Tej zaum Australia kuj yuav ntsib xwm txheej tsis sib haum xeeb ua ntej uas yuav tau tej nkoj nuclear-powered submarines siv raws li tej kws hais, thiab ceeb toom tias kom haiv neeg no kho nws tej tswv yim tiv thaiv teb chaws uas npaj tseg yuav ua raws.
Lub chaw teeb txheeb Australian Strategic Policy Institute (ASPI) tau hais tias Australia yuav tsum tau yoog thiab hloov mas thiaj yuav muaj peev xwm tswj tau ''tej kev phom sij uas yuav muaj tau'' rau lub caij tseem tos kom tau thawj lub nkoj submarines siv rau thaum ntxov rau lub caij xyoo 2030s.
Australia yeej npaj xav yuav cov nkoj Virginia-class submarines ntawm teb chaws Meskas rau thaum ntxov rau 10 xyoo ntxiv no, ua ntej uas yuav pab tsim ib co nkoj nuclear submarines nrog teb chaws Askiv tam li yog ib feem ntawm cov kev pom zoo AUKUS agreement.
Tej cov kev pom zoo rau tej nkoj ploj qab thus dej no tau ua rau muaj lus tim tsum hnyav heev rau tej nqe ntau billion dollars thiab muaj lus nug ntau yam tias xyov Meskas puas yuav ua raws li tej lus nws tau cog tseg, rau lub caij nyoog dhau zuj zus mus uas tus tsoom fwv Trump tseem tab tom los txheeb tej contracts no.
Nyob rau ib co kev cej luam txaus txhawj xeeb uas tau coj los nthuav tawm rau hnub zwj Feej (Wednesday), ces lub chaw teeb txheeb no tau qhia txog nws cov kev txhawj xeeb txog Australia ''tej tswv yim los tiv thaiv nws lub teb chaws rau lub caij tseem tos tej nkoj no" tias yuav tsis muaj peev xwm txaus los tawm tsam nrog cov kev tsis sib haum xeeb nrog tau cov teb chaws sib cov nyom li Suav, Russia, Iran thiab North Korea.
Thiaj pom tau tias tej nkoj ploj qab thus dej uas yuav rau lub caij nrab no ntshe yuav tsis muaj peev xwm los daws tau tej teeb meem muaj rau lub caij luv luv uas tej zaum yuav muaj rau Australia rau ntau xyoos ntxiv no, raws li lub koom haum ASPI tsab ntawv cej luam no tau ceeb toom.
Lub chaw teeb txheeb no tau hais tias "Vim rau qhov tias yeej tseem tsis tau xa tej nkoj US Virginia class raws li cov kev pom zoo AUKUS rau Australia mus txog ntua rau xyoo 2032 diam, thiab tseem yuav txog thaum ntxov lub caij xyoo 2040s mas thiaj mam tsim cov nkoj SSN-AUKUS no thiab,"
"Ces peb thiaj tsis muaj peev xwm yuav siv tej tswv yim xyoo 2032 coj los tiv thaiv tau tej teeb meem uas yuav muaj rau xyoo 2027."
Muaj ib tsab ntawv cej luam ceeb toom tias cov kev yuav tej nkoj submarines raws li lub caij theem nrab ntawd yuav tsis muaj peev xwm siv tam li yog ib lub zog tub rog los cheem kom lwm tus tsis txhob hawv tsim teeb meem rau Australia. Source: AAP / Colin Murty
Tej tswv yim no yeej txawv tej tswv yim tsov rog sib tawm tsam uas yuav tau siv tej tswv yim uas tsis tawm tsam ncaj nqa rau tej neeg neeg xav ua phem rau yus kom tsis txhob muaj peev xwm ua phem tau rau yus.
Tsis tas li ntawd los kuj tseem yuav tau cuam tshuam nrog cov kev koom tes nrog ntau lub teb chaws ntawm cheeb tsam no los tawm tsam tsis pom zoo nrog cov kev yuam thiab cov kev siv laj fai kum xeeb los raus tes, ua ke no los yuav tau txhim kho kom yus lub teb chaws muaj tsab peev xwm rau tej cyber security, electronic warfare thiab space technology nrog.
Thiaj ua rau Mike Johnson uas yog tus coj lub koom haum Australian Industry and Defence Network tau hais tias cov kev tswj hwm twj lij ywj pheej yog cov kev ruaj ntseg, thiab tej lagluam cov kev muaj peev xwm nyiaj ntxeem nrog tej lagluam tsis zoo thiab cov kev ua ib lub teb chaws ntau thawj hlo ua tus coj rau tej technology yog tej yam tseem ceeb heev. Nws thiaj tau qhia txog nws tej zeem muag no thaum hais lus hnub zwj Feej (Wednesday) ntawm lub koom haum National Press Club ntawm tuam ceeb Canberra.
