Raws li tau muaj ib co kev teeb txheeb tsis ntev los no nrog tej neeg LGBTQIA+ uas yog neeg thoj nam tawg tsov tawg rog ces cov kev siv cov kev coj tej neeg no mus ncig xyuas tej hav zoov hav tsuag tsis yog pab kom ras los ua ib qho chaw sib ntsib sib cuag rau lawv xwb tab sis kuj tseem yog tej chaw ua rau tej neeg tau mus ncig no mloog tau tias lawv tau txais kev nyab xeeb yam tsis tas txhawj tias tsam ib tug twg yuav nug los yog yuav txiav txim dab tsi rau yus li.
Ian Seal ces yog tus coj ntawm lub koom haum Many Coloured Sky uas yog ib lub koom haum pab tej neeg LGBTQIA+ uas yog neeg thoj nam thiab neeg nrhiav kev pov puag kom tau txais kev nyab xeeb ntawm Melbourne. Nws tau qhia rau SBS Examines tias cov kev kho siab yog ib co teeb meem loj ntawm tej zejzog no.
Nws tau hais tias "Tej neeg uas coj tib co kab lis kev cai li lawv yog cov mloog tau tias tau txais kev nyab xeeb tsawg tshaj plaws thiab tsis muaj kev sib cuag nrog lwm tus ntawm Australia no li, vim tias lawv yog cov neeg sawv cev rau ib co kab lis kev cai (tsim txom, yuav raug kev phom sij rau lawv )uas tej neeg yuav tau tsiv tawm,"
"Yeej muaj tej neeg coob heev ntawm peb tej zejzog tham txog tias yuav tau txiav txim siab seb: Yus puas xav muaj kev sib cuag nrog yus tej kab lis kev cai thiab yus tej cim thawj thiab yus tsev neeg thiab yus tej zejzog? Los yog yus yuav tau nrhiav ib qho chaw uas muaj tej zejzog LGBTIQ+ uas yus koom tau?"
Mim thiaj yuav tau txheeb tej no tom qab tau tuaj ntawm teb chaws Cob Tsib tuaj rau Australia 11 xyoos dhau los.
Nws tau qhia rau SBS Examines tias "Kuv yog ib tug neeg uas yeej txaj muag heev thiab kuv yeej tsis tshua paub lus Askiv zoo. Ces kuv thiaj nyob nrog kuv lub zejzog neeg Cob Tsib feem ntau xwb. Kuv yeej tsis qhia txog kuv cov sexuality thiab kuv tej ciam thawj rau lwm tus paub li."
Mim thiaj raug caw kom mus koom cov program coj tej neeg mus ncig saib tej hav zoov hav tsuag rau lub caij 8 limtiam nrog 36 tus neeg LGBTQIA+ uas yog neeg thoj nam tawg tsov tawg rog.
Cov program no yuav coj tej neeg no mus saib noog, koom noj mov ua ke, thiab koom ua ib yam dab tsi nraum zoov coj los ua cov kev thim xav, cov kev mus taug kev ntawm tej ntug hiav txwv, thiab cov kev koom ua vaj zaub.
Nerkez Opacin uas yog tus coj teeb txheeb uas tau txheeb tej program no tau qhia rau SBS Examines tias tej neeg uas tau mus koom cov program no pab kom lawv tsis txhob kho siab thiab pab kom lawv muaj cov kev sib cuag tau nrog tej hav zoov hav tsuag toj roob hauv pes ntau tuaj ntxiv.
"Vim tej chaw no yog tej yam tuaj nruab nrab thiab tsis txiav txim rau ib tug twg thiab yog tej pab kom muaj kev sib cuag.''
Mim tau hais tias cov program ntawd yog ib txoj xu ke pab kom lawv tau ntsib tej neeg thiab tau sib cuag nrog lwm tus.
"Tej chaw ntawd yog tej yam pab tau kuv ... thiab pab kom kuv tau txais kev thaj yeeb los yog muaj kev zoo siab."
Toom xov xwm kaw uas suab SBS Examines in Hmong: Nature subscribing no yog txheeb txog tias seb tej hav zoov hav tsaug ho pab tau ib tug twg kom tsis txhob kho siab li cas.
Mloog tau xov xwm tshiab ntawm SBS Hmong, download SBS Adio app, caum SBS Hmong ntawm Facebook, mloog tau Youtube, Spotify, Podfollow, iHeart Radio, Google Podcast thiab Apple Podcast.
