Ntsiab lus tseem ceeb:
- Tej tuam txhab muag ntau yam services nqua hu kom tej neeg sawv daws tsis txhob nchuav/hliv roj, tej nqaij rog thiab tej mis rau hauv lub sink/lub dab ntxuas tais raws li lub koom haum Sydney Water qhia meej tseeb rau sawv daws..
- Tej roj ntawm tej mis ces yog cov yuav ua rau tej roj khub sib lo ua ib thooj mus txhaws tej raj dej thiab tau ua rau tej neeg poob nyiaj ntau millions los daws tej teeb meem raj dej txhaws.
- Tsis tas li ntawd los kuj muaj tej xwm txheej no xam raws tus zauv nrab txog li 1300 cov xwm txheej tej roj txhaws tej qhov raj dej ntawm Sydney tej chaw tso dej qias (Sewage system) ib lub hlis twg.
Cov kev khaws tau tej mis haus rau lub caij luv luv ua rau neeg Australia pheej coj tej mis coj mus pov tseg vim tsis zoo haus lawm.
Tab sis raws li Sydney Water hais ces tej neeg uas pheej coj tej mis mus hliv/nchuav rau ntawm lub dab ntxuav tais diav (sink) ua yuam kev lawm.
Thiaj tau muaj cov kev nqua hu kom tej neeg nyob ntawm Australia tsis txhob hliv/nchuav mis rau tej sink vim tsam ua rau muaj teeb meem rau tej raj dej tso tej dej qias no.
Mis yog ib feem ntawm cov teeb meem 'FOG (fats, oil thiab grease)' ntawm tej raj dej
Thiab qhov txaus txhawj xeeb yog tej roj ntawm tej mis.
Ben Armstrong uas yog tus coj lub koom haum Sydney Water tau qhia rau SBS News tias tau muaj ib co kev taw qhia tshiab kom tej neeg kub siab txog thiab tsis txhob coj tej fats, oils thiab grease coj mus nchuav rau tej raj dej qias. Source: Supplied
"Vim tej roj no yuav mus khub thiab sib lo ua ib thooj roj loj thiab muaj peev xwm yuav tsim tau teeb meem ntau yam rau tej qhov raj dej qias (drainage system).''
Fatbergs ces yog ib co roj khub ua ib thooj loj uas tsis muaj peev xwm tso dej yaug kom ntws mus tau ntawm lub chav plob.
Muaj ntau yam roj li fats, oils thiab greases los yog 'FOGS' khub ua ke ces yuav mus txhaws tej qhov raj dej. Tsis tas li ntawd los tej roj no yuav txhaws thiab khub ntau tonnes uas yog tej yam tawg tsis yooj yim.
Armstrong tau hais tias tsis Sydney Water cov kev teeb txheeb tsis ntev los no tau qhia tias muaj tej neeg ntawm nroog Sydney txog 69 feem pua tau xav tias hlis tej mis tsis zoo haus lawm rau tej qhov raj dej tsis ua li cas.
Nws tau hais tias ''Muaj cov feem pua no siab heev, ces peb thiaj xav qhia kom tej neeg paub txog tej no, thiab kom tej neeg paub tias tsuas yog dej, tshuaj ntxhua khaub ncaws thiab tej tshuaj da dej xwb uas peb xav kom hliv los yog tso rau tej qhov raj dej/tej dab ntxuav tais diav.''
''Kuv xav tias zoo li tej neeg tsis ras txog tej no thiab lawv yeej tau ua li no los tau ib ntus lawm.''
Txawm tias zoo li cov kev nchuav me ntsis mis rau hauv tej raj dej tsis ua li cas, tab sis qhov tseeb tiag ces tej roj ntawm tej mis yuav ua rau tej qhov raj dej txhaws uas ua rau poob nyiaj ntau million dollars ntawm Sydney rau lub caij 9 hli dhau los no nkaus xwb. Source: Getty / Caner CIFTCI
Armstrong tau hais tias tsuas xav kom tso cov khoom uas pib 3 tug niam ntawv 'P's xwb li — zis, quav thiab ntawv so quav nkaus xwb — thiaj tsim nyog yaug rau hauv chaw plob, thiab tsuas tso dej, tej tshuaj ntxuav cev thiab tej tshuaj ntxhua khaub ncaws rau hauv tej sinks xwb.
Tej roj khub qhov raj dej uas ua rau yuav tau ncua koom txoos paj nruag
Armstrong tau hais tias lub koom haum Sydney Water tau siv nyiaj txog $12 million coj los tshem tej roj uas khub tshaj 11,800 zaug rau hauv tej qhov raj dej qias rau lub caij 9 hli los txog lub 7 hli ntuj no.
Nws tau hais tias ntshe tseem yuav tau them tej nqe tshem tej roj khub tej qhov raj dej qias no ntau tuaj ntxiv txog li ob npaug thiab yog xam cov kev yuav tau los tu ntxuav thiab kho tej qhov puas lawm.
Lub ob hlis ntuj ces tej roj khub uas txhaws tej qhov raj dej kuj tau ua rau yuav tau muab Bryan Adams uas yog ib tug neeg nqua yas suab rock neeg Canada lub koom txoos paj nruag uas tau npaj yuav ua ntawm Perth Arena ncua lawm.
