Raws li lub koom haum teeb txheeb txog Australia cov kev noj qab haus huv thiab noj qab nyob zoo (Australian Institute of Health and Welfare - AIHW), tau qhia ces muaj neeg tau cej luam cov teeb meem uas muaj lwm tus ua phem rau tej me nyuam los yog tsis kub siab tu thiab saib xyuas tej me nyuam rau nom tej nom tswv pov puag me nyuam yaus txog 356, 000 (355,930) zaug 2015-2016, uas cov xwm txheej no tau nce ntxiv tuaj rau 5 lub xyoos dhau los no txog li 21% lawm los yog txhais tau tias muaj ib tug me nyuam yaus twg raug lwm tus ua phem rau los yog tsis kub siab tu thiab saib xyuas txhua txhua 12 ntiag tiv twg (12 minutes) diam.
Yog li no Thomas McIntyre uas yog tus coj Regional Director ntawm lub koom haum Act for Kids thiaj qhia tias nws lub koom haum no muaj cov kev pab cuam ntau yam txij lis nrhiav cov neeg pab daws kev nyuaj siab (Psychologist), cov neeg pab nrog tsev neeg sab laj (Family therapist), cov neeg tuaj qhia kom tej me nyuam tham (Speech therapist) thiab cov neeg pab xyuas kom tau txais kev nyab xeeb (Occupational therapist) los pab rau tej me nyuam yaus thiab tej cuab yig uas raug tej teeb meem no, kom tswj tau tej me nyuam no cov cuj pwm, thiab kom lawv tau mus kawm lwm tus hauv tej teej kawm thiab tau mus koom tej neeg zejzog thiaj li yuav pab kho kom lawv muaj peev xwm rov qab ua tau lub neej dua.
Thomas McIntyre xav xa ib tsab xo mus rau Australia tej neeg zejzog rau lub caij pov puag cov me nyuam yaus uas pib txij zwj thaj tim 03-09/09/2017 tias:
"Xav kom cov neeg nug tus me nyuam seb puas muaj teeb meem dab tsi rau lawv, thiab nrhiav kev pab cuam rau lawv los yog thov kev pab cuam los ntawm tej neeg pab saib xyuas thiab tu lawv kom cov me nyuam no thiab lawv tsev neeg rov qab muaj peev xwm ua tau lub neej li qub. Los sis nrhiav cov program pab cuam tej me nyuam los ntawm tej koom haum zejzog los yog nom tswv coj los pab ntxiv."
Useful link:
Yog koj xav tau xov xwm kom ntxaws ntxiv ces mloog tau cov sob lus nrog Thomas McIntyre tham ua us Askiv saum toj no los yog mus txheeb ntxiv tau rau ntawm lub koom haum Act for Kids lub vam sab ntawm no tau https://www.actforkids.com.au/
