| Xov xwm tshiab qhia txog tus kab mob COVID-19 |
| Yog xav tau tej xov xwm tshiab txog tus kab mob COVID-19 ntawm NSW thiab tej xov xwm txhais ua 40 hom lus ces txheeb tau ntawm nsw.gov.au/covid-19. Mus sim: Tsis ntev los no kuj muaj tej chaw sim kab mob COVID-19 ntawm tej zejzog tsawg lawm uas yog tej yam txaus txhawj xeeb heev. Peb thiaj yuav tsum tau mus sim kom ntau thiab yuav tsum tau nyob kom nrug ntawm lwm tus tsis tas li no peb yuav tsum tus peb tus kheej kom huv si. NSW lub tuam chav tswj kev noj qab haus huv thiaj xav nqua hu rau txhua tus tub koom siab kom mus sim kiag tam sim no txawm tias nej muaj cov yam ntxwv mob me ntsis li los ntswg, khaus qa, hnoos los yog ua npaws. Tej hais no thiaj yog ib yam tseem ceeb heev rau tej neeg nyob ntawm ntau thaj chaw ntawm nroog Sydney sab hnub poob thiab sab qab teb uas tseem muaj tej neeg kis kab mob hauv tej zejzog. Kuj tseem muaj tej chaw npaj tshiab coj los sim tej neeg txuas ntxiv rau tej chaw hais no. Koj muaj peev xwm mus nrhiav tau tej chaw sim kab mob COVID-19 ntawm no los yog hu tau rau koj tus kws kho mob tau. Yog koj xav xav tau tej xov xwm qhia txog tus kab mob no coj mus lo rau zej tsoom ib qho chaw twg qhia kom lwm tus mus sim seb puas kis kab mob yog tias lawv tau mus rau thaj chaw sab hnub poob qab teb ntawm nroog Sydney ces nyem tau ntawm no. Hos yog xav tau tej xov xwm txhais ua lwm hom lus coj los txhawb nqa kom tej neeg mus sim seb puas tus kab mob COVID-19 dawb, sim sai sai thiab sim yooj yooj yim xwb ces txheeb ntawm #Itest4NSW. Yog koj xav tau tej xov xwm txhais ua ntau hom lus qhia txog qhov tseeb txog cov kev sim tus kab mob COVID-19 ces saib tau ntawm no. Yog xav tau xov xwm ntau ntxiv: Yog koj xav tias koj muaj tus kab mob COVID-19 los yog muaj lus nug cuam tshuam txog koj txoj kev noj qab haus huv ces koj muaj peev xwm nrog cov registered nurse tham yog koj hu rau tus xov tooj 1800 020 080 los sis yog mus txheeb tau ntawm lub vas sab www.healthdirect.gov.au. Muaj peev xwm hu tau rau tus xov tooj 13 77 88 tau 24 teev 7 hnub nug tau txhua yam lus nug uas tsis cuam tshuam txog koj txoj kev noj qab haus huv tau tib yam. Thiab yog koj xav tau neeg txhais lus rau koj ces hu tus xov tooj 13 14 50. Yog koj xav tau xov xwm tshiab txog tej khoom siv cuam tshuam txog tus kab mob COVID-19 los yog tej xov xwm txhais ua lwm yam lus txog tus kab mob COVID-19 ces muaj ntawm nsw.gov.au/covid-19. |
Tej neeg ntawm teb chaws Australia yuav tsum nyob kom nrug ntawm lwm tus neeg yam tsawg li 1.5 metres. Txheeb seb koj lub xeev ho muaj cov kev txwv tsis pub neeg sib sau ua ke li cas ntxiv.
Tej neeg ntawm nroog Melbourne ces raug txwv theem 4 lawm thiab yuav tsum tau ua raws li tsoom fwv cov kev txwv tsis pub tawm hmo ntuj pib txij 8 pm tsaus ntuj mus txog 5 am sawv ntxov. Txheeb tau xov xwm ntxiv txog cov kev txwv ntawm no: https://www.dhhs.vic.gov.au/updated-restrictions-announcement-2-august-covid-19
Yog tias koj tau khaub thuas thiab muaj yam ntxwv mob lawm ces nyob twj ywm hauv tsev, thiab npaj hu nrog koj tus kws kho mob tham los yog hu rau lub chaw tswj xov xwm txog tus kab mob coronavirus (Coronavirus Health Information Hotline) tus xov tooj 1800 020 082 tham seb yuav ua li cas.
Mloog tau SBSHmong rau hnub zwj Teeb (Thursday) thaum 6 pm AEDT thiab hnub zwj Hnub (Sunday) thaum 11 am AEDT los yog koom tau ntxiv ntawm SBS Hmong Facebook thiab subscribe los sis yog download thiab mloog tau ntau cov podcasts (xov xwm ua suab) ntawm google podcasts, spotify, thiab apple podcasts los yog download SBS Radio App kom koj mloog tau SBS Hmong.
