Ntiaj teb tsis pom zoo rau ebchaws Phabmab cov kev tsim txom txov txo thiab tua nws cov neeg pab pawg neeg me Rohingya Muslim npog nroj ntsuab kom tu noob.
Antonio Guterress uas yog UN tus coj tau hais kom tsoom hwv Phabmab cia li xaus thiab tso tseg txhob siv tub rog mus tawm tsam cov neeg Rohingya Muslims uas tseem tab tom khiav mus rau tebchaws Bangladesh ntawd kiag tam sim no, thiab tso cai rau cov koom haum pab cuam xa khoom pab cuam rau tej neeg txomnyem no thiab yuav tsum nrog xyuas kom cov neeg no rov qab mus nyob tau lawv tej qub zejzog yam nyab xeeb thiab muaj meej mom. UN kuj tau qhia tias sij hawm no muaj cov neeg no txog li 500,000 tus tau khiav ntawm tebchaws Phabmab mus rau tebchaws Bangladesh lawm.
Lub koom haum International Organisation for Migration (IOM) tau cej luam tias muaj cov neeg Rohingya 130 leej tau caij ib lub nkoj khiav tawm teb chaws Phabmab ntawm Bay of Bangal ua rau lub nkoj no tog thiab lub koom haum IOM tsuas nrhiav tau cov cev txog li 13 lub cev uas muaj 9 tus me nyuam yaus ntawm cov neeg uas lawv nrhaiv tau no xwb.
"Txawm tau muaj tej teeb meem no los tsoom hwv Phabmab yeej tsis lees tias nws yog tus tau tsim txom thiab tua cov neeg pab pawg neeg me Rohingya Muslim npog nroj ntsuab kom tu noob li tau muaj UN tus coj Antonio Guterress, UN lub tuam chav tswj kev ncaj ncees rau leej tib neeg txoj cai (United Nations Human Rights Council) tus coj Zeid Ra'ad al-Hussein, thiab ib txhiab teb chaws coj ntseeg kev cai Islam tau iab liam nws."
Thaung Tun uas yog Myanmar tus nom tswj kev ruaj ntseg haiv tau qhia tias yuav tso cai rau UN mus xyuas lub xeev Rakhine rau hnub zwj Hli (Monday) yuav los txog no tom qab tau muab cov kev teem caij hnub no ncua lawm.
"Mr Tun tau qhia tias tsoom hwv Phabmab tseem tab tom los xyuas UN cov kev taw qhia kom los txhim kho lagluam thiab tso cai pub cov neeg rohingya ntawm lub xeev Rakhine ua pej xeem Phabmab lawm."
Nws tau nqua hu kom UN Security Council tsis txhob hais dab tsi ntxiv tsam haj yam ua rau muaj teeb meem kub ntxhov tuaj ntxiv thiab tau nqua hu kom zejzog pej kum haiv koom tes nrog xyuas nws txoj kev tswj hwm democracy kom nws tswj hwm tau thiab tsim tau kev thaj yeeb kev ruaj ntseg rau lub xeev Rakhine los yog tebchaws Phabmab.
Ntxiv ntawd los kuj yog thawj zaug uas teb chaws United States of America (USA) tau hais kom rau txim rau tebchaws Phabmab tus thawj hau rog uas tsim tej teeb meem kub ntxhov no rau cov neeg Rohingya Muslim.
Nikki Haley uas yog America tus nom kis lis dej num ntawm koom haum nraj nrig tim koom haiv (United Nations) tau nqua hu kom ntau lub tebchaws tsis txhob xa riam phom mus pab teb chaws Phabmab txog rau thaum uas nws cov peeb zeej tsim cai meej tseeb los qhia tau nws tej dej num dawb huv tso.
"Nws hais tias peb yeej tsis ntshai los tham txog tsoom hwv Burmese tej kev ua phem thiab tawm tsam txov txo tua nws cov pab pawg neeg me thiab tsim nyog nws cov nom theem siab yuav paub txaj muag rau tej xwm txheej no vim nws yeej xav kom tsim tau txoj kev tswj him democracy. Yog li yuav tsum tau muab cov nom ua txhaum cai txo nom thiab muab rho twm tsis txog pub tswj tej hauj lwm no kiag tam sim no thiab coj mus hais plaub rau txim rau tej kev txhaum lawv tau ua ntawd."
Koj muaj peev xwm mloog tau cov xov xwm ua lus Hmoob los yog lus Askiv (English) tau raws li cov vam sab hauv qab no:
Mloog tau cov program ib teev tag nrho rau hnub zwj Teeb (Thursday) 6pm AEST thiab zwj Hnub (Sunday) 11am AEST ntawm:
Koj muaj peev xwm download cov xov xwm ua ib zaj ib zaj ua lub Hmoob thiab lus Askiv (English) los yog mloog tau ntawm:
www.sbs.com.au/podcasts/yourlanguage/hmong
Caum SBShmong qab hauv SBSHmong Facebook page, tuaj nyem nyiam (Click like) tuaj faib (Share) SBShmong cov xov xwm rau koj tej phooj ywg thiab tawm tswv yim (Comment) share thiab qhia koj zaj dab neeg thiab xov xwm rau xov tooj cua SBS Hmong Program tshaj thiab nthuav rau ib tsoom Hmoob sawv daws tau mloog kom sawvdaws ho hnov txog ntawm:
