លោក Malcolm Turnbull មានប្រសាសន៍ថា ប្រភេទទិដ្ឋាការថ្មីនេះអាចនឹងរួមបញ្ចូលគ្នានូវទិដ្ឋាការពីរប្រភេទជាមួយនឹងតម្រូវការបន្ថែមទៀត ដូចជា ការងារនោះត្រូវផ្សព្វផ្សាយនៅក្នុងស្រុកជាមុនសិន នៅមុនពេលទទួលអ្នកដាក់ពាក្យពីបរទេស។
លោក Turnbull បន្ថែមទៀតថា អាចនឹងត្រូវការចំណេះដឹងភាសាអង់គ្លេសខ្ពស់ជាងមុន ក៏ដូចជាបទពិសោធន៍ការងារ និងការត្រួតពិនិត្យលើឯកសារបញ្ជាក់ពីបទឧក្រិដ្ឋថ្មីផងដែរ។
លើសពីនេះទៅទៀត រដ្ឋាភិបាលសហព័ន្ធបានសន្យាថានឹងកាត់បន្ថយបញ្ជីមុខនាទីការងារជាង២០០ប្រភេទផងដែរ។
លោកនាយករដ្ឋមន្រ្តី Turnbull បញ្ជាក់ថា សំណើផ្លាស់ប្តូរនេះធ្វើឡើងដើម្បីជួយដល់បុគ្គលិកកម្មករនិងអាជីវកម្មអូស្រ្តាលី។
រដ្ឋាភិបាលនិយាយថា អ្នកដែលកាន់ទិដ្ឋាការលេខ៤៥៧ខ្លះប្រមាណជា៩ម៉ឺន៥ពាន់នាក់នឹងអាចបន្តស្នាក់នៅក្នុងប្រទេសអូស្រ្តាលីក្រោមលក្ខខណ្ឌទិដ្ឋាការបច្ចុប្បន្នរបស់ពួកគេ៕
