Yog tias koj muaj cov txuj tes thiab paub ua ib txoj hauj lwm dab tsi lawm thiab paub siv paub hais tau lus English zoo ces koj muaj peev xwm thov tau cov subclass 457 visa tuaj ua hauj lwm hauv teb chaws Australia no tau 4 lub xyoos. Tsis tas li no los koj tseem muaj peev xwm coj tau tag nrho koj tsev neeg tuaj nrog koj nyob ua ke thaum koj tseem ua hauj lwm hauv teb chaws Australia no thiab.
Nws muaj cov txheej txheem 3 kauj ruam xws li:
1. Tus tswv lagluam uas ua ib hom lagluam twg tos koj tuaj (business sponsorship).
2. Lub tuam txhab lagluam no yuav tsum muaj hauj lwm rau koj ua tiag (nominate a position).
3. Sau ntawv thov cov subclass 457 visa rau koj thiab teev koj tsev neeg npe kom tau cov visa no rau koj thiab xav mus rau Australia Embassy ntawm lub teb chaws koj nyog los yog xa rau Immigration Department ces seb tsoom hwv Australia puas pub visa 457 rau koj tuaj ua hauj lwm xwb. Yog tias tsoom hwv teb chaws Australia tsis kam visa rau koj ces nws yuav tsis thim cov nyiaj koj siv thov cov visa no rov qab rau koj lawm.
Yog koj xav tau cov xov xwm ntxiv tias tuaj ua cov hauj lwm twg thiaj muaj cai thov tau cov visa no ces mus xyuas ntxiv tau rau ntawm lub tuam chav lis lajfai neeg tsiv teb tsaws chaw (Immigration Department) lub vam sab http://www.border.gov.au/Trav/Visa-1/457- tau.
