Jerry (uas tsis yog ib lub npe tseeb) tau tab tom nrhiav ib txoj xub ke kom tau nyob ruaj ntawm Australia no thaum txog rau lub caij Christmas.
Ces nws thiaj tau siv lub Suav lub e-commerce app hu ua Xiaohongshu, tus tub kawm pej kum haiv (txawv teb chaws) no thiaj tau sau ib co ntawv hauv online lub 4 hlis ntuj.
Nws tau sau tias nws tau tab tom nrhiav ''ib tug primary applicant" koom nrog nws mus sau ntawv thov cov visa subclass 189 thiab 190 skilled migration applications — uas ob co ntaub ntawv no yuav pab kom nws thov tau cov skilled migration visas nyob ruaj ntawm Australia.
Ces thiaj tau muaj neeg teb tias tej zaum lawv muaj peev xwm pab nws tam li yog nws tus migration agent uas ''yeej tau npaj txhiaj'' tus primary applicant uas tau ''cov zauv zoo heev lawm."
Ho muaj cov kev muag ''cov kev ua txij nkawm" ntawm tej kiab khw lagluam ua txhaum cai rau cov kev thov cov skilled visas li cas
Ntawm Australia no ces cov skilled migration program (cov visa rau tej neeg muaj txuj ci paub ua ib yam hauj lwm dab tsi), ces tus neeg tseem ceeb uas sau daim ntawv thov visa no yuav tau thov kom tau nyob ruaj ntawm Australia no raws lawv tej txuj ci tau kawm thiab tej hauj lwm uas lawv tau ua thiab paub ua (qualifications thiab work experience).
Thiab tej zaum ces lawv kuj muaj peev xwm teev txog lawv tus txij nkawm thiab tej me nyuam tam li cov neeg thov txhab ntxiv rau daim ntawv thov ntawd. Tab sis tsuas pub teev ib tug txij nkawm nrog daim ntawv ntawd xwb. Thiab mam li siv ntau yam li hnoob nyoog, cov kev paub ua hauj lwm, kev kawm thiab cov kev paub lus thiab paub ntawv Askiv coj los txheeb tej neeg thov no tej ntaub ntawv.
SBS Mandarin tau txheeb tau tias tus neeg ob uas yuav teev npe nrog daim ntawv thov cov permanent residency rau cov skilled migration visa no ces yeej yog teev txog tej neeg ntawm ib tse neeg twg, tab sis yeej raug coj mus muag hauv tej kiab khw lagluam ua txhaum cai ntawm lub online app hu ua Xiaohongshu.
Jerry* tau siv Suav lub e-commerce app hu ua Xiaohongshu coj los nrhiav ib tug migration agent. Credit: SBS Mandarin
Jerry — thiaj thov kom tsis txhob qhia rau lwm tus paub tias nws yog leej twg ntawm zaj dab neeg no — yeej tau ntsib tus agent ntawm ntawm nws lub chaw ua hauj lwm ntawm Sydney lub 4 hlis ntuj thiab tau kos mem tes rau ib daim contract lub 5 hlis ntuj.
Ntxiv ntawd ces nws thiaj tau them nyiaj zoj $5,000, tau kos mem tes rau ib daig contract thiab tus agent ntawd tau qhia rau Jerry tias lawv nrhiav tau ib tug ''partner" rau nws lawm.
Jerry tau qhia rau SBS Mandarin tias "Lawv tau pab peb nrhiav kom tau ib tug primary applicant uas haum rau yus,"
"Tus primary applicant (thawj tug neeg tseem ceeb ntawm daim ntawv thov) ntawd yuav tsum yog tus tau cov score siab, yog tus neeg uas nom tswv xav tau raws li tau pub thov, thiab yog tus ua tej hauj lwm uas teev ntawm cov skilled occupation list."
'Nws tau qhia tias kuv yuav tau yees tej duab li cas'
Tus migration agent ntawd thiaj tau nrhiav tau ib tug ''txij nkawm" cuav rau Jerry uas ua hauj lwm tam li yog ib tug nurse thiab tau cov migration score txog 90 points.
Tom qab nrhiav tau tus txij nkawm lawm, ces lawv tau los tsim ntau yam ntaub ntawv cuav uas dag tias nkawv tau koom nyob ua ke.