Tom qab tau ncua tsis ua cov paj nruag no ces, lub koom haum Water Corporation tau hais tias yuav tsis ua lub koom txoos paj nruag no ''vim tsam ho muaj tej dej qhias phwj tuaj rau tej tsev plob ntawm thaj chaw ntawd ces yuav tsis tau txais kev noj qab nyob zoo rau zej tsoom.''
Tej teeb meem yuav muaj ntev ntxiv tuaj
Cov kev nchuav mis rau hauv lub chaw nchuav tais diav tej zaum zoo li yuav tsis muaj teeb meem dab tsi, tab sis yeej muaj feem cuam tshuam nrog cov drainage system.
Professor Stuart Khan uas yog tus coj ntawm lub tuam chav School of Civil Engineering ntawm University of Sydney tau hais tias muaj ob co drainage systems ntawm tej nroog thawj cov ces yog cov khaws tej dej nag thiab ib co ces yog cov khaws tej dej qia txhua yam suav tej dej qhia ntawm ib lub tsev twg suav cov ntawm tej chaw ua noj ua haus thiab chav dej nrog.
Khan tau qhia rau SBS News tias "Tej qhov raj dej qias ces yej yog qhov chaw khaws tag nrho tej dej hauv tsev uas raug tso raug yaug hauv tej chav plob thiab tej dej ntawm tej chaw ua noj ua haus, tej dab da dej, tej dej uas yaug yus thaum da dej, ces tej drainage no thiaj txuas rau tag nrho txhua yam dej siv hauv ib yim neeg los yog hauv ib lub tsev twg, thiab txuas rau tej chaw xa dej qias ntawm lub zos uas muaj cov qhov raj dej qias loj dua ... feem ntau ces yeej muaj rau ntawm yus tej qab tsib taug los yog nyob sab hauv qab tej kev ntawm yus xub ntiag tsev, ces mam li xa tej dej ntawv coj mus lim rau tom tej chaw lim tej dej qias,''
"Ces thiaj muaj ntau yam teeb meem sib xyaws daws, tsis yog tib tug neeg ua nkaus xwb, ces thiaj ua rau muaj teeb meem rau sawv daws ntawm ib lub nroog. Sydney yeej muaj tej neeg txog li 5.5 million tus diam — thiab yog tias peb pheej hliv tej roj rau tej raj dej, suav tej roj ntawm tej mis uas hlis rau tej sinks, tej qhov raj dej uas yuav ua rau muaj teeb meem rau tej qhov raj dej txuas ntxiv vim muaj ntau pua txheeb tus neeg tej roj tag nrho ua raug hliv rau tej chaw no yuav los sib sau ua ke.''
Muaj tej neeg Australia coob heev pheej hliv tej mis tsis zoo haus rau hauv tej sink yam tsis txhawj txog dab tsi li yav dhau los, tab sis tej roj ntawm tej mis no tau mus sib sau nrog lwm yam khoom qias ntawm peb tej dej qias thiab mus txhaws tej qhov raj dej qias. Source: Getty / Robin Gentry
"Tag nrho tej nroog thoob ntuj los yeej tab tom los daws tej teeb meem no thiab,'' raws li nws tau hais.
''Ces thiaj ua rau muaj teeb meem loj rau cov kev los kho tej qhov raj dej, thiab ua rau muaj teeb meem loj rau tej nqe siv dej, ces thiaj ua rau tej customers (tej neeg) yuav tau them tej nqe no,''
"Tab sis yeej yog peb sawv daws tej txiaj ntsim uas peb yuav tau nrog xyuas kom peb tau kho tsawg npaum li tsawg tau, thiab tswj kom tsuas muaj tej qhov raj dej qias paim tsawg npaum li tsawg tau thiab nrog xyuas kom muaj tej xwm txheej uas yuav ua rau txhaws tej qhov raj dej qhia.''
Cov kev qhia kom zej tsoom paub coob tuaj ntxiv
Txawm tias tej tuam txhab muag services li dej hluav taws xob thiab gas yeej tsis tau hais dab tsi tsi ntsees txog tej mis yav tag los thias yog ib yam ntawm ntau yam uas tsis tsim nyog muab nchuav/hliv rau hauv tej qhov raj dej, los Khan tau hais tias yeej yog ib txoj xub ke zoo uas yuav tau xa ib tsab xo qhia thoob plaws rau zej tsoom paub txog thiab.
Nws tau hais tias "Ib co txiaj ntsim yuav tau ntawm ntau yam thaum peb tham txog tej mis tsi ntsees lawm ces, tseem muaj ib txhia neeg xav tias, 'oh, yog mas mis muaj roj mas, tab sis ho muaj lwm yam dab tsi uas muaj roj xyaw thiab?', ces thiaj xav kom tham txog lwm yam uas muaj roj uas pheej ua rau tej neeg muab nchuav rau hauv tej qhov raj dej thiab,''
"Kuv thiaj xav tias peb yuav tau xyuas kom peb muaj cov kev xav nthuav dav txog tej uas peb xav tias tsis ua li cas los yog tej uas tej khoom uas tej zaum yuuav muaj teeb meem yog tias peb muab nchuav rau hauv tej qhov raj dej, los yog tej chaw plob los sis tej dab ntxuav tais.''
Sydney Water thiaj tau tsim ib co kev taw qhia uas coj los qhia kom sawv daws paub txog tias ho yuav muaj tau teeb meem cuam tshuam dab tsi los ntawm tej roj (fats, oils, greases) rau peb cov sewer system.
