Mloog tau zaj lus tham txog tias yog vim li cas ntawv Hmoob Phajhauj thiaj raug coj mus teev zwm rau phiaj zeb nrog lwm tsav neeg hauv Australia no tau ntawm no:
Raws li SBS Punjabi tau qhia ces muaj ntau yam visa pauv hloov rau teb chaws Australia no.
Thawj yam yog nom tswv Australia yuav pub visa rau cov neeg tsis tshua paub lub Askiv zoo.
Cov neeg no muaj peev xwm thov tau ntawv nyob ruaj ntawm teb chaws Australia no tuaj nyob rau ceeb tsam tuaj ntug nroog thiab yaj sab kom tej neeg no thiaj pab ua tau tej hauj lwm cog tu thiab sau qoob loos uas tej tswv teb xav tau neeg pab lawv heev.
Hom ob yog cov visa parent visa.
Cov visa no muaj 2 hom xws li thawj hom pub tos cov ua niam ua txiv tuaj nyob tau 3 xyoos ib daim visa raug nqe $5,000, how cov tuaj nyob tau 5 xyoos ces ib daim raug nqe $10,000 nyiaj Australia. Ntxiv ntawd tej neeg muaj cai txuas cov visa no nyob ib zaug ntxiv ua zaum 2 thiab.
Peb yog cov visa sib yuav ua txij nkawm.
Nom tswv Australia yuav txheeb tus poj niam los yog txiv neej uas yuav tus neeg Australia ntawd seb puas pub nws thov cov ntaub ntawv yuav txwj nkawm tso yog muaj cai ces mam pub xa ntaub ntawv thov sib yuav ua txwj nkawm tau.
Txuas ntxiv ntawd yog cov visa ua lagluam.
Cov visa no tsis tas lawv yuav muaj tswv yim nqes peev lagluam meej tab sis Australia lub xeev South Australia xav tau cov lagluam cuam tshuam txog "defence and space, cyber security, big data, digital and blockchain, food, wine and AgTech, health and medical technology, robotics, media and film industries." Tab sis lwm cov lagluam los yeej muaj cai thov tau cov visa no thiab coj lawv tsev neeg tuaj ua lagluam tau 3 xyoos hauv teb chaws Australia txog rau lub 11 hlis ntuj xyoo 2021. However, applicants with business plans related to other industries can also apply. Nyem ntawm nod to mus nyeem thiab txheeb xyuas cov visa no tau ntxiv.
Australia tsis tos cov neeg tuaj nyob ruaj ntau lawm.
Txij xyoo 2007 los txog tam sim no Australia tau tos cov neeg tuaj nyob ruaj rau teb chaws Australia no tsawg lawm xws li tau nqes ntawm 190,000 tus rau ib lub xyoos twg los ua 160,000 lawm xwb.
Tsaib no xeev New South Wales tus hau xeev thov kom tsoom hwv txov cov neeg txawv teb chaws tos tuaj nyob ntawm lub xeev no kom txog ib nrab. Hos xeev Australian Capital Territory (ACT) ces tau nce ntawm 800 leej tuaj txog 1,400 leej lawm rau cov visa 190 Subclass visa ntawd.
Cov kev pauv hloov rau cov kev thov ua pej xeem Australia.
Txij xyoo 2017 los tsoom hwv teb chaws Australia tau hloov qee yam rau cov kev thov xeem ua pej xeem Australia li cov neeg nyob ruaj (Permanent residents) yuav tsum tau tos txog li 5 xyoos thiab yuav tsum xeem tau ntawv Askiv zoo mam pub mus thov xeem ua tau pej xeem Australia. Tab sis pab nom opposition (Federal Labor Party) nrog rau lwm pab nom me li Greens thiab cov nom ywj pheej Independents (Crossbench) tsis pom zoo ces nom tswv thiaj tsis tsis tau cai los tswj cov kev hloov li hais ntawd. Nyeem tau cov kev pauv hloov ntawm no.
Cov kev pauv hloov rau cov npe hauj lwm uas pub thov thiab tsis pub thov visa tuaj ua hauj lwm ntawm lub xeev Victoria ntawm teb chaws Australia.
Nom tswv yeej tau los txheeb xyuas tej hauj lwm ntau yam tas mus li, raws li lub tuam chav Victorian Department of Jobs, Precincts and Regions tau qhia ces nws tau hais tias "Peb yeej tau los ua tib zoo txheeb xyuas ntau yam cuam tshuam txog tej hauj lwm no thiab tej txuj ci kev paub ua tej hauj lwm no ntau yam kom haum raws li tej kiab khw lagluam xav tau tam sim no thiab rau yam pem suab."
Yog li nom tswv tseem qhib sij hawm rau zejtsoom mus koom tawm tswv yim txog cov kev hloov kho ntau yam no thiab yog muaj leej twg xav mus koom los tseem mus tau thiab. Hos cov New Job Lists tshiab ces mam li coj los cej luam qhia rau zej tsoom sawv daws paub rau nrab xyoo 2019 no.
