Australia 3 lub nroog yog ib co ntawm ntiaj teb tej nroog ntawm 10 lub uas xis nyob tshaj plaws

Tom qab uas teb chaws Australia lub tuam ceeb Vienna tau ras los ua ntiaj teb lub nroog xis nyob tshaj plaws 3 xyoos lawm ces kuj tau muaj lwm lub nroog los hloov nws chaw lawm thiab.

Melbourne has ranked fourth for the second consecutive year, achieving perfect scores in both health care and education. Source: SBS

Mloog tau tej zaj lus thiab lwm yam xov xwm ua lus Hmoob tau ntawm SBS Hmong | SBS Hmong.

Raws li cov Economist Intelligence Unit's 2025 Global Liveability Index hais ces Denmark lub tuam ceeb Copenhagen ces yog ntiaj teb lub nroog xis nyob tshaj plaws, tom qab tau yeej Vienna thiab Zurich xyoo no.

Cov list no tau muab cov zauv 100 rau tej nroog xam raws li cov kev kho mob, kev kawm, hauv paus txhim kho rau tej nroog ces mam los teeb tias lub twg yog lub tau zeeg zoo dua.

Ces txij xyoo 2021 los, thiaj yog thawj zaug uas teb chaws Australia lub nroog Vienna tau poob zum ib (tau zum ob) txuas ntxiv ntawm Denmark lub nroog Copenhagen uas yeej rau sab seem kev tiaj tus, kab lis kev cai thiab tej ib puag ncig.

Thiab tos Austria lub tuam ceeb ho poob tsis tau cov zum zoo los twb vim yog nws tau cov zauv tsis tau txais kev ruaj ntseg, tom qab tau muaj cov xwm txheej neeg hawv yuav ncaws npaum tua neeg thaum yuav ua Taylor Swift lub koom txoos paj nruag xyoo 2024.

Thiab yeej tsis txheeb tej nroog 173 lub hauv ntiaj teb tias seb puas yog tej nroog uas muaj peev xwm yuav tsev los yog ntiav tau tsev nyob.

Copenhagen ranked second in both the 2023 and 2024 rankings. Source: AP / Linda Kastrup

Australian muaj 3 lub nroog yog cov ntawm ntiaj teb tej nroog 10 uas xias nyob tshaj plaws

Melbourne tau zum 4 uas lub xyoo 2 sib law liag vim tau cov zauv zoo rau cov kev kho mob thiab kev kawm.

Sydney ces tau zum zoo tuaj ntxiv nce qeb ib theem ntawm xyoo 2024 los tau zum 6 xyoo no (2025), hos Adelaide ces tau zum 9 ntawm ntiaj teb 10 lub nroog uas xis nyob tshaj plaws. Ob lub nroog no kuj tau cov zauv zoo rau sab seem kev kho mob thiab kawv kawm, tab sis kuj tau cov zauv tsawg zog Melbourne rau tej kab lis kev cai thiab tej ib puag ncig.

Melbourne, Sydney, thiab Adelaide yog Australia 3 lub nroog uas tau zum 4, zum 6 thiab zum 9 sib law liag ntawm ntiaj teb 10 lub nroog uas xis nyob tshaj plaws xyoo 2025 no. Source: SBS

Thiab tej nroog uas raug teeb txheeb zaum no txog cov kev xis nyob tshaj plaws xam raws tus zauv theem nrab ces tau txog li 76.1 feem pua ntawm 100 feem pua, tab sis zoo li yeej tau cov zauv teev txog cov kev ruaj ntseg ib nyuag tsawg zog, txawm li cas los kuj tau cov zauv zoo tuaj ntxiv rau cov kev kawm, kev kho mob thiab tej hauv paus txhim kho.

Hos lub nroog uas tau muaj ntau yam zoo tshaj plaws tuaj ntxiv ces yog Saudi Arabia lub nroog Al Khobar, uas tau nce los tau zum 135 rau cov kev muaj kev kho mob zoo siv thiab muaj kev kawm zoo, ces thiaj tau ua rau nws tau cov qib zoo tuaj ntxiv txog 13 theem.

Canada lub nroog Calgary ces yog lub nroog uas poob theem ntau tshaj plaws ntawm theem 5 mus ua theem 18. Thiab Vancouver ces tam sim no thiaj tseem yog Canada tib lub nroog ntawm ntiaj teb 10 lub nroog uas xis nyob tshaj plaws lawm xwb.

Teb chaws Askiv 3 lub nroog li — Manchester, London, thiab Edinburgh — ces yog cov nroog uas poob cov theem ntau tshaj plaws thiab vim tau cov zauv teev txog kev ruaj ntseg tsawg.

Japan lub nroog Osaka tau zum 7 thiab thiaj yog ib lub nroog ntawm cov teb chaws Asia uas raug teev nrog ntiaj teb 10 lub nroog xis nyob tshaj plaws xwb. Hos Bangkok ces tau zum 116.

Hos teb chaws Syria lub nroog Damascus ces yog lub nroog tau zeeg tom tw thiab yog lub nroog uas tsis xis nyob tshaj plaws ntawm tag nrho tej nroog 173 lub uas raug teeb txheeb, thiab Libyia lub nroog Tripoli tseem tau zum ib nyuag zoo zog.

Txawm tias tsaib no teb chaws Syria tau muaj cov kev hloov nws tus tsoom fwv tshiab, los nws lub tuam ceeb yeej tseem ntsib tej xwm txheej tsov rog pej xeem los ntev thiab zoo li yeej tseem tsis tau yog lub nroog uas xis nyob zoo tuaj ntxiv li cas li.

Mloog tau SBS Hmong hnub zwj Teeb (Thursday) 6 pm, hnub zwj Hnub (Sunday) 11 am, koom tau ntxiv ntawm Facebook, Google podcast, Apple postcast, los yog Spotify. Download SBS Adio App thiab mloog YouTube, caum Pod follow los yog lwm cov podcasts platforms (iHeart, Amazon Music & Podcasts).