Tej nom tswv ntawm teb chaws Askiv tau tawm suab pom zoo los txwv ib tug neeg twg uas yug tom qab xyoo 2009 tsis pub yuav luam yeeb hais, uas yog ib co tswv yim yuav ua tib zoo xyuas kom raws los ua cai siv.
Ces thiaj muaj tej nom tswv tau tawm suab pom zoo 383 lub suab thiab 67 lub suab tsis pom zoo rau tsab cai Tobacco and Vapes Bill.
Txawm li cas los kuj muaj qee tus nom li Askiv tus thawj pwm tsav dhau los uas yog Liz Truss nrog kuj hais tias yuav ua rau tsis tau txais kev ywj pheej rau tej neeg ntiag tug.
Tab sis Victoria Atkins uas yog Askiv tus nom tswj dej num noj qab haus huv hais tias lub tswv yim no yog xav tsim kom tau ''ib phaum neeg uas tsis haus luam yeeb'.
Ntawm teb chaws Askiv no ces yuav laug txhua txhua ib ntiag tiv (1 minute) twg ces yeej muaj ib tug neeg raug coj mus kho ntawm tsev kho mob vim haus luam yeeb. Cov kev haus luam yeeb ua rau tej neeg tau tus mob dementia sai tshaj qhov tsim nyog, thiab ua rau lawv pheej yuav tau rau nraim cua oxygen tag lawv ib sim neej. Tsis tas li ntawd los tseem ua rau tej me nyuam tas sim neej ua ntej los yog tas sim neej rau lub caij yug yuav laug txog li ntawm 50 feem pua thiab. Txawm li cas los tsab cai no kuj yuav tsis muaj teeb meem dab tsi rau tej neeg tseem haus luam yeeb tam sim no tej cai dab tsi.UK Health Secretary Victoria Atkins.
Mloog tau SBS Hmong hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm SBS Hmong Facebook, Google podcasts, Spotify thiab Apple podcasts. Download SBS Audio app thiab caum SBS Hmong pod follow.