Jerry tau hais tias "
"Wb yuav tau pib tsim cov kev nkauj nraug de-facto relationship (nyob ua ke tab sis tsis tau sib yuav ua txij nkawm),"
"Tus agent ntawd tau hais kom wb tawm mus noj mov ua ke, thiab yees tej duab sib hlub sib tshua ua nkauj nraug.
"Tus agent yeej qhia tias wb yuav tau yees tej duab no li cas.
"Thiaj ua rau kuv xav tias zoo li muaj ib yam dab tsi txawv txav lawm, vim rau qhov kuv tus primary applicant yog ib tug muaj txuj ci thiab paub yees tej duab no heev, tam li nws yog ib tug uas twb tau pab lwm tus dhau los lawm.
"Nws tau qhia tias kuv yuav tau tso kuv txais tes qhov twg, thiab yuav yees duab li cas."
Tus migration agent tau qhia rau Jerry thiab kom mus yuav tsum tau mus qhib ib phau ntawv koom siav nyiaj rau nws thiab nws tus txij nkawm siv ua ke.
Jerry tau tshab txhais tias "Kom tsoom fwv thiaj tnseeg tias nkawv nyob ua ke,"
"Lawv tseem tau qhia tias lawv yuav pab wb tsim tej ntaub ntawv them ntau yam nqe, ntaub ntawv ntiav tsev nyob ua ke ntxiv thiab."
Jerry tau hais tias tus agent yeej tau npaj tej txheej txheem thov cov skilled migration visas no "tau zoo heev". Lub 7 hli ntuj ces tus agent no tau qhia rau nws tias txog Christmas xwb ces tej zaum nws yuav tau daim ntawv nyob ntawm Australia no ruaj lawm.
Vim cov kev zoo siab tias yuav tau nyob ruaj rau lub caij ntau hli raws li nws tau npau suav, ces nws thiaj tau mus them nyiaj txwm tag nrho rau tus agent ntawd lawm.
Nws tau hais tias ''Cov kev zoo siab heev ua rau yus tsis tsis tshua meej pem pes tsawg lawm, thiab ua rau yus tsis muaj peev xwm los ua tib zoo luj tej xwm txheej no kom ntxaws thiab paub qhov tseeb lawm."
'Ua rau kuv ib ce tshee na'
Tab sis thaum ntxov lub hli no, ces tau muaj ib tsa xo xa hauv xov tooj tuaj rau nws tau ua rau nws tag kev cia siab. Uas yog tus ''nurse" uas yog nws tus txij nkawm cuav ntawd tau qhia qhov tseeb rau nws paub.
Nws tau qhia tias tus migration agent ntawd tau "ntxias dag" kom nws mus koom ib lub rooj sab laj thiab tau yees ntau daim duab nrog tus neeg ob uas xav thov cov ntaub ntawv no thiab.
Tsis yog tias nws tsis yog ib tug nurse tseeb ntawm NSW xwb tab sis tseem teev nws cov points cuav thiab.
Jerry tau hais tias "Thaum kuv tau nyeem tsab xo no thaum sawv ntxov ces tau ua rau kuv ceeb loj kawg nkaus li, thiab ua rau tag nrho kuv ib ce tshee na lawm xwb."
Jerry tau mus koom nrog ib pawg neeg raug tej teeb meem no tham thiab txheeb tau qhov tseeb tias nws yeej tsis raug caw, thiab yeej tsis tau xa ntawv ua nws npe mus thov tej visa no li.
Nws tau txheeb tau tias cov duab screenshots yees ntawm Department of Home Affairs lub vas sab uas tus agent xa tuaj rau nws ces yog tej duab cuav xwb.
Jerry tau ib ib tug neeg uas siv ib tug txij nkawm cuav li nws thiab tau coj tej duab screenshots coj los siv piv — ces tej duab ntawd yeej muaj ntsis sib xws, li tej hnoob nyoog.
Nws thiaj tau hu rau lub tuam chav Department of Home Affairs, ces lawv thiaj qhia meej rau nws tias qhov tseeb tiag yeej tsis muaj ib daim ntawv thov tej visa no ua nws npe li.
"Txij hnub ntawd los ces kuv cia li tsis muaj peev xwm ua kuv lub neej li lawm."
