Coming Up Wed 3:00 PM  AEDT
Coming Up Live in 
Live
Khmer radio

អូស្រ្តាលីបើកដំណើរការកម្មវិធីតាមដានវីរុសកូរ៉ូណា "COVIDSafe app"

A close up of the government's coronavirus tracing app. Source: SBS

ប្រទេសអូស្រ្តាលីបានបើកដំណើរការកម្មវិធី COVIDSafe App ដែលជា កម្មវិធីតាមដានរបស់រដ្ឋាភិបាលដើម្បីជួយទាក់ទងអ្នកដែលប្រឈមនឹងវីរុសកូវីដ -១៩ ។ វាគឺជាកម្មវិធីAppមួយនៅលើទូរស័ព្ទដៃ។ ហើយនេះជាអ្វីដែលអ្នកត្រូវដឹង។

តើ​កម្មវិធី​Appនេះ​បង្កើតឡើង​ដើម្បី​អ្វី?

គេរំពឹងថា​កម្មវិធី​Appនេះ​នឹង​ ធ្វើឲ្យការតាមដានលើករណី​វីរុសកូរ៉ូណា ​និងមនុស្សដែលពួកគេទាក់ទង បាន​ប្រសើរជាងមុន។ វានឹងអនុញ្ញាតឱ្យកំណត់អត្តសញ្ញាណបុគ្គល​ដែល​អាច​មានទំនាក់ទំនង​ជាមួយ​អ្នក​ដែល​មាន​ផ្ទូក​វីរុសនេះ តាមរយៈទិន្នន័យដែលត្រូវបានរក្សាទុក​នៅក្នុងទូរស័ព្ទ​ នៅពេលដែលទិន្នន័យទាំង​នេះ​ផ្តល់​ជូនអាជ្ញាធរសុខាភិបាល។

អ្នក​ដែល​មាន​ទំនាក់​ទំនងជាមួយ​នឹង​​អ្នកជំងឺ​នឹងត្រូវបានកត់ត្រាទុក ប្រសិនបើបុគ្គល​នោះ​បានចូលទៅ​ជិតអ្នកជំងឺ​ក្នុងចម្ងាយ 1,5 ម៉ែត្រ ហើយ​បើក​កម្មវិធីAppនេះ ហើយមានទំនាក់ទំនងគ្នា​យ៉ាងហោចណាស់ 15 នាទី។

ការចុះឈ្មោះប្រើប្រាស់កម្មវិធី COVIDSafe app​ គឺដោយស្ម័គ្រចិត្ត។ រដ្ឋាភិបាលណែនាំឱ្យប្រជាជនអូស្ត្រាលីទាំងអស់ទាញយក​កម្មវិធីនេះ  ពីព្រោះថា នៅ​ពេល​ដែល​មានប្រជាជនអូស្ត្រាលីកាន់តែច្រើនភ្ជាប់កម្មវិធី COVIDSafe App នេះ ពួកគេអាចតាមដានមេរោគនេះបានកាន់តែឆាប់។

តើ​អាជ្ញាធរ​នឹងប្រើប្រាស់​ទិន្នន័យ​ COVIDSafe នេះ​តាម​របៀបណា?

