Muaj cov kev pauv hloov ntau yam cuam tshuam rau Australia cov visa thov tuaj ua hauj lwm, tos txwj nkawm thiab tos tej laus tuaj xyuas koj hauv teb chaws Australia uas tsim nyog koj paub. Twb muaj ib txhia paub meej lawm ho ib txhia tseem tsis tau paub tseeb tias yuav hloov li cas ntxiv.
Muab cov visa 457 uas thov tuaj ua hauj lwm hloov mus siv cov Temporary Skill Shortage visa (TSS) lawm:
Tsoom hwv tau qhia meej tias muab cov visa 457 hloov los siv cov Temporary Skill Shortage (TSS) visa txij lub 3 hlis ntuj xyoo 2018 no mus lawm.
Tab sis cov visa TSS muaj 2 hom xws li cov siv luv (Short-term stream) uas pub tus neeg thov tuaj nyob tau 2 xyoos ua hauj lwm hauv Australia thiab muaj cai txuas tau 2 xyoo ntxiv xwb tab sis tsis muaj cai thov tau nyob ruaj hauv teb chaws Australia. Hos hom 2 ces yog cov sib ib ntus (Medium-term) uas thov tau cov visa ua hauj lwm txog 4 lub xyoos thiab muaj cai thov tau nyob ruaj hauv teb chaws Australia.
Tab sis yeej muaj cai nruj heev los tswj 2 co visa no uas yog cov neeg xav thov siv yuav tsum paub ua hauj lwm yam tsawg li 2 thiab 3 xyoos thiab yuav tsum paub lus Askiv zoo.
Muaj ib txhia hauj lwm kuj raug tshem tawm ntawm cov visa no thiab kuj tau muab ib cov hauj lwm tshiab coj los txhab ntxiv rau cov npe hauj lwm uas tej neeg yeej paub ua lawm. Koj txheeb xyuas tau ntawm no Skilled Occupations List.
Thiab yog koj xav tau xov xwm ntxaws ntxiv txog cov kev hloov cov visa no ces nyem ntawm no replacement of the 457 with the TSS visa here coj koj mus txheeb xyuas tau. 
Source: AAP
Cov visa tos txwj nkawm (Partner visa):
Tsoom hwv teb chaws muaj 2 cov txheej txheem tshiab coj los siv uas yog nom tswv yuav tsum pom zoo nrog tus neeg yuav los pov plob tus neeg yuav tos tuaj ua ntej tso mam li muaj cai xa ntaub ntawv mus tos tus txwj nkawm txawv teb chaws tuaj.
Nilesh Nandan uas yog ib tug neeg sab laj txog cov visa no ntawm lub koom haum My Visa Australia, uas yog ib lub chaw khiav hauj lwm cuam tshuam txog haiv neeg Australia no cov kev tsiv teb tsaws chaws txhawj tias tsam muaj teeb meem qee yam rau sawv daws.
Nws hais tias "Yuav ua rau ib tug neeg twg rau ncua thiab tsis muaj peev xwm yuav xa tau tej ntaub ntawv tos txwj nkawm mus rau nom tswv Australia, vim lawv yuav tau nrhiav kom tau tus neeg tos los yog tus neeg tuaj yeem yuav pov plog tus txij nkawm uas yuav tos tuaj ntawv mas thiaj yuav muaj peev xwm tos tau tus txij nkawm tim ub tuaj."
Tab sis nws Nilesh Nandan kuj hais ntxiv tias yog ib yam zoo rau tus neeg yuav tos tuaj thiab kom nws thiaj li paub tias tus neeg yuav tos nws ntawd puas yog ib tug neeg tau ua txhaum plaub dab tsi dhau los thiab.
Yog koj xav paub txog tias muaj cov kev pauv hloov dab tsi tshiab txog cov partner visa no ces nyem tau ntawm no partner visa here mus txheeb xyuas ntxiv.
Partner visa applicants may have to wait longer for a decision on their applications, claim migration agents. Source: Getty Images
Cov visa tos yus niam yus txiv tuaj xyuas yus ib ntus (Temporary parent sponsored visa):
Tsaib no tsoom hwv Australia tau qhia txog nws cov visa tos cov laus tshiab tab sis tseem tsim tsis tau tau los siv ua cai vim tsev kis xeev siab (Keeb theej tswj-Senate) yuav tsum tau pom zoo tso.
Cov thov tau cov visa Temporary parent sponsored visa no siv yuav muaj cai nyob tau hauv Australia txog 10 xyoo tab sis thaum cov visa tas lawm tsis pub txuas nyob ntxiv lawm yuav tau rov qab thiab tsis pub thov nyob ruaj hauv teb chaws Australia.
Muaj cov visa no 3 hom xws li hom 3 xyoo yuav tau them tus nqe txog $5000, hom nyog tau 5 xyoos them txog $10,000 thiab hom nyob txog 10 xyoo them tus nqe txog $20,000.
Yog koj xav paub kom ntxaws txog tias muaj dab tsi pauv hloov tshiab rau cov visa tos cov ua niam ua txiv tuaj xyuas yus no ces nyem tau ntawm no new parent visa here.
