Sunisa Lee yog thawj tug ntxhais Hmoob America uas tau sawv cev rau teb chaws America pab Team USA mus koom cov kev sib tw Gymnastic ntawm Tokyo Olympics 2021 ntawm tuaj ceeb Tokyo teb chaws Japan rau xyoo 2021.
Thaum xub ces nws kuj tau npib nyiaj nrog nws cov phooj ywg uas koom sib tw ua ke, tab sis tam sim no ces nws kuj muaj peev xwm sib tw yeej ib lub npib kub rau nws thiab Team USA lawm tom qab uas Simone Biles nyuaj siab thiab tawm tsis sib tw lawm.
Sunisa hais tias ''kuv yeej yog tus sib tw tau zoo ua zum 2 ntawm Simone Biles, tab sis tom qab nws tsis sib tw lawm ces sawv caws yeej cia siab ntsoov tias kuv yuav sib tw kom yeej thiab tau ib lub npib kub."
Yeej tau muaj xov xwm tshaj dhau los tias nws xav ras los ua ib tug ntxhais Hmoob los txhawb nqa kom Hmoob tig los kub siab txog cov kev sib tw (sports).
Sim teb cov lus nug ntau yam cuam tshuam txog cov kev sib tw Olympic seb koj ho paub txog tej kev sib tw no zoo npaum li cas:
Yav tag los txawm nws raug mob thiab nws txiv muaj mob lawm los nws txiv yeej tseem yog ib tug neeg txhawb nws dag zog thiab siab ntsws kom nws thiaj muaj zog thiab muaj kev ntseeg siab thiab cia siab rau nws tus kheej tias yuav sib tw kom zoo npaum li qhov nws muaj peev xwm ua tau, tab sis cov kev cia siab no kuj tau ras los ua ib cov kev nyuaj siab kawg nkaus vim nws mloog tau tias muaj pressure thiab expectation ntau heev rau nws.Mloog tau SBSHmong rau hnub zwj Teeb (Thursday) thaum 6 pm AEDT thiab hnub zwj Hnub (Sunday) thaum 11 am AEDT los yog koom tau ntxiv ntawm SBS Hmong Facebook thiab subscribe los sis yog download thiab mloog tau ntau cov podcasts (xov xwm ua suab) ntawm Google podcasts, Spotify, thiab Apple podcasts los yog download SBS Radio App kom koj mloog tau SBS Hmong.