Kwv yees tias muaj ntau tus neeg raug neeg phem dag poob nyiaj ntau million dollar
Tom qab ntawd ces ntau tus neeg uas raug neeg phem dag ntawm pawg group chat no thiaj tau hais tias lawv tej ntawv sib nyiaj uas tsim coj los rau lawv kom tau koom siv nrog lawv tus txij nkawm tau raug tej agents ntawd muab kaw tas lawm, thiab tau muab tag nrho tej nyiaj hauv tej ntawv siv nyiaj ntawd rho tawm tas lawm.
Thiab raws li Jerry hais ces muaj tej neeg coob tshaj 90 leej yog cov neeg ib feem ntawm tej neeg uas raug neeg phem dag poob nyiaj uas tau kwv yees tias poob tshaj li $10 million.
Kuj tau muaj ib cov neeg raug tej teeb meem no tau mus sib hais nrog tej agents tab sis dua ntawm qhov tej neeg no yuav pab lawv daws lawv tej teeb meem lawv tseem raug hawv thiab.
"Lawv (tej migration agents) ntawd yeej tau qhia ncaj qha rau peb tias: yog nej tseem pheem tsim teeb meem thiab, ces peb yuav ua kom nej tsis txhob muaj peev xwm nyob ntawm teb chaws Australia no.
"Lawv (agents) tau hais tias lawv yuav qhia peb tej kev thov visa no rau nom tswv paub, thiab tseem thuam peb tias 'yog tej neeg phem ntawm teb chaws Suav xwb.'
"Kuj tau muaj ib txhia neeg raug tej teeb meem no tau hais tias tej agents yeej tau qhia rau nom tswv paub tias, ces thiaj ua rau lawv tsis tau ib co visa raug cai nyob tau ntawm Australia no, thiab yuam kom lawv yuav tau rov qab mus tsev."
SBS News tau sib txuas lus nrog Department of Home Affairs seb puas tawm tswv yim dab tsi txog tej no.
Limtiam dhau los ces lub tuam chav no thiaj tau coj ib co lus ceeb toom coj los qhia zej tsoom tias nws yeej tau tab tom los txheeb tej migration agents uas ua tsis ncaj thiab pheej siv cov kev taws qhia txog cov kev tsiv teb tsaws chaw tsis raug cai coj los ntxias dag tej neeg.
Raws li lub tuam chav no tej ncauj lug hais ces yeej tau muaj plaub co agents uas ua cov migration agents tsis raug cai ntawm Australia lub xeev Victoria thiab Queensland uas yeej tau kom tej neeg them nyiaj txog 41.4 million rau cov kev thov protection visas thaum tej neeg no tseem tsis tau yog cov neeg thov kev pov puag ntawm tsoom fwv (asylum seekers) uas raug txhom ceev tseg thiab muaj 3 tug ces kuj raug muab xa rov qab lawm.
Lub tuam chav no tau sau ib co lus hauv nws phau Facebook tias "Yog tias koj yog ib tug neeg thov visa ces tej zaum tej agent cuav yuav hais kom koj qhia tej xov xwm cuav los yog xov xwm tsis muaj tseeb los yog tej ntaub ntawv tsis muaj tseeb thaum thov cov Protection visa,"
"Tab sis tej no yob ib co kev ua txhaum cai, thiab tej zaum yuav ua rau koj raug nplua, raug kaw tsev laj cuj txog li ntawm 10 xyoo thiab."
Sean Dong uas yog ib tug kws lij choj tseem ceeb thiab kuj yog ib tug migration agent ntawm lub tuam txhab ProActive Legal tau hais tias lub tuam chav no muaj fwj chim yuav los tshuaj ntsuam thiab tsis pub visa rau yus yog txheeb tau tias muaj cov kev ua tsis ncaj tiag.
"Yog lub tuam chav no tsis pub visa rau yus siv, ces yuav yuav raug txwv tsis pub thov 3 lub xyoos, txhais tias yuav tsis pub yuav thov tau tej visas feem ntau siv,"
Dong tau hais tias tej neeg tsim nyog yuav tau mus txheeb thiab tsuas siv tej migration lawywers uas muaj ntaub ntawv raug cai tso cai rau lawv ua tau tej hauj lwm no xwb, uas yeej muaj peev xwm txheeb tau ntawm lub koom haum Migration Agents Registration Authority lub vas sab.
Tam sim no ces Jerry yeej tau qhia tej xwm txheej no rau tub xeev xwm NSW thiab nws kuj tau ib tub case number lawm.
SBS Mandarin tau koom nthuav zaj xov xwm no.
