Sky News ib tug neeg tshaj xov xwm hais kom Dr. Tim Soutphoummasane rov qab mus nyob Nplog teb

Yog thaum muaj neeg hais rau koj tias tsis nyiam nyob tebchaws Australia no ces kom kab tsij rov qab mus rau lub tebchaws koj tuaj ntawd, koj yuav xav li cas?

Hmong Australian Assocition president, Mr. Va Yang Source: Courtesy of Mr. Va Yang

Kim Vaj Xwm Yaj uas yog tus tuam thawj tswj ntawm koom haum Hmong Australia Association hais tias nws yeej pom zoo nrog Dr. Tim Soutphommmasane lub tswv yim txhawb nqa kom muaj cov neeg muaj peev xwm los sawv cev ua tus coj tsis hais yuav yog fab laj fai kum xeeb los yog fab xov xwm sawv cev rau tej neeg zejzog ntawm cov pab pawg neeg thiab.

Kim Meexay Chittaphong uas yog tus coj ntawm Nplog lub koom haum Laotian Australian Association los kuj hais tias tej zaum Dr. Tim cov lus ntawd tsuas ua kom muaj kev sib cov nyom xwb. Tab sis nws kuj xav hais rau chaw nthuav xov xwm tus tub tshaj xo xwm uas hais rau Dr. Tim tias yog tsis nyiam teb chaws Australia ces kom kab tsij caij dav hlau rov qab mus nyob rau Nplog teb ntawd tias kom nws sib txuas lus thiab mus nrog cov neeg zejzog Nplog tej koom haum thiab tsoom thawj coj kom paub lawv zoo tshaj qhov no ua ntej yuav hais tej lus tsis tsim nyog ntawd. TAS.

Mloog tau lwm yam xov xwm ua lus Hmoob tau ntxiv raws li no:

www.sbs.com.au/hmong

www.sbs.com.au/podcasts/yourlanguage/hmong

www.facebook.com/sbshmong