Tsab ntawv cej luam qhia txog kab mob kas cees

Muaj Australia cov hluas kis hom kab mob kas cees (Sexually transmitted infection-STI) gonorrhea ntau tuaj ntxiv thiab muaj cov keeb cab neeg (Neeg txum tim) Indigenous Australia kis cov kab mob HIV ntau tuaj ntxiv lawm. Tab sis yuav tiv thaiv thiab kho cov kab mob no tau li cas?

STDs excluding HIV world map-Deaths per million persons-WHO2012.svg-Canuckguy et al- CC BY-SA 4.0-BlankMap-World6, compact.svg Source: BlankMap-World6, compact.svg

Raws li tau muaj ib tsab ntawv cej luam tshiab ntawm lub chaw teeb txheeb Kirby Institute ntawm txhooj faj lem (Tsev kawm qib siab) University of New South Wales tau qhia, ces lub sij hawm 5 xyoos dhau los tau muaj Australia cov hluas hnoob nyoog txij li ntawm 15 txog 24 xyoos uas poj niam nyiam txiv neej thiab txiv neej nyiam poj niam ntawd tau kis hom kab mob Gonorrhea txog li 63%, thiab cov tub hluas kis cov kab mob no ntau tshaj cov ntxhais hluas.

Tsis tas li no tseem muaj Australia cov hluas hnoob nyoog txij li ntawm 15 txog 29 xyoos ntawd tau cov kab mob kas cees Chlamydia txog li ntawm 75% thiab.

Ntxiv ntawd los txawm tias muaj cov neeg mob kab mob siab (Hepatitis) tsawg lawm los yeej tseem muaj cov tau hom kab mob siab hepatitis C txog li 227,000 tus thiab muab cov tau cov kab mob siab hepatitis B txog li 230,000 tus uas yeej tau mob los ntev lawm thiab.

Hos Dr. Darryn Russell uas yog tus coj ntawm lub chaw Cairns sexual health service los yeej tau qhia tias muaj cov neeg keeb cag neeg Australia (Indigenous Australian) uas sib daj deev nrog lawv tej poj niam los siv tej txiv uas tau cov kab mob HIV los sis siv koob nkaug tshuaj ntawd ces raug ntsuam tau tias muaj coob tuaj txog li 33% lawm yog piv rau cov neeg uas tsis yog keeb cag neeg ntawd.

Dr. Russell tau qhia ntxiv tias "Vim yog lawv tsis paub zoo txog cov kev mob no thiab tsis mus sim kuaj ntshav, ces txog thaum paub ces twb lig thiab ntev heev lawm uas twb yog lub caij lawv kis cov kab mob no mus rau lwm tus los yog lub caij uas tus mob no mob loj lawm xwb es lawv thiaj paub tias tau tus kab mob no xwb." Thiab feem ntau cov nyob tuaj ntug nroog yog cov tau cov mob no ntau tshaj plaws tab sis ho tsis muaj teeb meem dab tsi ntau rau cov nyog kiag hauv nroog loj los sis nyog yaj sab deb heev ntawd li cas thiab.

"Associate Professor Rebeca Guy ntawm lub chaw teeb txheeb Kirby Institute tau qhia tias muaj cov hluas uas nyiam sib deev heev ntawd tau siv cov apps mus tham hluas nkauj los yog hluas nraug thiab tej zaum lawv kuj tau siv cov vamsab (Dating websites) mus nrhiav tej hlua nkauj hluas nraug nrog lawv sib deev ntau tuaj ntxiv los peb kuj tsis paub thiab."

File photo Neisseria Gonorrhoeae, Universal Images Group Editorial-Getty Source: Getty

Lub rooj koom txheej (Rooj sab laj) The Australasian HIV & AIDS conference thiaj tau plov meej thiab pom zoo txhawb nqa kom tig los siv cov tshuaj Pre-Exposure Prophlaxis los yog sau luv luv ua PRePno coj los rau sawv daws siv tiv thaiv cov kab mob HIV no. Vim cov neeg Lesbian, Gay, Transgender, Queer and Intersex (LGBT) yeej tau siv coj los noj ib hnub ib zaug tiv thaiv lawv tus kheej kom tsis txhob kis rau lwm tus los yog pov puag kom lwm tus txhob kis tau cov kab mob no rau yus.

