Txawm tau muaj cov kev nqua hu kom teeb tsa ib pawg neeg nruab nrab txheeb tej xwm txheej no los Anika Wells ua yog Australia tus nom tswj dej num sib txuas lus (Communications) tsis pom zoo tom qab nws tau ntsib tej neeg sawv cev ntawm Optus thiab Singtel uas yog tus tswv lub tuam txhab Optus uas Singtel tus coj qhia tias twb tab tom tshuaj ntsuam lawm yog txheeb tau qhov tseeb mam qhia rau zej tsoom paub.
Optus yuav muaj peev xwm "ntsib ntau yam teeb meem loj" rau lub caij uas lub koom haum tswj tej cai tswj cov tuam txhab telecommunication Australian Communications and Media Authority (ACMA) tau mus tshuaj ntsuam txog lub tuam txhab no cov kev tsis muaj peev xwm siv tau nws tej xov tooj, uas tej xwm txheej no tej zaum tau ua tau peb tug neeg tas sim neej.
Tau ua rau tej neeg thoob plaws ntawm peb lub xeev tsis muaj peev xwm siv tau tus xov tooj triple-zero (000) thaum poob rau tej xwm txheej emergency rau lub caij 10 teev uas tsis muaj peev xwm siv tau lub tuam txhab Optus cov network limtiam dhau los.
Communications Minister Anika Wells uas yog tus nom tswj dej num sib txuas lus (Communications) tau hais tias lub tuam txhab Optus yuav tau lees ris tej xwm txheej no thiab yuav tau los ua nws tej hauj lwm ua tib zoo xyuas kom xub kub siab tshaj plaws nrog xyuas kom siv tau tej xov tooj emergency services thiab kom tsis muaj teeb meem dab tsi rau cov kev siv tej xov tooj no.
Wells tau qhia rau tej neeg nthuav xov xwm hnub zwj Hli Monday tias "Lawv yeej tau ua tsis tau raws li qhov lawv hais tias yuav ua pab rau neeg Australia. Ces thiaj yauv ua rau lawv ntsib teeb meem loj."
Tej zaum Optus yuav raug nplua dab tsi?
Wells tau hais tias toom fwv tseem tab tom txheeb kom totaub tias yog muaj tej txhuam thawj dab tsi thiaj ua rau nws tsis ua raws li tej cai uas lub koom haum Australian Communications and Media Authority (ACMA) qhia thiab tau tshuaj ntsuam tej xwm txheej no.
Nws tau hais tias "Tej xwm txheej no yog ib co xwm txheej ob uas tseem ceeb thiab yog tej uas Optus tsis kub siab nrog xyuas. Tsis tas li ntawd los lwm cov tuam txhab telecommuncations los yeej tau ua rau tej neeg siv tsis tau cov cov tooj triple-zero thiab. Tsis yog tib co xwm txheej tau tshwm sim rau Optus nkaus xwb."
Nerida O'Loughlin uas yog tus thawj tswj ntawm ACMA tau hais tias nws lub koom haum yuav xav tau ib co xov xwm tseem ceeb ntawm Optus.
Nws tau hais rau hnub zwj Hli (Monday) dhau los tias "Peb yuav tau siv sij hawm mus ua tib zoo txheeb tias seb muaj dab tsi tshwm sim tiag."
"Tam li yog tus tswj tej cai tswj tej lagluam no, peb yuav xyuas kom Optus lees ris tej xwm txheej zum ob uas uas rau tej neeg siv tsis tau xov tooj rau lub caij ob peb xyoos dhau los no."
O'Loughlin teev txog Optus cov kev tsis muaj peev xwm siv tau nws tej network xyoo 2023, uas tau ua rau tus coj lub caij ntawd tau tawm thiab ua rau lub tuam txhab no raug nplaua nyiaj $12 million. Thiab raws li ACCC lub vas sab qhia ces lub koom haum Australia Communications and Media Authority (ACMA) tau muab Optus nplua $100 hnub tim 28 lub 6 hli ntuj 2025 thiab qhia meej txog cov kev nplua no lub Federal Court tau qhia meej txog cov kev nplua no hnub tim 24 lub 9 hlis ntuj xyoo 2025 dhau los.
Nws tau hais tias "Peb tsis xav tias yuav rov qab ntsib teeb meem sai npaum li no ntxiv rau lub sij hawm tsawg dua 2 xyoos tom qab tau muaj tej xwm txheej ntawm tau tshwm sim,"
Raws li O'Loughlin hais ces txawm tias tsab cai no yeej tsis tso cai rau txim txhaum rau tej xwm txheej tsis muaj peev xwm siv tau Optus tej network los tej zaum yeej yuav raug nplua nyiaj.
Nws tau hais tias "Kuv yeej tsis xav tawm tswv yim dab tsi txog cov kev nplua no vim yog ib co sib chab sib chaws, tab sis yeej raug nplua $19,000 rau ib co xwm txheej tsis ua raws tej cai media regulation twg, thiab tsev hais plaub muaj peev xwm nplua $250,000 rau ib co kev ua txhaum twg."
Stephen Rue uas yog Optus tus coj tau hais rau ob hnub so tias lub tuam txhab no ''yuav tau ris tej teeb meem'' yuam tej cai no.
"Peb yeej yuav xyuas kom nws ris tej teeb meem technical issue uas peb tsis paub txog ... thiab yog ib co xwm txheej yuav tsis nyog."
Hnub zwj Hlis (Monday) uas thawj pwm tsav Anthony Albanese tau nrog tej neeg nthuav xov xwm tham ntawm New York ces nws tau hais tias Optus tej cwj pwm yog tej yam "yuav tsis nyog lawm, thiab peb yeej tau qhia meej tseeb rau nws lawm."
"Nom tswv yeej yuav ua tib zoo tshuaj ntsuam thiab nom tswv yuav siv fwj chim los rau txim raws li qhov tsim nyog, tab sis qhov txaus txhawj xeeb tam sim no ces yog cov kev tshuaj ntsuam tej xwm txheej no."
