Australia poj niam cov club ncaws pob (W-League) Women-League no tau sib khom pom zoo nrog lub koom haum Football Federation Australia (FFA) kom lawv tau nyiaj hli zoo dua tuaj ntxiv.
Tsis tas li no Australia pab poj niam Matilda tseem tau mus sib tw ncaws pob ntaus kev phooj ywg nrog teb chaws Brazil 2 zaug, Australia tau yeej cov kev sib tw hnub zwj Cag (Saturday) zwj thaj tim 19/09/2017 dhau los thiab Australia yeej Brazil 2-1 lawm.
Ms. Kyah Simon uas yog Australia ib tug neeg uas ncaws pob pem hauv ntej rau Australia pab Matilda tau mus xyuas cov me nyuam ntxhais ncaws pob ntawm Western Sydney Park thiab mus txhawb nqa thiab mus tham txog tej poj niam thiab cov ntxhais cov kev ncaws pob kom seb lawv puas tig los kub siab ncaws pob professional footballers, ncaws pob World Cup, Olympics los yog ncaws nrog cov W-League tib yam li ntau tus txiv neej neeg Australia lawm thiab.
Tab sis Kate Gill uas yog ib tug txhawb nqa kom Australia cov ntxhais thiab tej poj niam tau mus ncaws pob ntawd tau qhia tias yog ib qho zoo rau lub caij FIFA (The Fédération Internationale de Football Association (FIFA, English: International Federation of Association Football)) tau tuaj txheeb xyuas cov teeb meem sib cov nyom cuam tshuam txog cov nyiaj hli them rau Australia tej poj niam thiab txiv neej cov kev sib tw, thiab tej zaum yuav tsum muaj cov poj niam koom pawg tswj FFA thiab tawm suab sawv cev rau cov poj niam los yog kom tau cov nyiaj ib co ntawm AUD 56 roob dollars los tshaj xov xwm txog poj niam cov kev sib tw rau poj niam, tsim cov chaw sib tw kom haum rau poj niam siv tau thiab los teeb txheeb thiab teev zwm poj niam cov kev sib tw tsis yog yuav teev zwm txog tej txiv neej nkaus xwb.
Ntxiv ntawd Australia tseem yuav sib tw nrog ntiaj teb seb puas tau los ua tus tswv cuab los tswj pej kum haiv cov kev sib tw Women's World Cup 2023 thiab. Yog li Kyah Simon thiaj hais tias yuav tau txhawb nqa cov ntxhais hluas thaum lawv tseem muaj 10 xyoo no kom muaj peev xwm los koom ncaws tau World Cup thaum lawv muaj 16 xyoo li pab Matilda uas tau mus sib tw rau lub caij lawv muaj hnoob nyoog tib yam li no lawm thiab.
