Yog tias peb muab tag nrho Australia cov hluas uas ua lagluam 100 tus cov nyiaj los sib sau ua kev ces raug nyiaj tag nrho 13.2 tawv (billion) dollars diam.
Tab sis tus neeg sau tsab ntawv cej luam txog Australia cov hluas ua lagluam 100 tus uas muaj hnooob nyoog qes dua 40 xyoo no ho siv txoj xub ke twg los teev zwm lawv npej?
" Jhon Shensholt uas yog tus sau tsab ntawv cej luam Rich List hais tias yog los xyuas cov hluas no cov tuam txhab lagluam tias seb lawv lub tuam txhab nyiaj khwv tau nyiaj ntau npaum li cas, puas muaj neeg sab nraud los koom nqe peev lagluam nrog lawv, thiab thaum lawv muag lawv cov lagluam ntawd ne yuav tau nyiaj npaum li cas yog cov txuam thawj siv coj los ua cov kev txiav txim siab teev zwm cov hluas muaj txiaj nplua nuj 100 tus no."
Tim Fung uas yog ib tug koom teeb tsa lub tuam txhab lagluam Airtasker uas yog cov lagluam nrhiav neeg mus ua hauj lwm kho, nruab, dho los sis tshem lwm tus tej khoom xav tej khoom rau lawv los yog xav rau lwm qhov no khwv tau nyiaj txog li $ 90 roob (million) dollars rau Australia cov neeg ua hauj lwm diam.
Hos Nick Mirkovic uas muaj 22 xyoos thiab Alex Tomic uas muaj 24 xyoos ces yog 2 tug hluas uas muaj hnoob nyoog yaus tshaj plaws thiab nkawv lub tuam tshab Hi-Smile uas tsim cov tshuaj txhuam hniav kom kaus hniav dawb muaj nyiaj txog $ 41 roob (million) thiab nkawv siv cov sociak media coj los haub tau yaum kom muag tau nkawv cov khoom no.
Tim Gurner los kuj tau zeeg 5 vim nws yog ib tug neeg tsim vaj tse muag hauv Melbourne no thiab muaj nyiaj txog is $465 million. Web marketing Campaign Monitor founded by Dave Griener thiab Ben Richardson uas yog 2 tug tsim tsa lub kiab khw lagluam Web maketing Campaign Monitor los kuj tau zum 3 thiab zum 4 thiab muaj nyiaj sib sau ua ke txog 607 million dollars.
Tab sis tus muaj nyiaj ntau tshaj plaws yog Mike Cannon-Brookes thiab Scott Farquhar ntawm lub tuam txhab Atlassian uas tsim cov software developers, project managers, and content management muaj nyiaj txog 6.1 billion dollars.
Yog li Mr. Shensholt tseem tau hais ntxiv tias yog ib qho txaus tu siab uas tseem muaj cov poj niam los tsim cov tuam txhab lagluam technology txog 9 leeg xwb ntawm tag nrho cov hluas ua lagluam muaj txiaj nplua nuj no. Tab sis yeej muaj neeg tig los nqe peev rau lawv cov lagluam no ntau tuaj ntxiv lawm thiab.
