Francis Voon uas yog ib tug neeg Australia caj ceg neeg Suav uas tuaj ntawm teb chaws Malaysia tuaj nyob teb chaws Australia thiab ua hauj lwm ntawm lub koom haum Equality Campaign tau qhia tias, xyoo 2004 ces Australia tus qub thawj pwm tsav John Howord tau muab tsab cai family law hloov kho tsuas los lees paub cov kev ua txwj nkawm uas muaj poj niam thiab txiv neej sib yuav uab ib yig lawm xwb. Thiab lub caij ntawd los tsuas muaj Australia tej neeg zejzog txog li 30% thiaj pom zoo rau cov neeg LGBTQI siv yuav ua tau txwj nkawm xwb.
Tam sim no ces zej tsoom Australia txog li 70% twb pom zoo rau tej neeg no sib yuav ua txwj nkawm tab sis tsoom hwv Australia pheej tsis kam los tsim tsab cai Marriage Equality Legislation no kiag hauv tsev tsoom hwv xwb, nws pheej tseem laug caij nyoog thiab nkim siv nyiaj ntau roob dollars xa tej ntawv rau pej xeem kom tawm suab seb puas pom zoo rau lub 11 hlis ntuj 2017 no tso thaum kawg nws mam li rov qab los tawm suab seb puas pom zoo tsim kom tau tsab cai no hauv tsev tsoom hwv ib zaug ntxiv kom tau tsab cai no siv.
Thiaj tau ua rau cov neeg txhawb nqa txoj kev vaj huam sib luag tau coj tsoom hwv Australia mus hais plaub ntawm Australia lub tsev hais plaub High Court tab sis High Court tseem txiav txim swb rau cov neeg LGBTQI thiab yuam kom lawv them tej nqe hais plaub thiab tso cai rau tsoom hwv siv tej nyiaj los lis cov hauj lwm postal survey on same-sex marriage ntawd lawm.
Francis Voon hais tias tsis tsim nyog Australia tej cai yuav faib cai ib tug twg tsis hais tus neeg ntawd yuav yog hom neeg twg, haiv neeg twg, zoo li cas tuaj qhov twg tuaj, tsis tsim nyog lawv yuav raug thab zes, cai, ntaus nqe yuam kev rau, tsis cam hwm tsis raug saib rau lub chaw sam xeeb muaj meej mom, tsis tau txais kev pov puag los ntawm Australia tej cai.
Cov neeg LGBT yeej sib yuav tau thiab tab sis tsuas yuav tam li de facto couple nyob ua ke xwb lawv tsis tau txais kev pov puag li cov cuab yig muaj poj niam txiv neej ua khub txwj nkawm. Yog thaum ib tug twg ntawm cov same sex couple ntawd raug mob, kho tom tsev khomob, los yog nyuaj siab ntxov plawv los sis tas sim neej lawm, ces Australia tej cai yeej tsis lees tias lawv yog txwj nkawm tiag thiab yuav plam ntau cov txiaj ntsim uas khuab niam txiv muaj poj niam txiv neej ntawd tau txais.
Francis Voon hais tias cov neeg LGBTQI yeej yog peb tej nkauj muam nraug nus, peb tsev neeg, peb tej phooj ywg thiab peb tej neeg zejzog uas tsim nyog yuav tau txais kev cam hwm thiab muaj cai tau txais kev pov puag los ntawm Australia tej cai ib yam li lwm tus neeg ntawm lub tebchaws no. Yog lawv tau txais kev pov puag lawm ces yuav pab kom lub cuab yig ruaj khov zoo tuaj ntxiv. Vim rau qhov yog thaum muaj teeb meem rau tej neeg no lawm ces yeej muaj teeb meem rau sawv daws thiab tsis yog yuav muaj teeb meem rau lawv nkaus nkaus xwb.
Yog li nws thiaj cia siab tias tsoom hwv Australia yuav tsim kom tau tsab cai Marriage Equality Legislation no los siv kom lawv tau txais txoj kev vaj huam sib txig sib luag li lwm cov neeg hauv Australia thiab.
Nws kuj tau hais ntxiv tias txhua tus neeg Australia yeej muaj cai tawm suab rau li txoj kev ywj pheej uas lawv tawm tau tab sis tsis xav kom lawv raug cai vim tsab cai no. Rau qhov tej kev ntxub ntxaug faib cai, tsis nyiam ntau nqe yuam kev tau ua rau lawv nyuaj siab ntxhov plawv, thiab tau txov txo lawv tus kheej txoj sia los lawm coob leej ntau tus.
Tab sis cov neeg tawm tsam tsis pom zoo kom tsim tsab cai no cav tias yog tseem tsim tau tsab cai no los siv thiab ces yuav ua rau tej neeg ib txwm ua lub neej li qub yuav raug yuam kom yuav tau hloov lawv cov kev ua lub neej uas lawv tsis pom zoo nrog tsis hais yuav yog tej kev coj ntseeg, kev tsim cov services rau cov neeg LGBT siv ntawd.
Francis Voon xav xa ib tsa xo moos rau cov neeg LGBTQI tias yeej tseem muaj neeg hlub tshua thiab yuav pab cuam lawv los yog muaj cov hais sawv cev rau lawv.
Koj muaj peev xwm mloog tau cov xov xwm ua lus Hmoob los yog lus Askiv (English) tau raws li cov vam sab hauv qab no:
Mloog tau cov program ib teev tag nrho rau hnub zwj Teeb (Thursday) 6pm AEST (Australian Eastern Standard Time) thiab zwj Hnub (Sunday) 11am AEST ntawm: www.sbs.com.au/hmong
Koj muaj peev xwm download cov xov xwm ua ib zaj ib zaj ua lub Hmoob thiab lus Askiv (English) los yog mloog tau ntawm:
Mus download tau SBS Radio app tau hauv Google Play thiab App Store ntawm http://www.sbs.com.au/radio/article/2015/03/07/download-sbs-radios-free-mobile-app tso rau koj lub xov tooj ntawm tes ces mloog tau rau 2 hnub hais ddhau los saum toj no. Los yog koj muaj lus nug cuam tshuam txog cov kev siv SBS Radio app ces saib thiab nyeem tau ntawm no ntxiv http://www.sbs.com.au/radio/sbs-radio-app
Tuaj ua tub koom siab thiab caum SBShmong qab hauv SBSHmong Facebook page, tuaj nyem nyiam (Click like) tuaj faib (Share) SBShmong cov xov xwm rau koj tej phooj ywg thiab tawm tswv yim (Comment) ntawm www.facebook.com/sbshmong
Thiab yog koj xav share thiab qhia koj zaj dab neeg thiab xov xwm rau xov tooj cua SBS Hmong Program tshaj thiab nthuav rau ib tsoom Hmoob sawv daws tau mloog kom sawvdaws ho hnov txog ces hu xov tooj rau +61 3 9949 2259 nrog SBS Radio Hmong Program tham tau.
Koj muaj peev xwm mloog tau cov xov tooj cua tau raws li lub vam sab ntawm no: http://www.sbs.com.au/radio/listen-amfm-radio
Thiab tseem mloog tau ntawm digital TV tshooj 38 ntxiv thiab.