Yog li no, Associate Professor Martin Holt ua syog tus coj cov kev teeb txheeb txog cov neeg gay (Gay Community Periodic Survey) thiab tsoom hwv txawj txeeg paub zoo txog fab lajfai tswj kev noj qab haus huv thiabj tau hais tias tsim nyog yuav tau tsim kom tau ib cov tswv yim npaj tseg los tiv thaiv cov kab mob no thiab tsim nyog yuav tau xyuas kom cov tshuaj PReP no nrhiav tau yooj yim thiab tus nqe pheej yig kom sawv daws yuav tau los siv.

Tab sis qhov tseem ceeb tshaj plaws yuav tau kub siab los tiv thaiv thiab pov puag koj tus kheej thaum sib deev kom thiaj tsis kis tau cov kab mob no rau koj yog lub tswv yim kho zoo tshaj plaws.

Yog koj xav paub zoo tshaj no txog cov kab mob kas cees hauv ntiaj teb no mus saib tau ntxiv raws li cov vam sab hauv qab no:

https://www.sbs.com.au/search?query=HIV%20AIDS&p=1

http://www.unaids.org/sites/default/files/media_asset/20170720_Data_book_2017_en.pdf

https://en.wikipedia.org/wiki/Sexually_transmitted_infection

http://www.unaids.org/en/goals/unaidsstrategy

https://hiv-aids-std.conferenceseries.com/events-list/global-report-on-aids-statistics-information-and-facts-about-hiv-aids

Koj muaj peev xwm mloog tau cov xov xwm ua lus Hmoob los yog lus Askiv (English) tau raws li cov vam sab hauv qab no:

Mloog tau cov program ib teev tag nrho rau hnub zwj Teeb (Thursday) 6pm AEST (Australian Eastern Standard Time) thiab zwj Hnub (Sunday) 11am AEST ntawm: www.sbs.com.au/hmong

Koj muaj peev xwm download cov xov xwm ua ib zaj ib zaj ua lub Hmoob thiab lus Askiv (English) los yog mloog tau ntawm:www.sbs.com.au/podcasts/yourlanguage/hmong  

Mus download tau SBS Radio app tau hauv Google Play thiab App Store ntawm http://www.sbs.com.au/radio/article/2015/03/07/download-sbs-radios-free-mobile-app  tso rau koj lub xov tooj ntawm tes ces mloog tau rau 2 hnub hais dhau los saum toj no. Los yog koj muaj lus nug cuam tshuam txog cov kev siv SBS Radio app ces saib thiab nyeem tau ntawm no ntxiv http://www.sbs.com.au/radio/sbs-radio-app

Tuaj ua tub koom siab thiab caum SBShmong qab hauv SBSHmong Facebook page, tuaj nyem nyiam (Click like) tuaj faib (Share) SBShmong cov xov xwm rau koj tej phooj ywg thiab tawm tswv yim (Comment) ntawm  www.facebook.com/sbshmong

Thiab yog koj xav share thiab qhia koj zaj dab neeg thiab xov xwm rau xov tooj cua SBS Hmong Program tshaj thiab nthuav rau ib tsoom Hmoob sawv daws tau mloog kom sawvdaws ho hnov txog ces hu xov tooj rau [phone] nrog SBS Radio Hmong Program tham tau. Los sis xav SMS rau 0429996263 tau.

Koj muaj peev xwm mloog tau cov xov tooj cua tau raws li lub vam sab ntawm no: http://www.sbs.com.au/radio/listen-amfm-radio

Thiab tseem mloog tau ntawm digital TV tshooj 38 ntxiv thiab.