Nom tswv Australia tau txwv tsis pub pej xeem yuav tau cov tshuaj Codeine tom khw muag tshuaj coj los siv tau yooj yim txij hnub tim 01/02/2018 no mus lawm. Tsuas yog cov kws tshuaj thiab kws kho mob thiaj muaj cai sau ntawv tso cai rau ib tug neeg twg mus yuav tau los siv lawm xwb.
Allan Sheffield uas yog tus koom teeb tsa lub koom haum myDNA tau hais tias tos nom tswv Australia ho txwv los vim muaj teeb meem ntau yam li, tej neeg quav cov tshuaj no ntau tuaj ntxiv, noj cov tshuaj no ntau heev thiab muaj teeb meem tsis tau txais kev nyab xeeb thiab ua rau ib txhia tas sim neej los yog muaj lwm yam teeb meem cuam tshuam txog tej neeg siv cov tshuaj no txoj kev noj qab haus huv.
Raws li lub koom haum Australian Medical Association (AMA) tau tshaj tawm ces nws tus coj uas yog Dr. Michael Gannon hais tias tej tshuaj no tsis yog ib cov tshuaj zoo thiab yuav tsum yog kws kho mob thiab kws tshuaj thiaj tso cai rau tej neeg siv tau xwb, vim yeej muaj pov thawj tim khawv qhia tau tias yog ib cov tshuaj tsim tau teeb meem rau tej neeg thiab ua rau neeg tuag lawm.
Ntxiv ntawd Dr. Tim Greenaway uas yog tus coj ntawm lub koom haum Theraputic Goods Administration (TGA) uas yog lub koom haum tswj tej tshuaj kho mob kuj tau qhia tias tos ho tau muaj cov kev txiav txim siab no los vim yog cov tshuaj no cuam tshuam txog kev nyab xeeb thiab tej neeg siv tej tshuaj no ntau tshaj qhov tsim nyog lawm.
Associate Professor Adrian Reynolds uas yog tus coj ntawm lub koom haum Chapter of Addiction Medicine los kuj hais tias yeej muaj pov thawj tim khawv qhia tias muaj neeg siv thiab quav cov tshuaj no ntau heev tuaj lawm.
Dr. Michael Vagg uas yog tus coj ntawm txhooj faj lem Deakin University School of Medicine los kuj hais tias cov tshuaj no yog ib cov siv tsis tau hauj lwm dab tsi tab sis tseem ua rau tej neeg quav thiab ua rau qee cov neeg siv tej tshuaj no ntau muaj teeb meem rau lawv tej plab hnyuv uas yuav tau siv raj tso pub zauv mov rau noj thiab ua rau ib txhia raug lim ntshav vim muaj teeb meem rau lawv tej raum tsis ua hauj lwm zoo lawm.
Australia tus pwm tsav tswj kev noj qab haus huv (Health Minister) Greg Hunt los kuj hais tias cov kev txwv no yuav pab kom cawm tau neeg Australia 100 txoj sia kom txhob tas sim neej vim noj tej tshuaj no ntxiv.
Allan Sheffield ntawm lub koom haum myDNA hais tias thiaj xav kom neeg Australia mus sim lawv cov DNA uas tsuas so yus cov qaub ncaug xwb ces lawv mam txheeb xyuas seb puas muaj teeb meem dab tsi rau tus neeg ntawd kom muaj peev xwm nrhiav tau cov tswv yim los tswj ib tug neeg twg cov kev mob ntawd. Nws hais tias cov kev sim no yeej tau pab tej neeg tshaj 20 txheeb tus txog li 50% kom kws kho mob muaj peev xwm tswj tau lawv cov kev noj qab haus huv lawm.
Yog koj xav sim koj cov DNA ces mus txheeb xyuas tau ntawm lub vam sab myDNA los sis mus sim tau tom tej khw muag tshuaj tau. Vim sim tib zaug xwb ces tau lawm.
Txawm ib txhia neeg yuav pom zoo nrog tsoom hwv cov kev txwv thiab tswj cov tshuaj Codeine no kom nruj los ib txhia ua siv cov tshuaj no los ntev yeej qhia tias yuav muaj teeb meem rau lawv thiab yuav tau sab laj nrog lawv cov kws kho mob kom nrhiav tau cov tswv yim coj los tswj lawv cov kev noj qab nyob zoo hloov cov tshuaj no.
