Txawj Koob Vwj uas yog tus coj lub koom haum Far North Queensland Hmong Youth Society Inc hais tias tau ntau xyoo los no nws lub koom haum no kuj tau ua ntau yam pab Hmoob cov hluas ntawm sab qaum teb ntawm Cairns thiab Brisbane li qhia ntawv Hmoob rau lawv thiab ncaws pob los sis ncaws Kab Tob (Takraw). Tab sis xyoo no xa ua ib yam dab tsi txawv xws li txhawb nqa Hmoob tej hluas los seev cev, nqua yas suab kom Hmoob ho tau tuaj sib ntsib, muaj kev lom zem thiab txhawb nqa Hmoob tej hluas kom tau hais lus Hmoob kom rov qab paub siv lus Hmoob zoo tuaj ntxiv.
Thawj xyoo yog yuav ua ntawm Cairns ua ntej tso ces mam li sab laj ntxiv seb xyoo tom ntej thiab txuas ntxiv mus yuav tso rau 3 lub nroog li Brisbane, Sydney los sis Melbourne leej twg ua tus tswj lub koob tsheej Hmong Australian Youth Music Festival no txuas ntxiv.
Vim Txawj Koob Vwj pom tau tias Hmoob nyob teb chaws Australia khwv heev thiab tsis muaj sij hawm los sib ntsib sib cuag thiab sib koom ua ke li. Feem ntau pheej sib ntsib ntawm tej koom txoos ua cawv xeeb cawv lav xwb ces thiaj xav tsim lub koom txoos Hmong Australia Youth Music Festival coj los ua lub lub koom txoos txim kev zoo siab rau tag nrho ib tsoom Hmoob nyob teb chaws Australia kom muaj kev lom zem thiab muaj kev zoo siab thiab tau tuaj sib ntsib.
Nws qhia tias lub koom txoos no yuav pib txij tav su ntawm hnub tim 29 lub 9 hlis ntuj xyoo 2018 ntawm Cairns uas yog Queens birthday thiab yog hnub zwj Cag (Saturday) mus txog ib tag hmo.
Lub koom txoos no qhib dawb rau sawv daws koom xwb tsis sau nqe qhov rooj. Yuav muaj khw muag zaub mov rau sawv daws noj, muaj cov khw muag khaub ncaws Hmoob thiab Hmoob tej qhwv ntsej xauv thiab muaj kev sib tw Hmob model me ntsis.
Thiaj xav nqua hu txhua leej txhua tus Hmoob tsis hais nyob Australia los yog txawv teb chaws tuaj koom.#
Listen to SBS Radio Hmong program at www.sbs.com.au/hmong on Thursday 6pm AEST (Australian Eastern Standard Time) and Sunday 11am AEST.
You can download SBS Radio App from iTunes Apple Store and from Google Play or you can download podcasts news in Hmong and English, and also listen to Hmong podcasts at iTunes store.
Besides, you can follow us, click like, share and comments at #SBSHmong website at www.facebook.com/sbshmong.
Call to have a chat with SBS Radio Hmong Program on + 61 3 9949 2259 or sent your comments to comments@sbs.com.au.
