Cov franking credits tau ras los ua ib cov tseem ceeb rau cov kev xaiv tsa tsoom hwv teb chaws Australia rau xyoo 2019 no rau lub caij tsoom hwv tseem nrhiav suab xaiv tsa no.
Thiab tej zaum yuav ua rau ib txhia neeg uas twb so tsis ua hauj lwm lawm thiab tswj lawv tej nyiaj npaj tseg siv rau lub caij tssi ua hauj lwm ntawd pom tias yog pab nom Labor xav txeeb lawv cov nyiaj (credits) no xwb.
Yog vim li cas cov kev mus thov tsis tau tej nyiaj no ntxiv thiaj ua rau ib txhia laus chim heev?
Franking credits yog dab tsi?
Yeej yog tej yam sib cov heev thiab to taub tsis yooj yim li.
Cov franking credits yog ib co neeg Australia uas yuav shares thov tau los ntawm nom tswv rau lub caij lawv ua se ntawd.
Cov neeg yuav shares (Shareholders) muaj cai tau qee cov nyiaj uas tej tuam txhab lawv yuav se khwv tau uas sawv daws paub tias yog cov dividend ntawd.
Tab sis ua ntej xyoo 1987, ces cov dividend tau los no raug txaiv se 2 zaug diam xws li cov tuam txhab lagluam yuav tau them se rau tej nyiaj tsam khwv tau ntawv ua ntej thiab tom qab cov neeg yuav se tau cov nyiaj dividend no lawm lawv tseem raug them tam li yog cov nyiaj khwv tau (Income tax) ib zaug ntxiv thiab. Ces nom tswv thiaj tau cov nyiaj se no 2 zaug diam.
Paul Keating uas yog Australia tus pwm tsav tswj nyiaj txiaj rau tsoom hwv Australia yav nram ntej ub - AAP.
Yog li txog xyoo 1987 Paul Keating uas yog tus pwm tsav tswj nyiaj txiaj rau tsoom hwv thiaj tau tsim tsab cai franking credits uas sawv daws paub tias yog dividend imputation credits coj los daws cov teeb meem tau them se 2 zaug rau tej nyiaj khwv tau los no.
Qhov no txhais tau tias lub caij ua se uas qhia tias seb yus tsim nyog them se npaum li cas, seb puas them txaus los yog them ntau tshaj uas tsim nyog yuav tau them ntxiv los yog thov tau nyiaj rov qab los ntawm tsoom hwv Australia lub tuam chav sau se ntawd, ces cov neeg yuav shares ntawm tej tuam txhab lagluam yuav tau cov nyiaj franking credits no rau lawv ntxiv.
Associate Professor Geoff Warren ntawm txhooj faj lem Australian National University tau qhia rau SBS News tias cov dividend imputation credits no yog siv coj los pab kom cov neeg yuav shares ntawm tej tuam txhab lagluam loj txhob tau them se rau tej nyiaj uas lawv tau los ntawm tej share yuav ntawm tej tuam txhab lagluam ntawd ntxiv lawm.
Kim Warren hais tias "Qhov no txhais tau tias tej nyiaj tau los ntawm tej tuam txhab lagluam uas yus yuav share ntawd tsuas raug them se tib zaug xwb."
NYEEM NTXIV:
Vote 2019: Leej twg yog cov yuav los sib tw ua nom ntawm cheeb tsam koj nyob? Txheeb tau peb daim luaj chib lig no tau.
Tab sis xyoo 2001, ces tus tsoom hwv John Howard tseem tau kho kom tsab cai no siv tau nthuav dav ntxiv rau cov neeg yuav share (Shareholders) uas yeej tsis tau them se dab tsi kom muaj cai thov tau cov franking credits no thiab.
"Tus tsoom hwv Howard cov kev pauv hloov no txhais tau tias txawm tias yus tsis tau them se dab tsi li los yus yeej muaj cai thov tau cov credit no los yog hais ncaj qha tias tau nyiaj dawb los ntawm tsoom hwv Australia ntag."
Self funded retiree Mary Starck uas yog ib tug neeg uas npaj thiab tswj lawv cov nyiaj kom tau siv rau lub caij so tsis ua hauj lwm tau nug tsoom hwv Australia tias yog lawv tsis muaj cai thov tau cov credits no siv lawm ne yuav muaj teeb meem dab tsi rau lawv - AAP.
