Kawm ib sob lus tshiab thiab ua tib zoo xyuas kom koj nco tau tej lus uas siv txhua hnub tsis yog pheej yuav txhais lub ntsiab lus ib lo zujzus. Cov kev kawm txog tej sob lus no yuav pab kom koj hais tau lus Askiv li tej twv lus hais thiab pab kom lwm tus kub siab txog yus ntau tuaj ntxiv. Cov sob kawm 'Words We Use' yog ib co sob kawm ua ob hom lus uas pab kom koj totaub txog cov lus paj lug uas muaj lub ntsiab lus zais li lo lus 'Call it a day' - 'txiav txim siab xaus/tso tseg tsis ua dab tsi ntxiv ntawm ib hnub twg lawm'.
SBS Learn English yuav pab kom koj muaj peev xwm tham, totaub thiab sib cuag tau nrog lwm tus ntawm teb chaws Australia - txheeb tau txhua toom sob kawm ntawm no.
Call it a day yog ib sob lus qub dhau los li ''call it half a day,'' uas tau siv rau lub caij xyoo 1830s thaum tej neeg ua hauj lwm tso tseg hauj lwm ua ntej yuav xaus ib hnub. Txog xyoo 1919 ces kuj tau siv sob lus ib nyuag luv zog li ''Call it a day' uas tau ras los ua lo lus siv tas mus li thiab txhais tias tso tseg tsis ua hauj lwm/tsis ua ib yam dab tsi ntxiv rau ib hnub ntawd ntxiv lawm.
Ntev ntxiv tuaj ces sob lus no thiaj tau ras los ua ib lo lus hais yooj yooj yim tias ''cia peb xaus tam sim no xwb'' uas siv rau txhua yam xwm txheej. Thiab koj yeej hnov siv txhua qhov chaw:
When you stop work after a long day (Siv thaum yus tso tseg tsis ua hauj lwm tom qab ua ib hnub ntev loo lawm):
- We’ve had a lot of meetings. Let's call it a day. (Peb muaj ntau lub rooj sab laj lawm. Cia peb tso tseg li no lawm xwb).
When you finish a project or activity (Siv thaum yus ua ib co project los yog ua ib yam dab tsi tiav):
- I’ve been gardening all morning. I’m ready to call it a day. (Kuv tau ua vaj zaub ib tag kis no lawm. Kuv xav tias ua li no xwb tau lawm hnub no nas).
In casual situations when you want to stop whatever it is that you are doing (Siv rau ib co xwm txheej thaum yus xav tso tseg tsis ua ib yam dab tsi uas yus tab tom ua):
- Have you played enough basketball? Ok, let’s call it a day, then. (Koj tseem sib tw ntaus pob basketball tsis tau txaus lod? Peb sib tw li no xwb txaus lawm).
When you’re tired (Siv thaum yus nkees/sab):
- I’ve been cleaning the house all morning — time to call it a day. (Kuv tau tu vaj tu tsev ib tag kis laus lawm, yuav li no xwb hnub no nas).
Txheeb tau txhua toom sab kawm Words We Use yog koj nyem ntawm no ces mloog tau!
Credits:
Host: Shannon Williams
Written by: Josipa Kosanovic
Graphic design: Dorry Wang
Educational consultant: Professor Lynda Yates
Produced by: Josipa Kosanovic
Kawm, tham, thiab mloog ntawv Askiv nrog SBS.
Mloog tau xov xwm tshiab ntawm SBS Hmong, download SBS Adio app, caum SBS Hmong ntawm Facebook, mloog tau Youtube, Spotify, Podfollow, iHeart Radio, Google Podcast thiab Apple Podcast.