Yog li ntawd thiaj tau ua rau muaj ib txhia neeg tau mus yuav cov tshuaj no ntau heev ua ntej tseem tsis tau txwv coj los cia kom tau siv. Thiab Allan Sheffield xav tias tej zaum yuav muaj neeg tib mus rau tej kiab khw muag tej tshuaj no txhaum cai kom tau coj los siv.
Xyoo 2016 dhau los teb chaws America twb muaj neeg tas sim neej vim yog siv tej tshuaj opiod no thiab tseem muaj neeg tau txais kev nruam sim los ntwm tej tshuaj no coob tshaj cov neeg uas tau cov kab mob cancer mis lawm thiab raws li ntawv xov xwm CNN tau tshaj tawm.
Tsis yog teb chaws Australia thiaj txwv xwb tab sis yeej tseem muaj 25 lub teb chaws hauv ntiaj teb no tau txwv thiab tsuas pub cov kws kho mob thiab kws tshiaj sau ntawv tso cai mas thiaj yuav tau cov tshuaj Codeine no coj los siv lawm xwb. #
Xov xwm qhia txuas ntxiv:
Yog koj xav tau xov xwm ntxiv txog cov kev pauv hloov thiab kev txwv cov tshuaj no ces koj txheeb xyuas ntxiv tau ntawm tsoom hwv Australia lub vam sab www.tga.gov.au/codeine-info-hub, xa email nug lawv tau ntawm info@tga.gov.au los sis hu xov tooj nrog lawv tham tau ntawm 1800020653 tau.
Nyeem thiab saib tau ntxiv ntawm:
https://ama.com.au/codeine-%E2%80%93-facts
https://ama.com.au/ausmed/harmful-effects-codeine
https://ama.com.au/ausmed/why-codeine-should-be-prescription-only
https://ama.com.au/ausmed/expert-quotes-regarsing-codeine
https://www.vox.com/policy-and-politics/2017/6/6/15743986/opioid-epidemic-overdose-deaths-2016
https://www.medicinenet.com/codeine/article.htm#what_else_should_i_know_about_this_drug
Koj muaj peev xwm mloog tau cov xov xwm ua lus Hmoob los yog lus Askiv (English) tau raws li cov vam sab hauv qab no:
Mloog tau cov program ib teev tag nrho rau hnub zwj Teeb (Thursday) 6pm AEST (Australian Eastern Standard Time) thiab zwj Hnub (Sunday) 11am AEST ntawm: www.sbs.com.au/hmong
Koj muaj peev xwm download cov xov xwm ua ib zaj ib zaj ua lub Hmoob thiab lus Askiv (English) los yog mloog tau ntawm:www.sbs.com.au/podcasts/yourlanguage/hmong
Mus download tau SBS Radio app tau hauv Google Play thiab App Store ntawm http://www.sbs.com.au/radio/article/2015/03/07/download-sbs-radios-free-mobile-app tso rau koj lub xov tooj ntawm tes ces mloog tau rau 2 hnub hais dhau los saum toj no. Los yog koj muaj lus nug cuam tshuam txog cov kev siv SBS Radio app ces saib thiab nyeem tau ntawm no ntxiv http://www.sbs.com.au/radio/sbs-radio-app
Tuaj ua tub koom siab thiab caum SBShmong qab hauv SBSHmong Facebook page, tuaj nyem nyiam (Click like) tuaj faib (Share) SBShmong cov xov xwm rau koj tej phooj ywg thiab tawm tswv yim (Comment) ntawm www.facebook.com/sbshmong
Thiab yog koj xav share thiab qhia koj zaj dab neeg thiab xov xwm rau xov tooj cua SBS Hmong Program tshaj thiab nthuav rau ib tsoom Hmoob sawv daws tau mloog kom sawvdaws ho hnov txog ces hu xov tooj rau +61 3 9949 2259 nrog SBS Radio Hmong Program tham tau.
Koj muaj peev xwm mloog tau cov xov tooj cua tau raws li lub vam sab ntawm no: http://www.sbs.com.au/radio/listen-amfm-radio
HOBART = 105.7FM
MELBOURNE = 93.1FM / 1224 AM
CANBERRA = 105.5FM / 1440 AM
SYDNEY = 97.7FM / 1107 AM
WOLLONGONG = 1413AM
BRISBANE = 93.3 FM
CAIRNS = 90.5 FM
DARWIN = 100.9FM
PERTH = 96.9FM
SA = 106.3 FM
Thiab tseem mloog tau ntawm digital TV tshooj 38 ntxiv thiab.
