Muaj ntau cov parent visas siv hauv tebchaws Australia tab sis yeej kim heev thiab yuav tau tos ntev heev mam li thov tau cov visa no siv. Cov visa no yog muaj raws li hauv qab no:
Cov non-contributory visas:
Yog cov visa pheej yig tshaj plaws uas tsuas them txog li $6000 rau thawj tus neeg thiab mam them $2000 rau tus neeg 2 uas yog tus tab zag ntawd xwb.Tab sis vim tsoom hwv Australia tsuas pub visa tsawg tsawg rau tej neeg ib lub xyoos twg xwb ces thiaj ua rau sawv daws yuav tau tos ntev heev txog li ntawm 30 xyoo diam.
Koj muaj cai thov tau cov visa no yog tias muaj tus tos cov ua niam ua txiv, lawv tau txais kev noj qab haus huv thiab tsis ua txhaum cai dab tsi nrog rau muaj tej me nyuam nyob sib npaug los yog coob hauv tebchaws Australia dua lwm tebchaws.
Cov visa no ces muaj cov subclasses 103 thiab 804. Nyeem tau ntxiv ntawm no: Read more here. 
Source: sagenext
Cov contributory visas:
Contributory visas ces yog cov ua tau sai dua thiab siv sij hawm li ntawm 2 xyoo xwb, tab sis kim dua. Tus nqe yuav thov kom tau cov permanent visa rau ib tug neeg xwb twb yuav tau them txog $50,000 diam.
Koj muaj cai siv tau cov visa no yog muaj ib tug neeg tos cov ua niam ua txiv, lawv tsis muaj mob, tsis yog neeg txhaum cai, muaj ib nrab ntawm cov me nyuam nyob tebchaws Australia los yog muaj me nyuam nyob tebchaws Australia coob dua cov nyob txawv tebchaws. Tab sis koj (sponsor) yuav tau pov plob nyiaj txiag thiab pab cuam 2 tug laus uas tos tuaj nrog koj nyob ntawd.
https://www.border.gov.au/Trav/Visa-1/143-
Trazer os pais, e avós, para a Austrália é o sonho de milhares de famílias. Source: AAP
Cov Visas rau cov ua niam ua txiv uas tseem ua tau hauj lwm:
Yog tias cov ua niam ua txiv xav tos tuaj tseem ua tau hauj lwm ces siv cov visa 173 los yog cov 884 temporary visas. Uas raug tus nqe txog li $20,000 thiab $32,000 uas tso cai rau lawv ua tau hauj lwm hauv Australia 2 lub xyoos thiab muaj cai siv tau cov Medicare. Tom qab ntawv lawv muaj peev xwm hloov thiab thov cov visa 143 permanent visa, uas yuav tau rov qab them dua $20,000 ntxiv.
Lwm txoj hauv kev ces yog siv cov visitor visas:
Yog cov ua niam ua txiv uas tsis muaj me nyuam ib nrab los yog coob dua nyob tebchaws Australia no ces lawv yuav tau siv cov visa Visitor visa subclass 600.
Vim cov visa no pub cov laus tuaj nyob tau txog 1 xyoos thiab tsuas tau them $1000 xwb. Tab sis tom qab visa tag lawm ces lawv yuav tsum tau rov qab mus rau lub tebchaws lawv tuaj ntawd thiab nyob ntev txog li 6 hli ces mam rov qab muaj cai thov tau cov visa no tuaj nyob rau tebchaws Australia ib xyoo dua.
Source: AAP
Tseem yuav muaj cov temporary visa tshiab siv los kuj tau thiab:
Tsi ntev no ces tej zaum yuav muaj ntau txoj hauv kev pab cov ua niam ua txiv uas tsis muaj tej me nyuam coob nyob hauv Australia no tau siv thiab.
Lub hlis dhau los tsoom hwv Australia tau qhia tias nws yuav tsim cov new temporary parent visa tshiab kom pub cov ua niam ua txiv nyob tau hauv Australia txog 10 xyoo thiab tau them txog li $20,000. Tab sis lawv cov me nyuam los yog tus neeg tos cov laus tuaj rau tebchaws Australia no yuav tsum tau ua tus pov plob fab nyiaj txiag rau 2 tug laus no thiab yuav tsum muas cov nyiaj tuav pov hwm tswj kev noj qab haus huv ntiag tug (Private health insurance) rau 2 tug laus thiab pov plob txhua yam nqe cuam tshuam txog nkawv txoj kev noj qab haus huv.
Tab sis tsoom hwv Australia tseem yuav tau los tawm suab pom zoo hauv tsev tsoom hwv mas thiaj yuav tsim tau tsab cai tshiab no coj los siv rau thaum yuav xaus lub xyoo 2017 no. Thiab lawv yuav tsum tau rov qab mus rau lub tebchaws lawv tuaj ntawd tom qab cov visa no tas rau 10 lub xyoo ntawd.
Yog koj xav tau xov xwm tshiab txog cov parent visas thiab cov nqe tias yog li cas kiag, ces mus saib tau ntxiv ntawm no: Department of Immigration and Border Protection’s website.