កម្មវិធី COVIDSafe app ត្រូវ​បាន​បង្កើតឡើង ដើម្បីពន្លឿនដំណើរការ​ដែល​បច្ចុប្បន្ន​ធ្វើ​ដោយដៃ​ក្នុងការស្វែងរកមនុស្ស​ដែលមានទំនាក់ទំនងជិតស្និទ្ធ​ជាមួយអ្នក​ដែល​មាន​កូវីដ១៩ ។ ដំណើរការនេះគួរតែកាត់បន្ថយឱកាសនៃការ​ចម្លងវីរុសនេះទៅក្រុមគ្រួសារ មិត្តភក្តិ និងអ្នកដទៃទៀត​នៅក្នុងសហគមន៍ ដោយមិនដឹងខ្លួន។
មន្រ្តីសុខាភិបាល​នៅ​តាម​បណ្តា​រដ្ឋ​និងដែនដី​អាចចូល​ទៅក្នុងកម្មវិធីបាន លុះត្រា​ណានរណាម្នាក់ដែលធ្វើតេស្តឃើញវិជ្ជមាន និងយល់ព្រមបញ្ចូល​ព័ត៌មាននេះ​នៅក្នុងទូរស័ព្ទដៃរបស់ពួកគេ។ មន្ត្រីសុខាភិបាលអាចប្រើព័ត៌មានកម្មវិធីនេះដើម្បីតែជួយដាស់តឿនដល់អ្នកដែលអាចនឹង​ត្រូវការផ្តាច់ខ្លួន​នៅ​ដាច់ដោយឡែក​ពីគេ ឬត្រូវធ្វើតេស្តរក​វីរុសនេះតែប៉ុណ្ណោះ។
កម្មវិធី COVIDSafe app គឺជាកម្មវិធីដានទំនាក់ទំនងតែមួយគត់​ដែលត្រូវបាន​អនុម័ត​ដោយរដ្ឋាភិបាលអូស្ត្រាលី។ សម្រាប់ព័ត៌មានបន្ថែមសូមចូលទៅកាន់៖  COVIDSafe app Health Department website.

តើព័ត៌មានផ្ទាល់ខ្លួនអ្វីខ្លះដែលអ្នកចែកចាយតាមរយៈកម្មវិធី COVIDSafe app?

នៅពេលអ្នកប្រើប្រាស់ទាញយកកម្មវិធី appនេះ ពួកគេផ្តល់ឈ្មោះ លេខទូរស័ព្ទ និងលេខកូដប្រៃសណីយ៍(postcode) ហើយជ្រើសរើសក្រុមអាយុ។ បន្ទាប់មក ពួកគេនឹងទទួលបានសារជាអក្សរ​ បញ្ជាក់អំពីការបញ្ចប់ការដំឡើងកម្មវិធីនេះ។ បន្ទាប់មក ប្រព័ន្ធនេះបង្កើតលេខកូដយោងដែលបានអ៊ិនគ្រីបតែមួយគត់។

COVIDSafe ស្គាល់ឧបករណ៍ផ្សេងទៀត​ដែលបានតំឡើងកម្មវិធី​COVIDSafe app ហើយ​បើកដំណើរការBluetooth។ នៅពេលដែលកម្មវិធីAppនេះ ស្គាល់អ្នកប្រើប្រាស់ផ្សេងទៀត វាកត់សំគាល់​កាលបរិច្ឆេទ ពេលវេលា ចម្ងាយ និងរយៈពេលនៃការទំនាក់ទំនង និងលេខកូដយោងរបស់អ្នកប្រើផ្សេងទៀត។ គេសន្មតថា កម្មវិធី COVIDSafe មិនត្រូវប្រមូលទីតាំងរបស់អ្នកប្រើប្រាស់ទេ។

រដ្ឋាភិបាលអូស្រ្តាលីនិយាយថា ព័ត៌មានត្រូវបានអ៊ិនគ្រីប ហើយឧបករណ៍កំណត់អត្តសញ្ញាណដែល​អ៊ិនគ្រីបនោះ​ត្រូវបានរក្សាទុក​យ៉ាងមានសុវត្ថិភាព​នៅលើទូរស័ព្ទរបស់អ្នកប្រើប្រាស់។ ព័ត៌មានទំនាក់ទំនងដែលផ្ទុកនៅក្នុងទូរស័ព្ទរបស់អ្នកប្រើប្រាស់ នឹងត្រូវ​បាន​លុបចោល​លើ​វដ្តរំកិល​រយៈពេល ២១ ថ្ងៃ។ រយៈពេលនេះ​គឺពិចារណាដោយផ្អែកលើ​រយៈពេលនៃការបង្ករោគ​កូវីដ - ១៩ និងពេលវេលាដែលត្រូវធ្វើតេស្ត។

តើ​អ្វី​នឹងកើតឡើង​ប្រសិន​បើ​អ្នក​ប្រើប្រាស់​កម្មវិធី app នេះ​ធ្វើ​តេស្ត​ឃើញ​វិជ្ជមាន?

