1. Yog cov kev ntsuam xyuas pej xeem uas txhua leej txhua tus yuav tsum tau mus koom (must), suav cov neeg tuaj nyob hauv teb chaws no txhua tus (residents) yuav tau mus koom rau hmo txheeb xyuas pej xeem ntawd tib si.
Txawm tias koj tsis yog pej xeem ntawm lub teb chaws Australia no los koj yuav tau mus koom thiab sau cov ntawv txheeb pej xeem no tib yam. Tsis hais koj yuav yog cov neeg txawv teb chaws tuaj xyuas koj yim neeg hauv teb chaws Australia no, yog tub kawm pejkum (International students), yog cov neeg thov cov visa 457 tuaj ua hauj lwm los sis yog cov neeg tuaj ntoj ncig xyuas teb chaws (ncig teb chaws) los koj yuav tsum tau mus koom sau cov ntawv txheeb xyuas pej xeem tib si.
Source: Population - Scott Barbour Getty Images
2. Yuav siv tej xov xwm koj qhia rau cov ntawv txheeb xyuas pej xeem mus npaj tej vajtse, tsim hauv paus txhim kho uas thauj tej neeg ntawm ib qho mus rau lwm qhov (transport), npaj kev kawm txuj kawm ci thiab npaj tej tsev kho mob rau sawv daws siv.
General view of traffic on the Warringah freeway in Sydney, Wednesday, May 6, 2015. (AAP Image/Dan Himbrechts) NO ARCHIVING Source: General view of traffic on the Warringah freeway in Sydney, Wednesday, May 6, 2015. (AAP Image/Dan Himbrechts) NO ARCHIVING
3. Xyoo no ces yog thawj xyoo uas tau coj cov kev txheeb xyuas pej xeem (Census) mus tso rau neeg sau hauv online ua thawj zaug.
Txij tim 1 lub 8 hli ntuj mus ces nej yuav tau txais ib tsab ntawv nrog rau ib cov census login number thiab cov kev taw qhia tias yuav sau cov ntawv txheeb pej xeem hauv online li cas.
Source: The file 3_census_online_by_sharie_kennedy_getty_images_2.jpg was uploaded
4. Sawv daws yeej muaj peev xwm sau cov ntawv txheeb pej xeem hauv tej ntaub ntawv tau tib yam yog tsis xav sau hauv online.
Tab sis nej yuav tau hu rau tus xov tooj 1300 214 531 kom ABS (Australian Bureau of Statistics) xa tuaj rau nej sau thiab muab xa rov qab mus rau lawv.
Source: The file 4_census_form_-_getty_images.jpg was uploaded
5. Nej yeej muaj peev xwm thov kom nom tswv nrhiav cov neeg txhais lus uas paub nej hom lus pab nej sau cov ntawv txheeb pej xeem no thiab.
Source: The file 5_translator_2_by_getty_images.jpg
6. Nej yuav tsum tau teb (must) txhua txhua los lus nug hauv daim ntawv txheeb pej xeem (Census form). Tsuas tshuav tib nqe lus nug txog cov kev coj ntseeg (Religion) xwb yog nej tsis xav teb los tsis ua li cas.
Raws li teb chaw Australia tej keeb kwm tau teev tseg thaum xub ces nws yeej tau qhia meej lawm tias txhob yuam kom lwm tus qhia tias lawv coj ntseeg hom kev cai dab tsi thiab nyob ntawm seb lawv puas xav qhia xwb. Hos dua ntawm qhov hais no lawm ces yuav tsum tau teb lwm nqe lus nug txhua nrho.
Religion confusion Source: Different_faiths_by_getty-1.jpg
7. Yog tias koj tsis sau cov ntawv txheeb pej xeem ces koj yuav raug nplua nyiaj ib hnub twg ze txog li $180 AUD (Australian dollar) mus txog rau thaum uas koj sau tas lawm xwb mas thiaj tsis raug nplua ntxiv lawm.
