Mark Lee ntawm lub koom haum Fair Work Ombudsman thiab Dave Noonan uas yog tus coj lub koom haum Construction, Forestry, Mining and Energy Union (CFMEU) tau hais tias:
"Australia cov tswv lagluam tsis muaj cai yuav txwv tsis pub cov visa rau cov neeg txawv teb chaws siv thiab tsis muaj cai xa lawv rov qab rau lub teb chaws lawv tuaj. Yog tseem ua li no thiab ces cov tswv lagluam ua txhaum cai thiab yuav raug rau txim raws li nom tswv Australia pom tias tsim nyog."
Yog li no nkawv thiaj xav txhawb nqa kom cov neeg ua hauj lwm ua raug cov teeb meem hais dhau los saum toj no txhob ntshai thiab mus qhia rau nom tswv paub txog cov teeb meem no. Piv txwv li lub tuam txhab 7-Eleven uas tsis ntev los no twb tau raug nom tswv Australia hais kom yuav tsum them cov nyiaj txog li $ 15 roob (million) rau cov neeg ua hauj lwm rau nws uas nws tsis them nyiaj rau lawv raws li qhov tsim nyog tau ntawd lawm.
Cov neeg txawv teb chaws tuaj ua hauj lwm hauv Australia no yeej muaj cai tau txais kev pov puag sib txig tib yam li Australia cov neeg ua hauj lwm. Lawv muaj cai khwv tau nyiaj ib teev twg txog li 18.29 dollars los yog khwv tau ntau tshaj ntawv yog lawv muaj txuj tes ib yam dab tsi tsi ntsees los yog ua hauj lwm casual ntawd.
Mark Lee uas yog tus coj saib xyuas xov xwm ntawm lub koom haum Fair Work Ombudsman hais tias " yog ib qho tseem ceeb heev xav kom cov neeg ua hauj lwm mus txheeb xyuas seb tsim nyog lawv khwv tau nyiaj ib teev npaum li cas, cov awards yog li cas, thiab lawv muaj cai dab tsi ntawm lub vam sab www.fairwork.gov.au los sis hu rau tau zauv xov tooj 13 13 94 nrog lawv cov neeg pab tawm tswv yim txog cov hauj lwm no tau thiab tseem muaj cov neeg txhais lus pub dawb tau rau lawv uas nrhiav tau ntawm lub vam sab the Translating and Interpreting Services website at https://www.tisnational.gov.au/.
Lub vam sab hais los no yeej muaj tej xov xwm ua 36 hom lus qhia txog tej nyiaj tsim nyog lawv khwv tau, txog cov neeg hauj lwm txoj cai, thov so los yog tawm tsis ua hauj lwm rau cov neeg ua hauj lwm tau nyeem. Tsis tas li no tseem muaj ib co twj rau cov neeg xam seb tsim nyog lawv khwv tau npaum li cas rau tej hauj lwm lawv ua ntxiv. Dua ntawm qhov hais no lawm tseem muaj cov ntaub ntawv ua 16 hom lus rau cov neeg ua hauj lwm ua lawv ntseeg tias tej tswv lagluam ua tsis them nyiaj zoo, tsis xyuas kom lawv tau txais kev nyab xeeb tom tej chaw ua hauj lwm, thiab tsis xyuas kom lwm tus txhob thab zes los yog siv lawv yam tsis raug kev raug cai.
Mr. Lee tseem hais ntxiv tias yog cov neeg sawv daws lub luag hauj lwm yuav tau txheeb xyuas lawv cov visa nrog Australia lub tuam chav lis laj fai cuam tshuam txog cov neeg tsiv teb tsaws chaw thiab pov puag ciam teb (Department of Immigration and Border Protection) lub vam sab https://www.border.gov.au/Trav/Visa-1 seb lawv cov visa puas pub los tsis pub lawv ua hauj lwm li cas ua ntej yuav nrhiav hauj lwm hauv Australia no ua.
Mr. Mark Lee yeej lees paub tias cov neeg txawv teb chaws tuaj ua hauj lwm hauv Australia no yeej raug tej tswv lagluam ua phem rau thiab yuam siv dag zog yam tsis raug kev raug cai ntau dua vim lawv tsis tshua paub txog Australia tej cai tswj cov kev ua hauj lwm, tej cai tswj cov kev them nyiaj thiab tej cai tswj tej txiaj ntsim uas tsim nyog lawv tau. Tsis tas li no los tseem tsis paub lus zoo thiab tseem raug cov tswv lagluam hem tias yog tseem qhia tej teeb meem no rau nom tswv paub ces cov tswv lagluam yuav tsis pub visa rau lawv siv los sis yuav muab lawv xa rov qab thiab, ces thiaj ua rau lawv ntshai thiab tsis hais dab tsi.
Koj muaj peev xwm mloog tau cov xov xwm ua lus Hmoob los yog lus Askiv (English) tau raws li cov vam sab hauv qab no:
Mloog tau cov program ib teev tag nrho rau hnub zwj Teeb (Thursday) 6pm AEST (Australian Eastern Standard Time) thiab zwj Hnub (Sunday) 11am AEST ntawm: www.sbs.com.au/hmong
Koj muaj peev xwm download cov xov xwm ua ib zaj ib zaj ua lub Hmoob thiab lus Askiv (English) los yog mloog tau ntawm: www.sbs.com.au/podcasts/yourlanguage/hmong
Mus download tau SBS Radio app tau hauv Google Play thiab App Store ntawm http://www.sbs.com.au/radio/article/2015/03/07/download-sbs-radios-free-mobile-app tso rau koj lub xov tooj ntawm tes ces mloog tau rau 2 hnub hais dhau los saum toj no. Los yog koj muaj lus nug cuam tshuam txog cov kev siv SBS Radio app ces saib thiab nyeem tau ntawm no ntxiv http://www.sbs.com.au/radio/sbs-radio-app
Tuaj ua tub koom siab thiab caum SBShmong qab hauv SBSHmong Facebook page, tuaj nyem nyiam (Click like) tuaj faib (Share) SBShmong cov xov xwm rau koj tej phooj ywg thiab tawm tswv yim (Comment) ntawm www.facebook.com/sbshmong
Thiab yog koj xav share thiab qhia koj zaj dab neeg thiab xov xwm rau xov tooj cua SBS Hmong Program tshaj thiab nthuav rau ib tsoom Hmoob sawv daws tau mloog kom sawvdaws ho hnov txog ces hu xov tooj rau +61 3 9949 2259 nrog SBS Radio Hmong Program tham tau.
Koj muaj peev xwm mloog tau cov xov tooj cua tau raws li lub vam sab ntawm no: http://www.sbs.com.au/radio/listen-amfm-radio
Thiab tseem mloog tau ntawm digital TV tshooj 38 ntxiv thiab.
