នៅពេលដែលនិយាយដល់ការការពារខ្លួនអ្នកនិងដៃគូរួមភេទរបស់អ្នកនេះ នេះគឺជាការពិតមួយចំនួនដែលអ្នកត្រូវដឹងពីសុវត្ថិភាពជាចំបង។
តើអ្វីគឺជាការឆ្លងជំងឺកាមរោគ?
Source: Pixabay
ជំងឺកាមរោគដែលរួមមានទាំងក្លាមីឌៀ(chlamydia) ស្វាយ(syphilis) ប្រមេះ (gonorrhoea) ឬសក្នុងប្រដាប់ភេទ(genital warts) ផ្សិតក្នុងប្រដាប់ភេទ(thrush) រួមទាំងមេរោគហ៊ីវ( HIV)និង ថ្លើម(hepatitis)ជាដើម។ Healthdirect ផ្តល់ដំបូន្មានថា ជំងឺកាមរោគអាចឆ្លងពីមនុស្សម្នាក់ទៅមនុស្សម្នាក់ទៀតបានក្នុងពេលរួមភេទ រួមភេទតាមទ្វារមាស និងអូរ៉ាល់សិចផងដែរ តាមរយៈប្រដាប់ភេទ និងការប៉ះកកិតគ្នារវាងស្បែកនិងស្បែកជាមួយដៃគូដែលឆ្លងជំងឺនេះ។
តើអ្វីជារោគសញ្ញាទូទៅនៃជំងឺកាមរោគ?
Source: Pixabay
ជំងឺកាមរោគជាច្រើនមិនចាំបាច់បង្ហាញរោគសញ្ញានោះទេ។ ឧទាហរណ៍ ជំងឺកាមរោគប្រភេទទូទៅនៅក្នុងប្រទេសអូស្រ្តាលីហៅថា chlamydia ដែលភាគច្រើនកើតលើមនុស្សវ័យក្មេង ហើយ២ភាគ៣នៃជំងឺនេះនៅមិនទាន់បានធ្វើរោគវិនិច្ឆ័យនៅឡើយនោះទេ ខណៈដែលជាញឹកញាប់វាមិនមានបង្ហាញនូវរោគសញ្ញាអ្វីនោះ។ វាងាយស្រួលក្នុងការព្យាបាលដោយ ប្រើថ្នាំផ្សះតែមួយដូសប៉ុណ្ណោះ។
ដូច្នេះវាជាការចំាំបាច់ក្នុងការទៅជួបវេជ្ជបណ្ឌិតរបស់លោកអ្នកដើម្បីធ្វើការពិនិត្យសុខភាពផ្លុវភេទជាប្រចាំ បើទោជាអ្នកមានអារម្មណ៍មិនស្រណុកក្នុងចិត្តក៏ដោយ។ គ្មានអ្វីដែលត្រូវអៀនខ្មាស់នោះទេ ពួកគេគឺជាអ្នកថែរក្សាសុខភាពប្រកបដោយវិជ្ជាជីវៈ ហើយពួកគេគឺដើម្បីជួយដល់យើងក្នុងការពិនិត្យជំងឺទាំងនេះ។
ជំងឺកាមរោគក៏មានកើតចំពោះមនុស្សចាស់ផងដែរ
Source: Wikimedia Commons
ដោយសារតែអ្នកមិនស្ថិតក្នុងវ័យដែលអាចមានកូនបាន មិនមែនមានន័យអ្នកមានភាពស៊ាំទៅនឹងជំងឺកាមរោគនោះទេ។ ការសិក្សាស្រាវជ្រាវចុងក្រោយបង្ហាញថា អ្នកដែលស្ថិតនៅក្នុងវ័យ៦០បា្លយកំពុងមានករណីជំងឺផ្លូវភេទនិងក្លាមីឌៀជាទៀងទាត់ ពោលគឺកើនឡើង១៩០%នៅក្នុងទសវត្សរ៍ចុងក្រោយនេះ។ ដូច្នេះ វាគឺជារឿងសំខាន់សម្រាប់មនុស្សគ្រប់វ័យដែលត្រូវប្រឹងប្រែងដើម្បីសុវត្ថិភាពរបស់ពួកគេ។
តើខ្ញុំអាចដឹងថាខ្ញុំមានជំងឺកាមរោគដោយវិធីណា?
Health check-ups are important to identify potential risk factors. Source: Getty Images
គ្មានវិធីដែលអ្នកអាចដឹងបាននោះទេ លុះត្រាណាតែអ្នកទៅធ្វើតេស្ត។ ប្រសិនបើអ្នកគិតថាអ្នកអាចមានជំងឺកាមរោគ អ្នកត្រូវទៅជួបវេជ្ជបណ្ឌិត ឬគ្លីនីផែនការគ្រួសារក្នុងតំបន់ឬក៏មជ្ឈមណ្ឌលផ្លូវភេទ។
អ្នកមិនចាំបាច់ត្រូវមានកាតMedicare ឡើយ ក្នុងការទៅជួបមជ្ឈមណ្ឌលសុខភាពផ្លូវភេទដើម្បីធ្វើតេស្តឬពិនិត្យសុខភាពផ្លូវភេទនោះ។
តើខ្ញុំអាចចៀសផុតពីការឆ្លងជំងឺកាមរោគតាមវិធីណា?
Source: Pixabay
ប្រើប្រាស់ស្រោមអនាម័យនៅពេលដែលអ្នករួមភេទអាចជួយកាត់បន្ថយគ្រោះថ្នាក់នៃការឆ្លងជំងឺកាមរោគបានយ៉ាងច្រើន។ អ្នកជំនាញសុខភាពផ្លូវភេទផ្តល់អនុសាសន៍ឲ្យប្រើប្រាស់ស្រោមអនាម័យជាប្រចាំ រាល់លើកដែលលោកអ្នករួមភេទរួមទាំងការរួមភេទតាមទ្វារមាស តាមរន្ធគូថ និងអូរ៉ាល់សិចផងដែរ។
សម្រាប់សេវាកម្មជាភាសាខ្មែរឬភាសាដទៃទៀត
សូមទូរសព្ទទៅកាន់សេវាកម្មបកប្រែរបស់រដ្ឋាភិបាលអូស្រ្តាលី ដែលមានបម្រើជូន២៤ម៉ោងតាមរយៈលេខ 131 450។
លោកអ្នកក៏អាចសុំឲ្យមានការរៀបចំអ្នកបកប្រែនៅនឹងគ្លីនីកដើម្បីឲ្យចូលទៅជួបវេជ្ជបណ្ឌិតជាមួយនឹងលោកអ្នកដោយផ្ទាល់បានផងដែរ ប្រសិនបើចាំបាច់៕
