Tau muaj ntau cov kev pauv hloov rau cov kev siv public transport ntawm teb chaws Australia no lawm.
Xeev Victoria
Raws li Transport Victoria qhia ces txij lub hli dhau los ces xaus rau hnub tim 31 lub 5 hlis ntuj xyoo 2026 ces xeev Victoria tau siv tej public transport (Bus, trains, tram) dawb.
Tab sis txij hnub tim 1 lub 6 hli ntuj 2026 mus xaus rau xyoo no (1 January 2027) ces tej neeg ntawm xeev Victoria no tsuas tau them tej nqe siv public tranport ib nrab xwb.
Ua ke no los kuj tau hloov tej sij hawm khiav tsheb me kom haum raws li sij hawm siv tsheb train thiab trams.
Tam sim no thiaj muaj ntau txoj xub ke rau tej neeg them tej nqe siv public transport hu ua contactless payments ntawm Craigieburn, Upfield, Ballarat thiab Saymour txij tim 1 lub 6 hli ntuj no mus lawm. Cov contactless payments no ces yog ib co chaw tap on/off uas muaj peev xwm siv tau tej myki card, credit/debit visa card, Mastercard, smartwatches, xov tooj tes (smartphones).
Txuas ntxiv ntawd los txij hnub tim 01/06/2026 - 31/07/2026 mp ces tej neeg ntawm xeev Victoria muaj peev xwm mus rau ntawm tsoom fwv lub koom haum Vic Services ces mus thov txo cov nqe teev zwm yus tej tsheb siv (tsheb motorcycles, light vehicle thiab heavy vehicle) txog li 20% (AUD$ 186) uas ib tug neeg twg muaj peev xwm thov txo tau txog 2 lub tsheb yog yus muaj ob lub tsheb teev ua yus npe siv los yog ib tse neeg twg muaj ob lub tsheb siv uas tej zaum yuav tau txog li thiab muaj tej neeg tshaj 4 million tus muaj cai thov. Raws li nom tswv xeev Victoria qhia ces thaum koj mus siv Services Victoria lub app los yog lub vas sab ces koj yuav tau qhia koj lub tsheb tus registration number, koj npe thiab xeem, koj daim ntawv tsav tsheb siv ntawm xeev Victoria thiab qhia koj tus bank account.
Tasmania
Tom qab uas nom tswv xeev Tasmania pub tej neeg ntawm lub xeev no siv tau tej public transport (trains, nkoj, bus) dawb txog rau lub 6 hli ntuj xyoo 2026 no nws kuj tau txuas lub sij hawm siv dawb ib xyoos ntxiv mus txog lu 6 hli ntuj xyoo 2027 yam tsis tau them nqe siv dab tsi thiab tsis tas siv daim Greencard tap on/off li raws li Metrotas tau qhia.
Queensland
Raws li tsoom xeev lub koom haum Translink hais ces nws yeej tsuas kom tej neeg siv public transport them nqe siv public transport 50 cents xwb, thiab yuav tau siv tus nqe no ruaj li no mus.
Sydney
Tsoom fwv xeev New South Wales tsis txo nqe siv public transport li lwm lub xeev, yog li ntawd tej neeg siv yuav tau them mas thiaj tau siv. Tab sis tej zaum kuj cia tej neeg siv dawb qee zaus thiab tso cai rau ib txhia neeg muaj cai siv dawb, li tej qub tub rog, los yog tej me nyuam yaus, tej tub kawm uas tau them pheej yig zog los sis tej neeg tau cov Companion Card siv.
Northern Territory
Txij tim 1 lub 7 hli ntuj xyoo 2025 ces tab nrog tej public bus services ntawm lub xeev Northern Territory ces tau siv dawb xwb suav thaj chaw Greater Dawin Reion thiab Alice Springs nrog.
South Australia thiab Western Australia
Raws li Adelaide Metro hais ces xeev South Australia tsis muaj cov free public transport rau tej neeg siv dawb. Tab sis nws kuj txo tej nqe siv public transport 50% rau tej neeg tau concession card siv, tej me nyuam hnoob nyoog qes dua 5 xyoos, tej qub tub rog thiab tej tub kawm uas kawm full time.
Hos cov tau senior card siv, cov neeg mus los tsis yooj yim, neeg qhov muag tsis pom kev ces tau siv dawb txhua sij hawm.
Xeev Western Australia los yeej tsis cia tej neeg sawv daws siv tau public transport dawb txhua nrho thiab. Txawm li cas los Western Australia yeej cia tej tub kawm tau siv dawb thiab cia tej neeg sawv daws tau siv public transport dawb txhua txhua hnub Sunday yog tias tej neeg siv cov SmartRider. Thiab kuj tau siv bus ntawm Perth CBD dawb.
Mloog tau xov xwm tshiab ntawm SBS Hmong, download SBS Adio app, caum SBS Hmong ntawm Facebook,mloog tau Youtube, Spotify, Podfollow, iHeart Radio, Google Podcast thiab Apple Podcast.
