Yog li cov kev txwv dej no yuav txwv tsis pub pub koj siv dej li cas?
Raws li lub koom haum tswj dej siv Sydney water tau qhia ces yuav pib txwv cov kev siv dej theem 1 (Level 1) txij hnub tim 01.06.2019 mus lawm.
Txawm li cas los koj tseem muaj peev xwm siv tau dej ywg qab vaj tsib taug ua ntej 10 am thiab tom qab 4 pm tab sis tsis pub siv rau lub caij txij 10 am txog 4 pm.
Tab sis tseem siv tau cov dej ntxuav zaub tej dej da qhov dej khawb siv tau yam tsis raug txwv dab tsi, tab sis yog ho xav siv cov dej tom tej dej los yog kwj deg ces yuav tsum tau thov ntawv tso cai ntawm nom tswv.
Tab sis txwv tsis pub cia li txuas xov roj hmab tsis muaj lub pob kaw kom tso tau thiab siv tau dej tsawg ntawv siv los ntxuav tsheb, ntxuav kev nres tsheb, ywg tsev los yog ywg vaj zaug.
Yog tias leej twg tsis hais yuam cai tsis ua raws ces nom tswv yuav nplua nyiaj rau cov neeg ntiag tug txog li $220 thiab nplua $550 rau tej lagluam.
