Raws li Pwc (PricewaterHouseCooper) tsab ntawv cej luam tsis ntev los no tau tshaj tawm, ces xyoo 2020 no America yuav tsis muaj hauj lwm txog 5 roob txog rau nws tej neeg ua, thiab txog xyoo 2030 ces nws 500 lub tuam txhab lagluam yuav tsis muaj tej hauj lwm txog li 40% rau nws cov pej xeem ua vim muaj tej technology vam meej raug coj los siv lawm.
Yog li peb yuav npaj peb tus kheej li cas kom thiaj muaj txuj ci thiab txuj tes (Skills) nrhiav tau hauj lwm ua rau lub neej pem suab?
Rau qhov tam sim no peb muaj txoj siab ua lub neej nyob tau ntev ntxiv tuaj, tau txais kev noj qab nyob zoo dua, thiab xav tau cov services sib txawv ntau yam ntxiv lawm tab sis tib lub tsam thawj no los tej technlogy kuj vam meej heev tuaj lawm thiab tsis hais yuav yog tej tshuab ua yus pom thiab kov tau li tej tshuab ua hauj lwm tej neeg tooj neeg hlau, computers, uas raug coj los siv ua hauj lwm los yog cov software program uas siv tau zoo khiav ceev heev thiab tshaj lij ua tau hauj lwm zoo sai thiab ceev tshaj tib neeg lawm. Ces thiaj yuav ua rau tib neeg yuav poob hauj lwm thiab ntshe yuav tau tos cov technology pab cuam tam sim no mus rau lub neej pem suab lawm xwb.
Self-driven car - Alrick Pagnon - Creative Innovation Global Source: Creative Innovation Global
City of the future -Pete Linforth - Wikemedia Commons - CCO Source: Wikimedia Commons
"Tsis hais yuav yog yam hauj lwm dab tsi li tej neeg tooj neeg hlau yeej yuav muaj peev xwm ua tau tag nrho. Lawv yuav muaj peev xwm rhawv tsim program tau lawv tus kheej thiab kho tau lawv tus kheej tib si lawm. Cov hauj lwm uas tej zam yuav tsis muaj rau neeg ua yog cov uas pheej ua li qub tas li, cov siv dag zog, los sis cov hauj lwm ua lees kais qhia ntawv, kws lij choj khws kho mob thiab tej neeg tu saib xyuas cov neeg mob, los ntshe yuav raug tej technology no los ua pab lawm thiab." Alrick Pagnon uas yog tus coj cov laj lim tswv yim tshiab ntawm Creative Innovation Global tau hais li ntawd.
Automation industry - Ami Ahmad Touseef - Wikimedia Commons -CC BY SA 3.0 Source: Wikimedia Commons
Tab sis nqe tseem ceeb tshaj plaws tam sim no ces yuav tsum tsim kom tau tej cai no thiab nrog kub siab los xyuas kom tej neeg tau mus xyaum mus kawm txuj ci txuj tes kom lawv muaj peev xwm pauv hloov tau rau lub neej pem suab uas tsis paub tias xyov yuav zoo li cas ntawd.
Alrick Pagnon uas yog tus coj lis cov dej num tsim laj lim tswv yim zoo ntawm lub koom haum Creative Innovative Global hais tias ib qho piv txwv qhia tau tias cov Artificial Intelligence tshaj lij heev no ces yog cov computer game hu ua "Gaur" uas nyuaj thiab sib chab sib chaws tshaj cov chess ntawd tau sib tw yeej nrog ntiaj teb tus neeg tshaj lij tshaj plaws rau fab txuj no lawm. Qhov no qhia tau tias cov technology no vam meej thiab loj hlob huam vam tshaj lij sai kawg nkaus li.
"Tab sis txawm li cas los tej tshuab thiab cov technologies los yog tej neeg tooj neeg hlau no yeej tsis muaj peev xwm yuav pauv hloov tau yooj yim, tsis muaj tswv yim laj lim yuav hloov tau sai sai li tib neeg ces tib neeg thiaj tseem muaj peev xwm los npaj siv lawv tej kev muaj peev xwm rau fab hais no kom tau txais txiaj ntsim rau lawv thiab npaj kawm txuj ci thiab hloov lawv tus kheej kom ua tau lub neej pem suab," raws li Alrick Pagnon tau qhia.
Tsis ntev los no kuj tau muaj tsoom thawj coj cov tuam txhab lag luam technologies ntau tus tau nqua hu kom ntiaj teb tsoom theej tshwj yuav tsum tau los tsim kom tau ib cov cai zoo los tswj cov technology kom siv tau zoo txuas ntxiv mus rau yav pem suab.
