Koj puas paub tias txhua yoog twg yeej muaj pej xeem Australia txog li 4,500 ntawm tag nrho 10,000 tus uas mob cov kab mob ntshav qab zib raug coj mus kho tom tsev kho mob thiab ib nrab ntawm cov neeg no yeej raut txiav ntiv taw, raug txiav taw thiab raug txiav lawv cov tes pov tseg lawm no.
Tsis tas li no tseem ua rau Australia poob nyiaj los kho cov neeg no txog 875 roob (million) dollars rau ib lub xyoos twg thiab.
Tab sis cov kws paub zoo txog cov kab mob ntshav qab zib hais tias 85% ntawm cov teeb meem no peb yeej muaj peev xwm tiv thaiv tau kom tej neeg no tsis txhob raug txiav lawv tej khoom hais ntawd pov tseg raws li Ramon Varcoe thiab Greg Johnson tau hais.
Yog li ntawd cov kws paub zoo txog cov kab mob ntshav qab zib thiaj tau mus sab laj ntawm nroog Sydney los nrhiav tswv yim seb yuav ua li cas thiaj txo tau los yog daws tau cov teeb meem uas tej neeg mob ntshav qab zib no raug txiav taw pov tseg ntau heev ntawd, kom tsis txhob raug txiav ntxiv los yog kom muaj tsawg, kom txuag tau lawv txoj sia thiab txuag tau tej tsev kho mob tej nyiaj txiaj.
"Greg Johnson uas yog tus coj ntawm lub koom haum kab mob ntshav qab zib (Diabetes Australia) tau hais tias peb yeej muaj peev xwm txo tau thiab yeej pab tau kom tej neeg mob no tsis txhob raug txiav lawv tej taw pov tseg. Tab sis tsis yog tej yam hauj lwm yooj yim uas cia li ua kiag yam no los yam tod xwb ces yuav ua tau lawm. Yuav tsum yog tsoom hwv teb chaws yuav tsum muab cov hauj lwm no saib ua ib cov hauj lwm tseem ceeb tig los kub siab txog thiab tshwm nyiaj coj los pab cuam mas thiaj li daws tau."
Endovascular surgeon Profession Ramon Varcoe uas yog ib tug kws paug phais thiab txuas hlab ntshav kom muaj ntshav mus yug plawv thaum hlab ntsha txhaws ntawd qhia tias yeej muaj peev xwm txuas cov hlab ntsha mus yug txhais taw coj los ua ib cov kev tiv thaiv kom txhais taw txhob raug txiav pov tseg thiab.
"Ramon Varcoe hais tias txhuaj kauj ruam uas peb ua no yeej yog ib cov cib fim zoo coj los pab rau tej neeg mob, tsis hais yog mob ua kiav txhab rau lawv tej tes taw thaum tseem ntxhov ntawd xav kom lawv kub sib mus nrhaiv kev kho mob thiab kev pab cuam raws li qhov tsim nyog tsis hais yuav yog nrhiav khau rau lawv rau pov puag lawv txais npab los yog txhais taw thiab yuav tsum tau mus ntsib mus cuag cov chaw kho kaw taw thiab ua raws li tej kws kho mob cov kev taw qhia. Thiab nqe kawg ntawd ces kuv xav kom txhua tus kws kho mob yuav tsum tsim kom tau ib cov txheej txheem kom zoo tib yam coj los siv thoob plaws rau lub teb chaws no."
You can find more information from Diabetes Australia website here https://www.diabetesaustralia.com.au/
