Australia lub chaw nthuav xov xwm Australian Broadcasting Corporation (ABC) tau tshaj tawm tias Australia lub koom haum teeb txheeb The Commonwealth Scientific and Industrial Research Organisation (CSIRO) tus coj Michael Dolan uas yog tus coj Australia lub koom haum CSIRO uas coj pawg neeg teeb thxeeb tau qhia tias hnub no yuav coj 2 lub tsheb Hyundai Nexo SUV thiab Toyota's Muraisiv dej (Hydrogen) los sim ntawm xeev Queensland ua thawj zaug.
Thiab yog siv tau zoo tiag ces tej zaum yuav tau lagluam zoo rau sab teb chaws Asia no.
Tau muaj 2 lub tuam txhab tsheb Hyundai thiab Toyota tau siv nyiaj ntau roob dollars los teeb txheeb thiab tsim cov tsheb siv dej no loa tau ntau caum lub xyoo no lawm.
Dr. Dolan hais tias twb tau muaj ntau lub tuam txhab tsheb txawv teb chaws ntawm Japan, South Korea, thiab Europe xav tau cov Hydrogen technology uas Australia tsim tau no thiab Hyundai twb qhia tias nws yuav tsim kom tau cov tsheb li 16,000 lub thiab yuav tsim cov chaw sam 300 tawm lub thoob teb chaws no.
Tus nqe hydrogen 1 kg raug nyiaj $15 dollars thiab lub tsheb muaj peev xwm siv 5kg thiab tej zaum yuav khiav tau deb txog li 800km, tab sis tus nqe tsheb siv hydrogen yuav kim txog 80,000 dollars tab sis vam tias yog thaum tsim tau ntau tuaj ces nqe yuav pheej yig lawm thiab yuav coj los sib tw nrog cov tsheb siv hluav taws xob thiab gas (LNP) ntawd kom tau lagluam thiab, vim cov tsheb no tsis tso pa phem rau tej ib puag ncig.
Thiaj cia siab tias yuav tsim kom tau cov tsheb no rau xyoo 2025 coj los siv.
Tsis tas li lawv tseem yuav tsim cov tsheb ntau yam li truck, bus thiab tsheb ciav hlau uas siv hydrogen tau ntawm cov amonia no thiab.#
Nyeem tau ntxiv ntawm no:
Listen to SBS Radio Hmong program at www.sbs.com.au/hmong on Thursday 6pm AEST (Australian Eastern Standard Time) and Sunday 11am AEST.
You can download SBS Radio App from App Store at https://apple.co/2pLgvCX and from Google Play at http://bit.ly/2GuIRv or you can download podcasts news in Hmong and English from www.sbs.com.au/podcasts/yourlanguage/hmong. and listen to Hmong news in iTunes at https://itunes.apple.com/us/podcast/sbs-hmong/id814724207?mt=2
Besides, you can follow us, click like, share and comments at #SBSHmong website at www.facebook.com/sbshmong.
Call to have a chat with SBS Radio Hmong Program on + 61 3 9949 2259 or sent your comments to comments@sbs.com.au.
http://www.abc.net.au/news/2018-08-08/hydrogen-fuel-breakthrough-csiro-game-changer-export-potential/10082514
