Melbourne yuav tso kev yooj yim rau nws cov kev txwv coronavirus pib txij ib tag hmo hnub zwj Teeb (Thursday) tim 08.07.2021 no mus thiab yuav tsis txwv ntxiv lawm.
Tam sim no xeev Victoria los yeej tsis muaj neeg kis kab mob hauv tej neeg zejzog ntxiv rau lub sij hawm 7 hnub no thiab.
Tsis tas li no los yuav tsis hais kom tej neeg siv ntaub npog qhov ncauj hauv tej chaw ua hauj lwm los yog tej teej kawm ntxiv lawm, tab sis tseem yuav tau kom tej neeg uas pheej pab tej customer siv los yog yuav tau siv rau tej chaw uas nyob rau sab hauv ib qho chaw qhov twg txuas ntxiv.
Tej chaw sib tw, tej chaw ua yeeb yam thiab lwm cov chaw ua kev lom zem yuav muaj cai cia neeg coob txog 75% mus koom tau tab sis yeej tseem tsuas pub tej cuab yig ib yim twg tos tau 15 tug qhua xwb.
Martin Foley uas yog xeev Victoria tus pwm tsav lis laj fai tswj kev noj qab haus huv hais tias tej neeg tau mus rau tej chaw muaj neeg sib kis tus kab mob COVID-19 coob rau thaum xaus rau lub caij school holidays no yuav tsum tau mus sim thiab yuav tau cais lawv tus kheej li 14 hnub.
Mr Martin hais tias tos peb siv tej cai no los tsuas yog coj los pov puag nej thiab nej tsev neeg thiab los pov puag tej hauj lwm tej neeg Victorians tau ua tiav xwb. Yog tias nej ho tau mus rau tej chaw uas muaj neeg kis kab mob coob ces xav kom nej ua raws tej cai li tau teev tseg. Nom tswv yeej yuav sib cuag nrog nej txhua hnub thiab seb ho puas hais kom tub ceev xwm thiab tej tub rog mus txheeb seb nej puas uas raws tej cai kom nej ua.
Yog li ntawd thiaj ua rau muaj neeg txog li 12 million tus thoob plaws Australia raug txwv rau ntau lub limtiam dhau los.
- Tej neeg ntawm teb chaws Australia yuav tsum nyob kom nrug ntawm lwm tus neeg yam tsawg li 1.5 metres. Txheeb seb koj lub xeev ho muaj cov kev txwv tsis pub neeg sib sau ua ke li cas ntxiv.
- Yog tias koj tau khaub thuas thiab muaj yam ntxwv mob lawm ces nyob twj ywm hauv tsev, thiab npaj hu nrog koj tus kws kho mob tham los yog hu rau lub chaw tswj xov xwm txog tus kab mob coronavirus (Coronavirus Health Information Hotline) tus xov tooj 1800 020 082 tham seb yuav ua li cas.
- Mloog tau xov xwm txog tus kab mob COVID-19 ua 63 hom lus tau ntawm sbs.com.au/coronavirus
- Xav kom koj yuav tsum tau mus txheeb tej nom tswv ntawm koj lub xeev: NSW, Victoria, Queensland, Western Australia, South Australia, Northern Territory, ACT, Tasmania cov kev taw qhia ntxiv.
Share
