Nyob rau lub caij uas tsoom hwv Australia tseem xav thov hloov kho australia tsab cai thov xeem ua pej xeem (Australian Citizenship Act) ntawd, ces pab nom tim tseeb (Federal Opposition) tau ua ib nqag nrog rau lub koom haum sawv cev rau Australia cov neeg zejzog pab pawg neeg tsawg los tawm tsam tsis pom zoo kom tsoom hwv Turnbull hloov tsab cai no. Vim lawv cav tias yuav yog ib cov kev faib cai ua tsis ncaj rau Australia ib txhia neeg zejzog thiab yuav muaj teeb meem loj rau Australia cov neeg zejzog uas coj ntau hom kev cai dab qhuas thiab hais ntau hom lus ntawd.
Tony Burke uas yog pab nom tim tseeb tus pwm tsav lis cov laj fai Multicultural thiab Citizenship tau hais tias:
"Cov kev pauv hloov no piv tam li yog ib cov lus qhia txog txoj kev ntxub ntxaug tsis nyiam lwm tus neeg thiab qhia txog txoj kev cib nyeej ntsawv siab chim siab xwb."
Kim (Mister-Mr) Burke tau hais ntxiv tias yog thaum tau los txheeb xyuas tej cai xeem ntawv Askiv (English) lawm, ces yeej yog ib cov tswv yim tsim coj los cais tej neeg xwb. Vim cov neeg tuaj ntawm cov teb chaws Africa thiab Asia tuaj ces yuav tau xeem cov ntawv Askiv International English Language Testing System (IELTS) kom tau tus zauv 6 diam, tab sis ho tsis kom cov neeg tuaj ntawm teb chaws Askiv (United Kingdom-UK) los yog cov neeg tuaj ntawm cov teb chaws America qaum teb (USA, Canada) xeem li. Yog li no ces Tony Burke thiaj hais tias tsis tsim nyog tsoom hwv Australia yuav siv cov cai thov xeem ua pej xeem no los ua ib cov laj fai kum xeeb (Politics) kom nws tau txais ntxiaj ntsim.
Txawm tau hais li ntawd los Australia tus thawj pwm tsav Malcolm Turnbull yeej tau hais tias -
"Tos ho tau xav thov pauv thiab hloov kho Australia tsab cai thov xeem ua pej xeem no los tsuas yog xav kho tsab cai no kom zoo tuaj ntxiv, kom cov kev xeem los ua pej xeem no zoo dua tuaj ntxiv thiab kom tau cov zej pej xeem rau Australia xwb."
Zed Seselja uas yog tus neeg khiav hauj lwm pab tus pwm tsav pab zej tsoom thiab tej laj fai cuam tshuam txog Australia tej neeg zej zog hais ntau hom lus thiab coj ntau cov kev cai dab qhuas sib txawv (Assistance minister for social services and multicultural affairs) tau hais tias teb chaws Australia yeej txhawb nqa tej kev koom npoj ntawm ntau tsav neeg thiab kev muaj peev xwm hais tau los yog siv tau ntawv Askiv (English) zoo no yog ib co tseem ceeb heev li thiab.
"Australia yeej ua kev zoo siab rau peb lub teb chaws uas muaj ntau tsav neeg tsis hais yog lawv tej kab lis kev cai los yog lawv tej ntaub ntawv los yog tej lus, tab sis cov lus thiab ntawv Askiv no los yeej yog ib yam siv coj los tsim kev koom npoj moj them nqag kab ua ib tsob ib txoog rau peb haiv neeg thiab."
Koj muaj peev xwm mloog tau cov xov xwm ua lus Hmoob los yog lus Askiv (English) tau raws li cov vam sab hauv qab no:
Mloog tau cov program ib teev tag nrho rau hnub zwj Teeb (Thursday) 6pm AEST (Australian Eastern Standard Time) thiab zwj Hnub (Sunday) 11am AEST ntawm: www.sbs.com.au/hmong
Koj muaj peev xwm download cov xov xwm ua ib zaj ib zaj ua lub Hmoob thiab lus Askiv (English) los yog mloog tau ntawm:www.sbs.com.au/podcasts/yourlanguage/hmong
Mus download tau SBS Radio app tau hauv Google Play thiab App Store ntawm http://www.sbs.com.au/radio/article/2015/03/07/download-sbs-radios-free-mobile-app tso rau koj lub xov tooj ntawm tes ces mloog tau rau 2 hnub hais dhau los saum toj no. Los yog koj muaj lus nug cuam tshuam txog cov kev siv SBS Radio app ces saib thiab nyeem tau ntawm no ntxiv http://www.sbs.com.au/radio/sbs-radio-app
Tuaj ua tub koom siab thiab caum SBShmong qab hauv SBSHmong Facebook page, tuaj nyem nyiam (Click like) tuaj faib (Share) SBShmong cov xov xwm rau koj tej phooj ywg thiab tawm tswv yim (Comment) ntawm www.facebook.com/sbshmong
Thiab yog koj xav share thiab qhia koj zaj dab neeg thiab xov xwm rau xov tooj cua SBS Hmong Program tshaj thiab nthuav rau ib tsoom Hmoob sawv daws tau mloog kom sawvdaws ho hnov txog ces hu xov tooj rau +61 3 9949 2259 nrog SBS Radio Hmong Program tham tau.
Koj muaj peev xwm mloog tau cov xov tooj cua tau raws li lub vam sab ntawm no: http://www.sbs.com.au/radio/listen-amfm-radio
Thiab tseem mloog tau ntawm digital TV tshooj 38 ntxiv thiab.
