ua tib zoo sab laj sib tham yam tso tshav lug nrog peb tej tsev kawm qib siab thiab tej zejzog tias seb peb yuav siv lub tswv yim zoo li cas los tswj tej dej num no.''

Pab nom GREENS

Pab nom Greens los yeej muaj ntsis sib xws li pab nom koom tswj (Coalition) thiab, uas lawv yuav tau yoog raws li Larissa Waters uas yog lawv tus coj tshiab tam sim no.

Thiab vim rau qhov tias pab nom Greens yog ib pab muaj fwj chim ntawm tsev kis xeev siab, ces nws thiaj yog pab nom tseem ceeb uas yuav pab Labor ua tsim cai kom ua tau nws tej hauj lwm.

Senator Jordon Steele John yeej tau qhia tias tej zaum nws pab nom no yuav siv fwj chim los tsub nias kom Labor los txheeb xyuas nws tej cai, li teev cov hauj lwm rho hniav ntxiv rau cov Medicare thiab.

Txawm tseem tsis tau paub tseeb txog tej kev tsis sib haum xeeb no, los Sarah Hanson-Young uas yog ib tug nom kis xeev siab ntawm pab nom Greens yeej tau qhia tias nws pab nom ''yuav ua tib zoo'' los txheeb tsab cai uas yuav raug coj los sab laj ntawm tsev tsoom fwv.

Nws tau qhia rau tej neeg nthuav xov xwm hnub zwj Hli (Monday) tias "Vim lawv tsis muaj tej nom tawm suab txaus ntawm tsev kis xeev siab, thiab vim neeg Australia yeej xav ua tib zoo xyuas kom muaj teeb meem rau lawv (Labor). Thiab pab nom Greens los yeej yuav kub siab tiag tiag los ua nws tej hauj lwm.''

Mloog tau xov xwm tshiab ntawm SBS Hmong, download SBS Adio app thiab caum SBS Hmong Facebook page.