Associate Professor Tuly Rosenfeld uas yog ib tug kws paub tu thiab saib xyuas tej laus neeg ntawm txhooj faj lem University of New South Wales (UNSW) thiab yog tus Clinical Director ntawm lub koom haum CarePilot tau hais tias:
"Tej laus neeg yeej tsis xav mus nyob tsev laus thiab yeej xav nyob tom lawv tej vaj tse xwb. Kom tej hluas tsis txhob pheej xav tias yuav coj tej laus mus nyob tsev laus nkaus xwb."
Nws qhia tias raws li nws lub koom haum tau muaj ib cov kev teeb txheeb tshiab tshawb fawb txog cov cuab yim neeg muaj uas yuav tau tu lawv tej me nyuam los sis tej laus uas yog cov neeg puas cev, muaj teeb meem cuam tshuam txog tej yaj yeeb dej caw, muaj teeb meem mob hlwb, muaj mob ntev, muaj cov mob uas kho tsis tau lawm ntawd ces yeej ua rau lawv qaug zog, nkees, ua rau lawv nyuaj siab thiab tsis paub xyov yuav siv lub sij hawm li cas los tu thiab saib xyuas lawv tej me nyuam li cas, yuav saib xyuas lawv niam lawv txiv li cas los yog yuav saib xyuas lawv tus kheej li cas li.
Yog li txog rau lub plua (Limpiam) Carers Week (15-21 Oct) http://www.carersweek.com.au/ no Associate Professor Tuly Rosenfeld thiaj xav hais kom cov cuab yim neeg los yog cov neeg uas tu thiab saib xyuas lwm tus tsis txhob cia kom lig dhau heev los yog cia kom muaj tej teeb meem no loj tuaj thiab yuav tau kub siab qhia rau lwm tus paub tias lawv xav tau txais kev pab cuam thiab yuav tsum mus nrhiav kev pab cuam nrog cov kws paub zoo txog tej hauj lwm tus saib xyuas cov neeg no los yog thov kev pab cuam los ntawm tsoom hwv.
Tab sis Associate Professor Rosenfeld kuj tau hais ntxiv tias txawm cov neeg no xav tau txais kev pab cuam thiab yeej muaj cov kev pab cuam pab lawv, los yeej tseem yog ib cov kev pab cuam ntau yam uas tseem sib chab sib chaws, to taub tsis tau yooj yim tias yuav nrog leej twg tham, yuav nrhiav tau kev pab cuam li cas thiab nrhiav nrog leej twg thiaj tau cov kev pab cuam los pab lawv tu lawv cov neeg uas xav tau txais kev pab cuam ntawd. Vim cov kws kho mob kiag los yeej tsis tshua paub zoo txog cov kev pab cuam no thiab. Yog li ces thiaj tsuas yog tej neeg los yog tej koom haum cuam tshuam txog cov hauj lwm no thiaj paub txog tej hauj lwm no zoo nkaus xwb.
Nws qhia ntxiv tias tsoom hwv Australia yeej muaj ib cov kev pab cuam hu ua My Age Care uas muaj tej xov xwm qhia txog cov kev pab cuam tu thiab tsom kwm cov tej neeg xav tau txais kev pab cuam uas sawv daws mus txheeb xyuas tau ntawm lub vam sab https://www.myagedcare.gov.au/ los sis hu rau tus zauv xov tooj 1800 200 422 seb lawv puas muaj cai siv tau cov kev pab cuam no.
Tsoom hwv Australia yej muaj cov kev pab cuam "Commonwealth care package" los yog cov kev pab cuam Commonwealth Home Support Programme https://www.myagedcare.gov.au/help-home/commonwealth-home-support-programme pab rau tej neeg tab sis lawv yuav tsum mus txheeb xyuas seb puas muaj cai siv tau.
Ntxiv ntawd los Associate Professor Tuly Rosenfeld kuj tau hais ntxiv tias tseem muaj ib cov kev pab cuam ntiag tug uas yus yuav tau ntiav lwm tus tuaj pab tus yus tus neeg tsis hais yuav yog tuaj saib xyuas thiab tu hauv tsev, tu vaj tu tsev, npaj zaub mov rau tej neeg no noj tib si.
Koj muaj peev xwm mloog tau cov xov xwm ua lus Hmoob los yog lus Askiv (English) tau raws li cov vam sab hauv qab no:
Mloog tau cov program ib teev tag nrho rau hnub zwj Teeb (Thursday) 6pm AEST (Australian Eastern Standard Time) thiab zwj Hnub (Sunday) 11am AEST ntawm: www.sbs.com.au/hmong
Koj muaj peev xwm download cov xov xwm ua ib zaj ib zaj ua lub Hmoob thiab lus Askiv (English) los yog mloog tau ntawm:www.sbs.com.au/podcasts/yourlanguage/hmong
Mus download tau SBS Radio app tau hauv Google Play thiab App Store ntawm http://www.sbs.com.au/radio/article/2015/03/07/download-sbs-radios-free-mobile-app tso rau koj lub xov tooj ntawm tes ces mloog tau rau 2 hnub hais dhau los saum toj no. Los yog koj muaj lus nug cuam tshuam txog cov kev siv SBS Radio app ces saib thiab nyeem tau ntawm no ntxiv http://www.sbs.com.au/radio/sbs-radio-app
Tuaj ua tub koom siab thiab caum SBShmong qab hauv SBSHmong Facebook page, tuaj nyem nyiam (Click like) tuaj faib (Share) SBShmong cov xov xwm rau koj tej phooj ywg thiab tawm tswv yim (Comment) ntawm www.facebook.com/sbshmong
Thiab yog koj xav share thiab qhia koj zaj dab neeg thiab xov xwm rau xov tooj cua SBS Hmong Program tshaj thiab nthuav rau ib tsoom Hmoob sawv daws tau mloog kom sawvdaws ho hnov txog ces hu xov tooj rau +61 3 9949 2259 nrog SBS Radio Hmong Program tham tau.
Koj muaj peev xwm mloog tau cov xov tooj cua tau raws li lub vam sab ntawm no: http://www.sbs.com.au/radio/listen-amfm-radio
Thiab tseem mloog tau ntawm digital TV tshooj 38 ntxiv thiab.