Thiab tam sim no ces cov neeg so tsis ua hauj lwm lawm thiab ua cov npaj thiab tswj tej nyiaj tseg kom tau siv rau lub caij so tsis ua hauj lwm yog cov tau txais cov txiaj ntsim no ntau tshaj plaws.
Raws li cov ntaub ntawv 2018 Treasury Freedom of Information tau teev tseg ces tsoom hwv Australia tau them cov nyiaj no rau tej neeg yuav share txog li $5.9 billion rau xyoo 2014/15 thiab tau them ntau ntxiv tuaj txog $6.3 billion rau xyoo 2015/16 diam. Thiab pab nom Labor tau cav tias tseem yuav tau them ntau tuaj ntxiv txog li $8 billion thiab.
Phau ntawv xov xwm Betoota Advocate tsab ntawv xov xwm tis npe ua "Cov neeg yug lub caij xyoo 1946-64 rov qab mus rau ib lub tsev kub hnyiab mus cawm lawv tej ntau ntawv Franking Credits," Supplied.
Vim li cas cov franking credits no thiaj raug coj los tshaj qhia rau hauv tej xov xwm?
Pab nom Labor tau qhia tias yog nws raug xaiv los ua Australia tus tsoom hwv tshiab ces nws yuav muab John Howard cov franking credits no kho thiab tsis siv ntxiv lawm tsuas siv li tus tsoom hwv Bobb Hawke/Paul Keating tus qauv uas lawv tau teeb tseg lawm xwb.
Thiab Labor tau qhia tias yog ib cov teeb meem ua rau tsoom hwv poob tej nyiaj se no thiab "sai sai no ces tseem yuav ua rau tsoom hwv Australia poob nyiaj puag xyoo ib xyoo twg txog li $8 billion thiab".
Bill Shorten uas yog Australia tus coj lwm pawg fai kum xeeb cov kev nrhiav suab xaiv tsa - AAP.
"Tus tsoom hwv Shorten ntawm pab nom Labor yuav kho kom muaj cov tax system uas muaj kev ncaj ncees dua thiab yuav tsis them nyiaj ntsuab rau tej neeg yuav se ntxiv lawm" raws li pab nom Labor tej ntaub ntawv tau qhia.
"Labor xav tias yog ib qho tsis ncaj uas pheej yuav tau siv nyiaj $8 billion ib lub xyoos twg los them rau tej tuam los pav muaj nyiaj ntau roob uas twb tsis tau them se dab tsi li - peb yuav tsis them tej nyiaj no ntxiv rau tej neeg no rau lub tsam thawj uas peb tej teej kawm qhia tsis tau ntawv zoo los sis tej me nyuam kawm tsis tau ntawv zoo, los yog tej neeg yuav tau tos ntev mam tau siv cov kev kho mob no," raws li pab nom Labor tej ntaub ntawv tau qhia.
Txawm li cas los nws yeej tau qhia tias tsab cai no "yuav tsis muaj teeb meem rau tej neeg uas tsuas thov tau qee cov nyiaj laus qee yam me ntsis los yog tau cov nyiaj laus siv dab tsi thiab."
jhCNBJ9a_normal.jpg7NEWS Perth ✔@7NewsPerth Franking Credits: The Leaders' Debate live on @7TWOAU/@Channel7 & http://7NEWS.com.au . https://7news.link/gcoOZk Repeated on @Channel7 at 9:45pm. #LeadersDebate #ausvotes #7NEWS 5 7:46 PM - Apr 29, 2019
See 7NEWS Perth's other Tweets
Kim Shorten tau hais ib cov lus rau lub caij tau sib teev theev nrog Kim Morrison tsis ntev los no tias "Cov dividend imputation credits no ces txawm zoo tib yam ib ib cov khoom plig uas peb haiv neeg no tsis muaj peev xwm yuav muab rau tej neeg ntxiv lawm".
Los yog raws li Associate Professor Warren tau hais tias "Pab nom Labor yeej tau qhia tias lawv yuav tsis xa cheque rau nej ntxiv lawm...nej tsuas muaj cai thov tau raws li tej nyiaj nej khwv tau los lawm xwb. Nej yeej muaj peev xwm txo tau nej tej nyiaj khwv tau kom txhob tau them se ntau tab sis lawv yuav tsis lam cia li xa cheque tuaj pub dawb rau nej ntxiv lawm. Yog li ntawd ces thiaj yuav ua rau ib txhia neeg yuav khwv tau nyiaj tsawg lawm."
