ជនភៀសខ្លួនជាច្រើនប្រឈមនឹងគ្រោះថ្នាក់ នៃការវិវឌ្ឍបញ្ហាសុខភាពផ្លូវចិត្ត ខ្ពស់ជាងប្រជាជនអូស្រ្តាលីទូទៅ។ ហើយការមាក់ងាយជុំវិញជំងឺផ្លូវចិត្ត ខ្វះនូវការយល់ដឹងពីសេវាកម្មផ្សេងៗ និងខ្វះខាតចំណេះដឹងភាសាអង់គ្លេស អាចធ្វើឲ្យវាកាន់តែលំបាកថែមទៀតក្នុងការប្រើប្រាស់សេវាកម្មសុខភាពផ្លូវចិត្តនេះ។
នេះគឺជាជំហានមួយចំនួនក្នុងការស្វែងរកនូវការថែរក្សាសុខភាពផ្លូវចិត្តកាន់តែប្រសើរឡើង។
ជួបពិភាក្សាជាមួយគ្រូពេទ្យប្រចាំគ្រួសាររបស់លោកអ្នក
មនុស្សដំបូងដែលលោកអ្នកគួរទៅរកនោះគឺជាគ្រូពេទ្យប្រចាំគ្រួសាររបស់លោកអ្នក ដែលអាចប្រាប់ពីលក្ខខណ្ឌរបស់អ្នកនិងរៀបចំនូវ”ផែនការព្យាបាលសុខភាពផ្លូវចិត្ត”សម្រាប់អ្នក។ លោកអ្នកអាចនឹងត្រូវបញ្ជូនបន្តទៅកាន់ សេវាកម្មមើលថែទាំសុខភាពផ្លូវចិត្តជាក់លាក់ ដូចជាពេទ្យចិត្តសាស្រ្ត ក្រោយពីលោកទទួលបាន”ផែនការព្យាបាលសុខភាពផ្លូវចិត្ត”ពីគ្រូពេទ្យពិនិត្យជំងឺទូទៅរួច។
ទាមទារចំណាយពី Medicare មកវិញ (Medicare rebates)
សេវាកម្មផ្លូវចិត្តមួយចំនួនដែលផ្តល់ជូនដោយគ្រូពេទ្យពិនិត្យជំងឺទូទៅ គ្រូពេទ្យចិត្តសាស្រ្ត និងគ្រូពេទ្យជំនាញមួយចំនួនទៀតអាចទាមទារចំណាយពី Medicare វិញបាន ដែលហៅថា Medicare Rebate)។ យោងតាមស្ថានភាពជំងឺរបស់លោកអ្នក បន្ទាប់ពីប្រើប្រាស់ការព្យាបាល៦លើកដំបូងរួចហើយ លោកអ្នកអាចត្រឡប់ទៅកាន់គ្រូពេទ្យប្រចាំគ្រួសាររបស់លោកអ្នកឬពេទ្យចិត្តសាស្រ្តវិញ ដើម្បីសុំការព្យាបាល៤លើកបន្ថែមទៀត។
តើខ្ញុំអាចទទួលបានការព្យាបាលនេះដែរឬទេ?
លោកអ្នកអាចទទួលបានការព្យាបាលទាំងនេះប្រសិនបើលោកអ្នកមានកាត Medicare ហើយឆ្លងកាត់ការធ្វើតេស្តសុខភាពផ្លូវចិត្ត តែក៏មានការលើកលែងខ្លះដែរ Read more about eligibility here ។
ប្រសិនបើអ្នកចង់ស្វែងយល់បន្ថែមទៀតពីសិទ្ធិក្នុងការទទួលបានការព្យាបាលរបស់លោកអ្នក ការទាមទារចំណាយមកវិញ សូមទូរសព្ទទៅកាន់ Medicare Australia តាមរយៈលេខ 132 011 ឬចូលទៅកាន់គេហទំព័ររបស់ Medicare ។
តើខ្ញុំអាចប្រើប្រាស់សេវាកម្មបកប្រែបានដែរឬទេ?
