Npaj tsim lub tsev Trump Tower ntawm Gold Coast uas yog Australia lub tsev siab tshaj plaws

Muaj tej xov xwm cej luam tias lub tsev Trump Tower yuav sib txog li 91 tshooj, tab sis yeej tseem tsis tau thov kev tso cai kom tau txais kev pom zoo los tsim.

The Gold Coast City Council said a development application hasn't yet been received for the proposed skyscraper. Source: AAP / Supplied/PR image

Ntsiab lus:

• Tau muaj ib tug neeg ua lagluam tsim vaj tse hais tias nws tau kos xeem mem tes nrog Trump lub koom haum los tsim ib lub tsev ntawm Gold Coast.
• Nom tswv Gold Coast City Council hais tias nws yeej tseem tsis tau txais ntawv thov los tsim lub tsev no.

Mloog tau SBS Hmong ntawm no.

Muaj ib tug neeg ua lum tsim vaj tse hais tias nws tau kos xyeem mem tes nrog Trum lub koom haum lyuav tsim lub tsev Trump Tower ntawm Gold Coast.

Lub tsev no yog lub tsev 6 lub hnub qub siab txog 340 metres thiab muaj 91 tshooj uas yuav siv nyiaj tsim txog li ntawm $1.5 billion. Ib feem peb ntawm lub tsev no ces yog cov tsev tos qhua zoo uas tau 6 lub hnub qub, hos ib feem peb ntxiv ces yog coj los tsim ua 270 lub appartments thiab tej chaw seem ntawd ces yuav siv ua tej chaw muag khoom retail stores thiab tej khw noj mov.

David Young uas yog tus coj lub tuam txhab tsim tsev Altus Property Group tau hais tias lub tsev no yuav yog ib lub tseem ceeb rau Surfers Paradise (Nrog Gold Coast cov kev ntoj ncig thiab kev lom zem).

Young tau hais tias "Yuav yog ib qho chaw rau tej neeg nplua nuj thiab yuav ua tiav ua ntej yuav pib cov kev sib tw Olympics (2032), uas yuav tsim tau ib co kev ntoj ncig ze rau ntawm tej kev sib tw no."

"Kuv yeej tau npaj los yuav laug txog li 20 xyoo kom tsim tau lub tsev Trump International Hotel & Tower Gold Coast uas yuav yog Australia lub tsev siab tshaj plaws rau thaum yuav xaus 2030 no."

Tab sis yeej tseem tsis tau npaj thov tso cai los tsim lub tsev no, thiab Gold Coast City Council hais tias tseem tsis tau xa daim ntawv thov kev tso cai rau nws.

Mark Hammell uas yog Gold Coast mayor tus kis thiaj zoo siab rau cov kev nqes peev rau ntawm lub nroog no, vim yog cov kev qhia txog kev ntseeg siab thiab pab kom tsim tau hauj lwm ua.

Nws tau hais tias "Yuav tsum sau ntawv thov kev tso cai los tsim lub tsev no raws cai, thiab peb yeej npaj yuav los txheeb daim ntawv thov no thaum peb tau txais lawm."

Young tau hais tias yuav siv phau qauv ntawv tsim tib yam li Trump tsim nws tej tsev tam sim no ntawm Jeddah thiab Saudi Arabia.

Mloog tau xov xwm tshiab ntawm SBS Hmong, download SBS Adio app thiab caum SBS Hmong Facebook page.