လါယူၤလံ ၂၇ သီအနံၤ တၢ်ဟ့ၣ်ပလီၢ် တၢ်ကလုၢ်ကသီၣ်ထီၣ်သကုၤထံကီၢ်ဒီဘ့ၣ်: https://www.sbs.com.au/language/karen/kar/podcast-episode/an-alert-will-sound-across-the-country-on-july-27-advocates-worry-it-will-place-some-women-at-risk/fh4h7ea5j
ဖဲလါယူၤလံ ၂၇သီ, မုၢ်ခီၣ်ထံးပူၤ—မုၢ်ဆၣ် မုၢ်ဆါခီန့ၣ် ပှၤအီစထြ့လယါဖိကိးဂၤဒဲး ကလဲၤခီဖျိဘၣ်ဝဲ ထံကီၢ်ဒီဘ့ၣ် တၢ်ဟ့ၣ်ပလီၢ်အကျိၤအကျဲအံၤ ဒ်အမ့ၢ်ဝဲ တၢ်အဆိကတၢၢ်တဘျီအသိးန့ၣ်လီၤ.
မုၢ်ခီၣ်ထံးပူၤအနံၤ တၢ်မၤကွၢ်အံၤ အကမၤစၢၤစ့ၢ်ကီးဝဲဒၣ် ပှၤဘၣ်မူဘၣ်သ့ၣ်တဖၣ် လၢအကသ့ၣ်ညါဘၣ်ဝဲတၢ်ဂ့ၢ်ကီလၢအကအိၣ်ထီၣ် တချုး တၢ်သူတၢ်ဟ့ၣ်ပလီၢ်ကျိၤကျဲသနူအံၤ လၢတၢ်ကဲထီၣ်သးနီၣ်ကီၢ်အဂီၢ်ဒ်ဘၣ်အခါန့ၣ်လီၤ.
ဖဲမုၢ်ခီၣ်ထံးပူၤအနံၤန့ၣ် တၢ်ကမၤအသးဒ်လဲၣ်?
လီတဲစိစိာ်စု ကိးကလုာ်ဒဲးသ့ၣ်တဖၣ် အကလုၢ်ကသီၣ်ထီၣ်ဝဲဒၣ် ဒီး ပာ်ဖျါထီၣ်စ့ၢ်ကီးဝဲဒၣ် တၢ်ဟ့ၣ်ဒုးသ့ၣ်ညါ တၢ်ကစီၣ်ဖုၣ်ကိး ဖဲအမဲာ်ကလာ်သ့ၣ်တဖၣ်အပူၤ ဒီးကယံၤဝဲဒၣ် အစဲးကီး ၁ဝ န့ၣ်လီၤ.
ဖဲတၢ်မၤကွၢ်တဘျီအံၤအပူၤန့ၣ် လီတဲစိစိာ်စုအမဲာ်ကလာ်သ့ၣ်တဖၣ်အပူၤန့ၣ် တၢ်ဒုးသ့ၣ်ညါ တၢ်ဟ့ၣ်ပလီၢ် တၢ်ကစီၣ်ဖုၣ်ကိးဖိ ကအိၣ်ဖျါထီၣ်ဝဲဒၣ် နာ်သက့ တလိၣ်လၢတၢ်ကဘၣ်မၤထွဲအီၤနီတမံၤဘၣ်.
ဖဲအီစထြ့လယါကီၢ် ဝ့ၢ်ခိၣ်တၢ်ပၢ Australian Capital Territory, နယူဆီၣ်သ်ဝံ, ခွံစလဲ, ထဲးစမ့နံယါဒီး ဝံးထိရံယါ အပူၤသ့ၣ်တဖၣ်န့ၣ် တၢ်မၤကွၢ်အံၤ ကစးထီၣ်အသးဖဲ မုၢ်ဃ့ၢ်လီၤ ၂နၣ်ရံၣ် (2:00 pm) မုၢ်ထီၣ်နီၣ်ထိၣ်တၢ်ဆၢကတီၢ်န့ၣ်လီၤ.
မ့မ့ၢ်ဖဲ ဆီၣ်သ်အီစထြ့လယါ, ကလံၤစိၤကဝီၤဒိၣ်တၢ်ပၢ— Northern Territory ဒီး Broken Hill န့ၣ် တၢ်မၤကွၢ်အံၤ ကစးထီၣ်အသးဖဲ မုၢ်ဃ့ၢ်လီၤ ၁နၣ်ရံၣ် တခီ (1:30 pm) အီစထြ့လယါခၢၣ်သးနီၣ်ထိၣ်တၢ်ဆၢကတီၢ်န့ၣ်လီၤ.
မ့မ့ၢ်လၢ အီစထြ့လယါကီၢ်မုၢ်နုာ်—Western Australia န့ၣ်, တၢ်မၤကွၢ်အံၤ ကစးထီၣ်အသးဖဲ မုၢ်ထူၣ် ၁၂နၣ်ရံၣ်တီတီ (12:00 pm) အီစထြ့လယါမုၢ်နုာ်နီၣ်ထိၣ်တၢ်ဆၢကတီၢ်န့ၣ်လီၤ.