និយាយពីបញ្ហាសុខភាពសំខាន់ៗជាភាសាដែលមិនមែនជាភាសាកំណើតរបស់ខ្លួននោះមិនមែនជាការប្រសើរនោះទេ។ ទោះជាយ៉ាងណាក៏ដោយ អ្នកជំនាញវេជ្ជសាស្រ្តផ្តល់ជាយោបល់ថាកុំឲ្យពឹងផ្អែកលើការបកប្រែពីសំណាក់សមាជិកក្រុមគ្រួសាររបស់លោកអ្នក ព្រោះថាវាអាចជាបញ្ហាបាន។
ហេតុដូច្នេះហើយ ទើបមានការផ្តល់ជូននូវសេវាកម្មបកប្រែភាសាជូនលោកអ្នក។ គ្រូពេទ្យអាចនឹងប្រើប្រាស់សេវាកម្មបកប្រែជូនលោកអ្នកតាមទូរសព្ទ ឬក៏ណាត់ឲ្យទៅបកប្រែនៅកន្លែងផ្ទាល់ ដូច្នេះអ្នកប្រើប្រាស់សេវាកម្មនេះដើម្បីទទួលបាននូវលទ្ធផលប្រសើរបំផុតសម្រាប់សុខភាពរបស់លោកអ្នក។
សេវាកម្មប្រឹក្សាពីការធ្វើទារុណកម្មនិងការប៉ះទង្គិចធ្ងន់ធ្ងរ
ប្រសិនបើលោកអ្នកធ្លាប់ឆ្លងកាត់នូវការធ្វើទារុណកម្មនិងការប៉ះទង្គិចធ្ងន់ធ្ងរ ដែលបន្តជះឥទ្ធិពលលើជីវិតរស់នៅរបស់លោកអ្នកនោះ នឹងមានសេវាកម្មប្រឹក្សាពិសេសផ្តល់ជូនលោកអ្នកផងដែរ។ STTARS (Survivors of Torture and Trauma Assistance and Rehabilitation Service)គឺជាសេវាកម្មជួយដល់ជនភៀសខ្លួននិងជនប្រវេសន៍ដែលធ្លាប់ទទួលរងទារុណកម្មឬការប៉ះទង្គិចធ្ងន់ធ្ងរ ដោយសារតែការបៀតបៀន អំពើហិង្សា សង្គ្រាម ឬក៏ការឃុំឃាំងខុសច្បាប់នៅមុនពេលដែលពួកគេមកដល់ប្រទេសអូស្រ្តាលី។ STTARS ផ្តល់នូវសេវាកម្មថែទាំសុខភាពផ្លូវចិត្តប្រចាំសប្តាហ៍ ដែលលោកអ្នកអាចជួបជាមួយនឹងពេទ្យចិត្តសាស្រ្តក្រោមការចាត់ចែងក្នុងសហគមន៍របស់លោកអ្នកបាន។
សេវាកម្មតាមសហគមន៍ដទៃទៀត
សហគមន៍ និងការទំនាក់ទំនងក្នុងសង្គមផ្តល់នូវសារៈសំខាន់យ៉ាងខ្លាំងដល់សុខភាពផ្លូវចិត្តរបស់លោកអ្នក។ មានសហគមន៍មួយចំនួនជួយដល់លោកអ្នកចំពោះបញ្ហាទាំងនេះ ដូចជា មជ្ឈមណ្ឌលធនធានជនប្រវេសន៍នៅLiverpool (Migrant Resource Centre in Liverpool) ជាដើម។
ហើយក៏មានកម្មវិធីពិសេសៗមួយចំនួនដែលជួយគាំទ្រដល់ការប្រឹក្សានេះផងដែរដូចជា កម្មវិធីAustralia's Humanitarian Settlement Services program (HSS) ។
គេហទំព័រពាក់ព័ន្ធ៖
សម្រាប់ព័ត៌មានបន្ថែមពាក់ព័ន្ថនឹងការផ្តួចផ្តើមសុខភាពផ្លូវចិត្តជាភាសារបស់លោកអ្នកសូមចូលទៅកាន់៖ Mental Health in Multicultural Australia ។
Settlement Services International (NSW)
Liverpool Migrant Resource Center
Asylum Seeker Resource Center's Telethon for World Refugee Day
