Raws li Australia lub tuam chav tswj tej dej num cog qoob loo, ntses thiab hav zoov (Australian Departent of Agriculture, Fisheries and Forestry -DAFF) qhia ces yog ib tug neeg twg nqa Thaib cov tshuaj hnia hu ua Hong Thai tuaj ces yuav tsum tau sau ntawv qhia rau daim ntawv qhia tias koj nqa dab tsi tuaj rau Australia (Incoming Passenger Card - IPC) qhi uas koj muaj peev xwm txheeb tau ntawm Home Affairs Department los yog tej neeg ua hauj lwm ntawm dav hlau muab rau koj sau los sis sau thaum los txheeb koj tej khoom ntawm tshav dav hlau.
Raws li Australia lub tuam chav DAFF qhia ces yog koj tsis qhia (tsis declare) tias koj nqa tej tshuaj no tuaj ces tej zaum koj yuav raug nplua txog li $600 mus txog li ntawm $4,000 vim muaj 6 yam nroj tsuag uas tej zaum yuav muaj tau teeb meem tsis tau txais kev nyab xeeb rau teb chaws Australia tej nroj tsuag xyoob ntoo. Ces thiaj xav kom koj kos lub pob [YES] qhia yog koj nqa nrog koj mas thiaj yuav tsis raug nplua.
Mloog tau xov xwm tshiab ntawm SBS Hmong, download SBS Adio app, caum SBS Hmong ntawm Facebook,mloog tau Youtube, Spotify, Podfollow, iHeart Radio, Google Podcast thiab Apple Podcast.
