Lub ob hlis ntuj ces tsev tsoom fwv teb chaws tau tsim tau tsab cai Criminal Code Amendment (Hate Crimes) Bill siv, ces thiaj tau muaj cov kev pauv hloov rau tej cai tswj tej kev ua txhaum cai vim ntxub lwm tsav neeg ntawm tsab cai Criminal Code Act of 1995.
Tsab cai no raug Mark Dreyfus uas yog pab nom Labor tus nom kws lij choj teb chaws coj los sab laj hauv tsev tsoom fwv tsaib no.
Nws tau hais tias cov kev pov puag tshiab no yuav pab kom tsab cai no muaj peev xwm los raus tes rau tej xwm txheej no thaum ntxov kom tiv thaiv tsis txhob muaj tej xwm txheej kub ntxhov.
Tej cai tshiab no pab kom peb xa tau ib tsab xo meej tseeb qhia rau tej neeg uas pheej xav tsim teeb meem kom muaj kev sib tawg tswj rau peb. Thiab peb yuav tsis cia kom pheej muaj cov kev hais lus ntxub lwm tsav neeg ntawm lub teb chaws no los yog ua lwm cov kev ntxub ntxaug uas ntxhob los yog hawv tawm tsam nrog lwm tus.
Tab sis muaj ib txhia kws hais tias tseem tshuav ntau yam yuav tau los ua mas thiaj yuav pab tau tej zejzog uas raug lwm tus hais lus ntxub ntxaug lawv.
Ua ntej yuav txog pej kum haiv hnub International Day for Countering Hate Speech hnub tim 18 lub 6 hli ntuj no, peb nug txog tias seb Australia tej cai hate speech laws tshiab no ho muaj hom phiaj dab tsi los daws tej teeb meem uas ua rau muaj rau peb lub teb chaws li cas, thiab ho tshuav yam twg uas tseem muaj peev xwm ua pab ntxiv.
Mloog tau SBS Hmong hnub zwj Teeb (Thursday) 6 pm, hnub zwj Hnub (Sunday) 11 am, koom tau ntxiv ntawm Facebook, Google podcast, Apple postcast, los yog Spotify. Download SBS Adio App thiab mloog YouTube, caum Pod follow los yog lwm cov podcasts platforms (iHeart, Amazon Music & Podcasts).
