១ អ្នកមិនត្រូវរង់ចាំរហូតដល់ទៅ២៤ម៉ោងទើបរាយការណ៍ពីការបាត់ខ្លួនរបស់នរណាម្នាក់នោះទេ
ប្រសិនបើអ្នកមានការព្រួយបារម្ភពីសុវត្ថិភាពនិងសុខមាលភាពរបស់នរណាម្នាក់ ហើយមិនដឹងថាគេកំពុងតែស្ថិតនៅទីកន្លែងណានោះ នោះអ្នកអាចរាយការណ៍ពីការបាត់ខ្លួនរបស់ពួកគេភ្លាមៗទៅឲ្យប៉ូលិសនៅក្នុងតំបន់ដោយការធ្វើរបាយការណ៍បាត់ខ្លួនមនុស្ស (making a missing persons report) ។
២ របាយការណ៍រាយការណ៍ពីការបាត់ខ្លួនរបស់នរណាម្នាក់អាចបំពេញបាននៅស្ថានីយ៍ប៉ូលិសក្នុងតំបន់
មានតែនៅរដ្ឋអូស្រ្តាលីខាងត្បូងមួយប៉ុណ្ណោះដែលទទួលការរាយការណ៍តាមទូរសព្ទ។ ទាក់ទងទៅកាន់ស្ថានីយប៉ូលិសក្នុងតំបន់របស់អ្នកដើម្បីពិភាក្សាអំពីតម្រូវការរបស់អ្នកប្រសិនបើអ្នកមិនអាចទៅកាន់ប៉ុស្តិ៍ប៉ូលិសដើម្បីដាក់របាយការណ៍បានទេនោះ។
៣ ផ្តល់ព័ត៌មានដែលពាក់ព័ន្ធឲ្យបានច្រើនបំផុតទៅឲ្យប៉ូលិសតាមដែលអ្នកអាចធ្វើទៅបាន
វានឹងជួយដល់ប៉ូលិសប្រសិនបើអ្នកផ្តល់នូវសេចក្តីលំអិតពាក់ព័ន្ធនឹងបុគ្គលនោះ ដូចជា ឈ្មោះ និងលេខទំនាក់ទំនងរបស់មិត្តភក្តិ ប្រាក់ជំនួយ Centrelink ដែលគេបានទទួល សេចក្តីពិស្តារនៃលិខិតឆ្លងដែន ថ្នាំសង្កូវដែលត្រូវការប្រើប្រាស់ និងកត្តាដទៃទៀតដែលធ្វើឲ្យអ្នកបារម្ភពីសុវត្ថិភាពរបស់គេនាពេលបច្ចុប្បន្ន។
៤ នៅពេលដែលធ្វើរបាយការណ៍ពីការបាត់ខ្លួនរបស់នរណាម្នាក់ ប៉ូលិសអាចនឹងយកនូវសេចក្តីលំអិតភ្លាមៗ
ប៉ូលិសអាចសាកសួរសំណួរដំបូងនិងត្រឡប់មករកអ្នកវិញសម្រាប់ព័ត៌មានលំអិតបន្ថែមទៀត ប្រសិនបើបុគ្គលនោះមិននៅនឹងកន្លែងក្នុងពេលដ៏ខ្លី។
៥ រក្សាទុកនូវកំណត់ត្រារបាយការណ៍
វាអាចថានឹងមានប្រយោជន៍ក្នុងការកត់ត្រាទុកនូវព័ត៌មានដូចតទៅនេះ៖ លេខហេតុការណ៍សម្រាប់ការស៊ើបអង្កេត ស្ថានីយប៉ូលិសឋានន្តរសក្តិនិងឈ្មោះមន្រ្តីប៉ូលិសដែលទទួលរឿងក្តី។
របាយការណ៍បញ្ជាក់ពីការពិតមានផ្តល់ជូនជា១៤ភាសា។ សម្រាប់ព័ត៌មានបន្ថែមសូមចូលទៅកាន់គេហទំព័រផ្លូវការស្តីពីការបាត់ខ្លួននរណាម្នាក់ Australia’s official website ។
ទូរសព្ទដោយឥតគិតថ្លៃទៅកាន់លេខ ១៨០០ ០០០ ៦៣៤។
ប្រសិនបើលោកអ្នកត្រូវការសេវាកម្មបកប្រែសូមទាក់ទងទៅកាន់សេវាកម្មជាតិ TIS តាមរយៈលេខ ១៣ ១៤ ៥០។
គេហទំព័រចុះឈ្មោះអ្នកដែលបាត់ខ្លួនរបស់អូស្រ្តាលី (Australian Missing Persons Register) គឺជាគេហទំព័រដោយឥតគិតថ្លៃ ហើយវាមានបំណងក្នុងការផ្តល់នូវព័ត៌មានពីការបាត់មនុស្សពីគ្រប់រដ្ឋនិងដែនដីទាំងអស់របស់អូស្រ្តាលី។
ព័ត៌មានបន្ថែមអាចយកបានពី Missing people គឺជាមគ្គុទេសបង្ហាត់បង្ហាញដល់ក្រុមគ្រួសារនិងមិត្តភក្តិអ្នកបាត់ខ្លួន៕
ស្តាប់របាយការណ៍ពិស្តារ៖
តើលោកអ្នកគួរធ្វើដូចម្តេចនៅពេលដែលមាននរណាម្នាក់បាត់ខ្លួន?