Australian dollars in Sydney, Friday, Jan. 15, 2016. (AAP Image/Joel Carrett) NO ARCHIVING Source: Australian dollars (AAP Image/Joel Carrett) NO ARCHIVING
8. Yog tias koj nyob tuaj ntug nroog los yog ib cheeb tsam deb nroog (Regional area) lawm ces yuav muaj cov neeg ua hauj lwm txheeb pej xeem (Census Field Officer) tuaj pab koj sau cov ntawv txheeb pej xeem (Census form) no.
Source: Population_montage_pixabay_public_domain.jpg
9. Lub chaw ntsuam xyuas pej xeem yuav tsis qhia koj npe thiab chaw nyob rau tsoom hwv lwm lub tuam chav hauj lwm.Thiab yeej muaj xov xwm ntxaws qhia txog privacy policy hauv ABS lub vam sab (Website).
Source: Population_globe_-_pixabay_public_domain.jpg
10. Hos yog tias hmo txheeb xyuas pej xeem ntawd koj mus txawv teb chaws lawm ces koj tsis sau cov ntawv txheeb xyuas pej xeem los tau, tab sis yog koj tsuas mus txawv xeev, mus camping (pw yos hav zoov nuv ntses tuaj tsiaj xwb) ces koj yuav tsum tau sau cov ntawv txheeb xyuas pej xeem rau ntawm thaj chaw uas koj nyob ntawd.
Source: Plane_1_public_domain_pixabay.jpg
Thiab yog koj xav kom ABS xa cov Census form (cov ntawv sau txheeb pej xeem) rau koj ces hu rau tus zauv xov tooj 1300 214 531.
Hos yog koj xav tau neeg txhais lus ua koj hom lus ces hu rau tus zauv xov tooj 13 14 50 tau.
Mloog tau zaj xov xwm txheeb pej xeem tau raws li qhov link hauv qab no tau:
2016 Census
Yuav sau cov ntawv txheeb pej xeem li cas?
Koj yeej muaj peev xwm mloog tau xov xwm ntau yam ntawm lub vam sab (website) www.sbs.com.au/hmong tau cov tshiab tshiab hais kiag tam sim ntawd rau hnub Thursday (Zwj Teeb) sij hawm 6pm AEST (6 thaus (teev) tsaus ntuj) los yog mloog hnub zwj Hnub (Sunday) sij hawm 11 am AEST (Australian Eastern Standard Time) los yog (11 teev (thaus) sawv ntxov). Lub vam sab no ces tsuav koj muaj internet siv xwb ces yeej mloog tau thoob ntiaj teb tsuas yog koj yuav tau tig sij hawm kom sib thooj yog koj xav mloog thaum hais tshiab xwb. Tab sis nyob hauv Australia ces yeej mloog tau raws lub sij hawm li tau hais los saum toj no.
Ntxiv ntawd koj muaj peev xwm mloog tau ntawm digital TV tshooj 38 los yog koj nyob hauv teb chaws Australia.
Koj tseem muaj peev xwm mloog tau ntawm digital radion cov radion frequency li hauv qab no tau tib yam yog koj nyob hauv teb chaws Australia no:
Hobart: 105.7 fm
Melbourne: 93.1 fm los yog 1224 am
Canberra: 105.5 fm los yog 1440 am
Sydney: 97.7 fm los yog 1107 am
Brisbane: 93.3 fm thiab
Cairns: 90.5fm.
Tsis tas li no koj tseem muaj peev xwm download tau SBS Radio App hauv Google Play thiab App Store coj los tso rau koj lub xov tooj ntawm tes (I-Phone los yog Andriod phone) ces koj mloog tau rau 2 hnub Thursday 6pm AEST thiab Sunday 11am AEST tib yam thiab.
Ntxiv ntawd koj tseem muaj peev xwm download tau cov podcast los yog cov zaj xov xwm ntau yam ua ib zaj ib zaj cia mloog tom qab los tau ntawm : www.sbs.com.au/podcasts/yourlanguage/hmong