Yog li Alrick Pagnon ntawm lub koom txoos Creative Innovation 2017 thiaj tau los tswj lib rooj koom txheej Asia-Pacific Summit (13-15 November 2017) tis npe hu ua "Human Intelligence 2.0" ntawm nroog Melbourne kom coj tau tsoom neeg txawj txeeg txog fab technology ethics, Artificial Intelligence, Psychologists, futurists, business leaders, cybernetic experts, biotechnology, Design engineers nrog rau tsoom hwv thiab tej koom haum neeg zejzog los sib sau ua ke koom tawm tswv yim sib tuav xam thiab nrhiav tswv yim tshiab los tsim cai tshiab kom muaj peev xwm siv tau tswj tau cov technology thiab tsim tau cov technology tshiab coj los siv txuas ntxiv rau lub neej pem suab kom pab tau peb ua tau lub neej, tswj thiab tsim qoob loo, nrhiav cov energy rau peb siv, pab kom peb sib txuas lus mus los tau yooj yim thiab pab kom peb ua tau lub neej thiab muaj laj kam ua, los yog muaj cai zoo los daws tej teeb meem ua rau tej neeg poob hauj lwm, txom nyem thiab tej ib puag ncig.
Creative Innovation (CI2017) Summit - Courtesy of Alrick Pagnon-Creative Innovation Global Source: Creative Innovation Global
"Tab sis Pagnon hais tias yog ntiaj teb tsoom theej tswj ntawm ntau pawg tsis muaj peev xwm los ntau thawj hlo txiav txim siab tsim kom tau tej cai los tswj cov technology, tsis muaj kev koom tes thiab koom npoj los tsim, los sim los kho thiab pauv hloov tej technology los yog qhia txuj ci rau tib neeg ces yeej yuav tsis muaj peev xwm daws tau tej teeb meem ua cov technology yuav tsim rau ntiaj teb li."
"Alrick Pagnon hais tias peb yuav tsum kub siab los xyuas kom tsim tau ib cov kab lis kev cai uas txhawb nqa thiab muab pajtshab rau cov neeg muaj peev xwm muaj zoo laj lim tswv yim ua tau hauj lwm zoo los yog tshaj lij thiab nyiaj ntxeem rau txoj kev zam rau tej yam yuam kev kom kho tau hloov tau tsim tau tej tswv yim zoo tshaj qub coj los siv mas thiaj yuav tsim tau xyaum tau tej txuj tes thiab txuj ci siv rau leej tib neeg rau tiam neej vam meej no."
Koj muaj peev xwm mloog tau cov xov xwm ua lus Hmoob los yog lus Askiv (English) tau raws li cov vam sab hauv qab no:
Mloog tau cov program ib teev tag nrho rau hnub zwj Teeb (Thursday) 6pm AEST (Australian Eastern Standard Time) thiab zwj Hnub (Sunday) 11am AEST ntawm: www.sbs.com.au/hmong
Koj muaj peev xwm download cov xov xwm ua ib zaj ib zaj ua lub Hmoob thiab lus Askiv (English) los yog mloog tau ntawm:www.sbs.com.au/podcasts/yourlanguage/hmong
Mus download tau SBS Radio app tau hauv Google Play thiab App Store ntawm http://www.sbs.com.au/radio/article/2015/03/07/download-sbs-radios-free-mobile-app tso rau koj lub xov tooj ntawm tes ces mloog tau rau 2 hnub hais dhau los saum toj no. Los yog koj muaj lus nug cuam tshuam txog cov kev siv SBS Radio app ces saib thiab nyeem tau ntawm no ntxiv http://www.sbs.com.au/radio/sbs-radio-app
Tuaj ua tub koom siab thiab caum SBShmong qab hauv SBSHmong Facebook page, tuaj nyem nyiam (Click like) tuaj faib (Share) SBShmong cov xov xwm rau koj tej phooj ywg thiab tawm tswv yim (Comment) ntawm www.facebook.com/sbshmong
Thiab yog koj xav share thiab qhia koj zaj dab neeg thiab xov xwm rau xov tooj cua SBS Hmong Program tshaj thiab nthuav rau ib tsoom Hmoob sawv daws tau mloog kom sawvdaws ho hnov txog ces hu xov tooj rau +61 3 9949 2259 nrog SBS Radio Hmong Program tham tau.
Koj muaj peev xwm mloog tau cov xov tooj cua tau raws li lub vam sab ntawm no: http://www.sbs.com.au/radio/listen-amfm-radio
Thiab tseem mloog tau ntawm digital TV tshooj 38 ntxiv thiab.