នៅពេលដែលនរណាម្នាក់ត្រូវបានគេធ្វើរោគវិនិច្ឆ័យថាមានជំងឺ​កូវីដ១៩ ព័ត៌មានទំនាក់ទំនងដែលបានអ៊ិនគ្រីបពីកម្មវិធីនេះ នឹងត្រូវបានបញ្ចូល​ទៅក្នុងប្រព័ន្ធផ្ទុកព័ត៌មាន ដែលមានសុវត្ថិភាពមួយ  ប្រសិនបើទទួលបាន​ការ​អនុញ្ញាតពី​អ្នកប្រើប្រាស់។ មន្ត្រីសុខាភិបាលថ្នាក់រដ្ឋនិងដែនដីនឹង៖

  • ប្រើទំនាក់ទំនងដែលចាប់បានដោយកម្មវិធីដើម្បីនេះ គាំទ្រដល់ការ​តាមដានទំនាក់ទំនងតាមធម្មតារបស់ពួកគេ
  • ទូរស័ព្ទទៅបុគ្គល​ទាំង​នោះ ដើម្បីឱ្យពួកគេ ឬឪពុកម្តាយ / អាណាព្យាបាលរបស់​ពួកគេ​ដឹងថា ពួកគេប្រហែលជាបានប្រឈម​នឹង​មេរោគនេះ។
  • ផ្តល់យោបល់លើជំហានដែល​ត្រូវ​ធ្វើបន្ទាប់មកទៀត រួមមាន៖
  • អ្វីដែលត្រូវសង្កេតមើល
  • ត្រូវធ្វើ​តេស្តនៅពេលណា តាមរបៀបណា និងនៅកន្លែងណា
  • អ្វីដែលត្រូវធ្វើ ដើម្បីការពារមិត្តភក្តិ និង ក្រុមគ្រួសារពីការប៉ះពាល់មេរោគនេះ
  • មន្រ្តីសុខាភិបាលនឹងមិនបញ្ចេញឈ្មោះអ្នកដែលឆ្លងជំងឺនេះទេ។

 ប្រសិនបើអ្នកព្រួយបារម្ភអំពីភាពឯកជន​នៃទិន្នន័យ​របស់អ្នក សូមអានគោលការណ៍ភាពឯកជន (Privacy Policy)។

 


ប្រជាជននៅក្នុង​ប្រទេសអូស្ត្រាលី ត្រូវស្ថិតនៅឆ្ងាយពីគ្នាយ៉ាងហោចណាស់ ១,៥ ម៉ែត្រ ហើយការជួបជុំគ្នាត្រូវបានកំណត់ត្រឹមតែមនុស្សពីរនាក់ លើកលែងតែអ្នកនៅជាមួយ​ក្រុមគ្រួសារ​របស់​អ្នក ឬអ្នកដែលនៅ​ផ្ទះ​ជាមួយ​អ្នក។

ប្រសិនបើអ្នកជឿជាក់ថា អ្នកបានឆ្លងវីរុសនេះ សូមទូរស័ព្ទទៅវេជ្ជបណ្ឌិតរបស់អ្នក (សូមកុំទៅជួបផ្ទាល់) ឬទាក់ទងតាមលេខទូរស័ព្ទ​ទំនាក់ទំនងព័ត៌មានសុខភាព​ស្តី​ពីវីរុសកូរ៉ូណាជាតិ តាមទូរស័ព្ទលេខ ១៨០០ ០២០ ០៨០ ។

SBSប្តេជ្ញាជូនដំណឹងដល់សហគមន៍ចម្រុះអូស្រ្តាលី​ អំពីការវិវត្តន៍ថ្មីៗ​នៃ​កូវីដ១៩ ។

ដំណឹងនិងព័ត៌មានមានជា ៦៣ ភាសានៅលើគេហទំព័រ៖ sbs.com.au/coronavirus

Source SBS News, Australian Government Department of Health