Cov dividend imputation credits no puas yuav muaj teeb meem cuam tshuam txog cov kev xaiv tsa?
Nqe no los yeej tseem sib chab sib chaws kawg nkaus li thiab yeej tsis paub meej tias yuav zoo li cas ntxiv.
Ces thiaj ua rau tsoom hwv Morrison maj zojzeeg rau lub caij dej hlob zoo dov cav no tawm los hais tias yog pab nom Labor lub tswv yim npaj yuav los sau se rau cov eneg so tsis ua hauj lwm "Retiree tax" kom nws tau txais txiaj ntsim.
Australia tus thawj pwm tsav Scott Morrison yeej tau hais rau lub caij thaum 2 tug coj no tau siv teev theev (debate) thawj zaug tias "Vim yeej tau muaj ib txhia neeg tau npaj yuav thov cov franked credits uas thov raug cai no coj los siv rau lub caij lawv so tsis ua hauj lwm lawm."
"Cov neeg no yeej tau them se tag lawv ib sim neej thiab kuv xav tias lub tswv yim no yog tej yam ua saib tsis taus cov neeg uas so tsis ua hauj lwm no kom lawv tu siab xwb."
NYEEM NTXIV:
Hung parliaments and democracy sausages: How your vote works
Ces thiaj ua rau ib txhia neeg uas npaj lawv tej nyiaj kom tau siv rau lub caij so tsis ua hauj lwm thiaj chim heev. ?Thiaj ua rau cov neeg no tau mus tawm tsam rau tej koom txoos cuam tshuam txog tej laj fai kum xeeb thiab mus nrog tej chaw nthuav xov xwm tham.
Associate Professor Warren tau hais tias "Kuv kuj ceeb thiab thaum pom tej xwm txheej uas tej neeg tsis txaus siab li no tau tshwm sim vim lawv yeej tau ua tib zoo npaj thiab qhia tias lawv chim heev."
Txawm li cas los yeej muaj teeb meem cuam tshuam rau tej neeg no thiab muaj rau tej nom tswv tib si thiab.
Australia lub chaw nthuav xov xwm the Australian Broadcasting Corporation (ABC) ib zaj dab neeg qhia txog qee cov neeg so tsis ua hauj lwm uas tswj lawv cov nyiaj laus kuj tau mus tawm tsam thiab pov puag cov franking credits no hauv social me dia muaj ceem kawg nkaus li thiab.
2LLL8qd5_normal.jpgRyan Sheales ✔@RyanSheales Wow. #abc730 just had a self-funded retiree sitting on the back deck of his boat crying foul about the removal of #FrankingCredits. 2,645 7:35 PM - May 1, 2019 · Melbourne, Victoria
1,234 people are talking about this
Ryan Sheales ntawm xeev Victoria lub koom haum pab cuam zej tsoom (The Victorian Council of Social Service) tau sau tias "Uag! Lub chaw nthuav xov xwm cov program ABC's 7:30 tau ua rau ib tug neeg so tsis ua hauj lwm uas zaum ntawm nws lub qab nkoj tawm tsam muaj ceem heev tsis pom zoo kom nom tswv muab cov nyiaj franking credit no txiav."
Thiab Associate Professor Warren los yeej tau hais cov kev yuav muab cov credits no kho dua tshiab yeej yog ib cov teeb meem sib cov nyom kawg nkaus, tab sis nws kuj tsis tham txog tias ho yuav muaj teeb meem dab tsi ntev ntxiv mus li.
"Labor tsuas txiav qee yam ntawm cov tax system no tawm xwb. Yog los mas nom tswv yeej tssi muaj peev xwm yuav pub nyiaj rau tej neeg li no txuas ntxiv lawm, tab sis qhov teeb meem tiag mas yuav tau xyuas tias seb peb ho puas muaj tej cai coj los siv tau rau 2 yam dej num no, tsis yog yuav cia li muab tej credits no txiav thiab tsuas qhia tias vim peb tsis muaj peev xwm yuav them tau rau tej neeg ntxiv lawm xwb no."
