This article is more than 2 years old

ការទទួលស្គាល់ប្រទេសជាភាសាខ្មែរ

SBS សូមទទួលស្គាល់ប្រជាជនជនជាតិដើម Aboriginal និងអ្នកកោះ Torres Strait ជាម្ចាស់ទំនៀមទំលាប់ប្រពៃណីនៃប្រទេសនេះ ព្រមទាំងទំនាក់ទំនងដ៏យូរអង្វែងនិងកំពុងបន្តចំពោះ មេឃ ដី សមុទ្រ និងសហគមន៍។

Published 3 July 2023 12:45pm

Source: SBS

Image: - (Julia Esteve/Getty Images)

ការទទួលស្គាល់ប្រទេសជាធម្មតាត្រូវបានផ្តល់ជូននៅមុនពេលណែនាំ ឬស្វាគមន៍ នៅក្នុងព្រឹត្តិការណ៍សាធារណៈ និងឯកជនជាច្រើន ដូចជាសុន្ទរកថា និងកិច្ចប្រជុំជាដើម។

វាគឺជាវិធីនៃការទទួលស្គាល់ម្ចាស់ទំនៀមទំលាប់ប្រពៃណីនៃប្រទេសដែលព្រឹត្តិការណ៍នេះត្រូវបានប្រារព្ធឡើង។

កម្មវិធីសំឡេងរបស់SBS “SBS Audio” ចាប់ផ្តើមជាមួយនឹងការទទួលស្គាល់ប្រទេសដែលផ្តល់ជាភាសានៃកម្មវិធីផ្សាយនោះ។

យើងធ្វើបែបនេះដើម្បីទទួលស្គាល់ទំនាក់ទំនងរបស់ជនជាតិដើម Aboriginal និង អ្នកកោះ Torres Strait ចំពោះប្រទេសនេះ និងគោរពដល់ ចាស់ទុំជនជាតិដើមភាគតិចកាលពីអតីតកាល និងបច្ចុប្បន្ន។

វាក៏ជាវិធីមួយនៃការទទួលស្គាល់ថា អូស្ត្រាលីជាទឹកដីដែលអធិបតេយ្យភាពមិនដែលត្រូវបានគេប្រគល់ឱ្យនោះទេ។

មិនមានពាក្យពេចន៍ជាក់លាក់សម្រាប់ការទទួលស្គាល់ប្រទេស ‘Acknowledgement of Country’នោះទេ ហើយនរណាក៏អាចនិយាយវាបានដែរ។

ការស្វាគមន៍មកកាន់ប្រទេស “Welcome to Country” ត្រូវបានផ្តល់ជូនដោយម្ចាស់ទំនៀមទំលាប់ប្រពៃណី ឬជនជាតិដើម Aboriginal និងអ្នកកោះ Torres Strait ដែលត្រូវបានផ្តល់ការអនុញ្ញាតពីម្ចាស់ប្រពៃណី ដើម្បីស្វាគមន៍ភ្ញៀវមកកាន់ប្រទេសរបស់ពួកគេ។

នេះគឺជាឧទាហរណ៍នៃការទទួលស្គាល់ប្រទេសមួយ៖

យើងសូមទទួលស្គាល់ម្ចាស់ទំនៀមទំលាប់ប្រពៃណីនៃដែនដី ផ្ទៃមេឃ និងផ្លូវទឹក ហើយសូមគោរពដល់ចាស់ទុំទាំងអតីតកាល និងបច្ចុប្បន្នកាល។យើងសូមគោរពចំពោះវប្បធម៌ដ៏ចំណាស់បំផុតដែលកំពុងបន្តរបស់ពិភពលោកនេះ។

អ្នកអាចស្វែងយល់ថាតើនរណាជាម្ចាស់ទំនៀមទំលាប់ប្រពៃណីសម្រាប់ទឹកដីដែលអ្នកកំពុងស្ថិតនៅ ដោយពិនិត្យមើលគេហទំព័ររបស់ក្រុមប្រឹក្សាមូលដ្ឋាន រដ្ឋ ឬដែនដី ឬដោយការភ្ជាប់ទំនាក់ទំនងជាមួយអង្គការជនជាតិដើម Aborigianl និងជនជាតិដើមភាគតិចក្នុងតំបន់។