Cov kev thov xeem thiab ras los ua pej xeem (Citizenship) ntawm teb chaws Australia:
Tsoom hwv kuj xav yuav rov qab coj tsab cai pub tej neeg thov xeem ua pej xeem Australia uas twb kho me ntsis lawd rov qab coj los sab laj dua seb kho puas tau kom nyuaj dua ntxiv kom tej neeg txhob mus thov xeem ua tau pe xeem Australia ntxiv lawm.
Tam sim no ces cov neeg nyob hauv Australia no tsuas nyob 1 xyoo xwb thiab tsis tas xeem ntawv Akiv li los muaj cai mus thov xeem ua tau pej xeem Australia yog lawv xeem tau lawm. Tab sis tsoom hwv xav muab hloov kom cov neeg yuav tsum tau tuaj nyob 4 xyoos tso thiab yuav tsum paub lus Askiv zoo thiab mus xeem tau mas thiaj yuav tau los ua pej xeem Australia.
Yog koj xav paub tias muaj kev pauv hloov dab tsi tshiab rau cov kev thov xeem ua pej xeem Australia ces nyem tau ntawm no citizenship requirements here.
Yuav ua rau tsoom hwv tsis pub visa rau tej neeg thiab tej neeg yuav raug xa rov qab ntau ntxiv tuaj:
Nilesh Nandan ntseeg tias peb yeej yuav pom tej neeg ntau ntxiv tuaj thov tsis tau visa siv thiab raug xa rov qab rau lawv lub teb chaws lawv tuaj yog lawv ua txhaum cai thiab raug txim plaub ntuj loj. Peter Dutton uas yog tus pwm tsav tswj lub tuam chav believes that we’ll see more visa cancellations and deportations for criminals convicted of serious offenses. Home Affairs Minister Peter Dutton is in yeej pom zoo kom lo txheeb xyuas cov visa no tsaib no proposed last year li pab nom Liberal pab nom pawg tim tseeb uas tswj tsev tsoom hwv ntawd tau xav thov hloov kho.
Yog koj xav paub tias muaj dab tsi pauv hloov cuam tshuam txog cov kev thov xeem ua pej xeem Australia ces ho soj qab taug lwm lub tuam chav Department of Home Affairs’ website lub vam sab tau.
Australian Immigration Minister Peter Dutton said Government hasn't abandoned the Citizenship changes bill. Source: AAP
Los nyog nyeem tau cov xov xwm cuam tshuam txog cov visa uas tej zaum yuav rau hloov tau ntawm no more detailed article about the expected visa changes here.
Thiab txheeb xyuas tau txog cov kev pauv hloov rau cov hauj lwm tau ntawm no changes to the Skilled Occupations List here.
Mloog tau Vang xyooj cov lus tias yog vim li cas Hmoob thiaj tseem ua tsis tau lub neej vam meej rau kee tiam 21 li pej kum haiv cov lus tau ntawm no:
Koj muaj peev xwm mloog tau cov xov xwm ua lus Hmoob los yog lus Askiv (English) tau raws li cov vam sab hauv qab no:
Mloog tau cov program ib teev tag nrho rau hnub zwj Teeb (Thursday) 6pm AEST (Australian Eastern Standard Time) thiab zwj Hnub (Sunday) 11am AEST ntawm: www.sbs.com.au/hmong
Koj muaj peev xwm download cov xov xwm ua ib zaj ib zaj ua lub Hmoob thiab lus Askiv (English) los yog mloog tau ntawm:www.sbs.com.au/podcasts/yourlanguage/hmong
Mus download tau SBS Radio app tau hauv Google Play thiab App Store ntawm http://www.sbs.com.au/radio/article/2015/03/07/download-sbs-radios-free-mobile-app tso rau koj lub xov tooj ntawm tes ces mloog tau rau 2 hnub hais dhau los saum toj no. Los yog koj muaj lus nug cuam tshuam txog cov kev siv SBS Radio app ces saib thiab nyeem tau ntawm no ntxiv http://www.sbs.com.au/radio/sbs-radio-app
Tuaj ua tub koom siab thiab caum SBShmong qab hauv SBSHmong Facebook page, tuaj nyem nyiam (Click like) tuaj faib (Share) SBShmong cov xov xwm rau koj tej phooj ywg thiab tawm tswv yim (Comment) ntawm www.facebook.com/sbshmong
Thiab yog koj xav share thiab qhia koj zaj dab neeg thiab xov xwm rau xov tooj cua SBS Hmong Program tshaj thiab nthuav rau ib tsoom Hmoob sawv daws tau mloog kom sawvdaws ho hnov txog ces hu xov tooj rau +61 3 9949 2259 nrog SBS Radio Hmong Program tham tau. Los sis xav SMS rau + 61 (0) 429996263 tau los yog xa koj cov lus tawm tswv yim rau comments@sbs.com.au tau.
Koj muaj peev xwm mloog tau SBS cov xov tooj cua tau raws li lub vam sab ntawm no: http://www.sbs.com.au/radio/listen-amfm-radio
Thiab tseem mloog tau ntawm digital TV tshooj 38 ntxiv thiab.
