មគ្គទេសក៍តាំងទីលំនៅ៖ អ្វីជាការរំលោភបំពានលើមនុស្សចាស់? តើយើងអាចមើលដឹងនិងការពារបានតាមរបៀបណា?

ជាញឹកញាប់នៅពេលដែលទំនាក់ទំនងក្នុងគ្រួសារបែកបាក់ ការរំលោភបំពានលើមនុស្សចាស់អាចនឹងកើតមានឡើង។វាជារឿងសំខាន់ដែលអ្នកចាំបាច់ត្រូវធ្វើអ្វីម្យ៉ាងប្រសិនបើអ្នកគិតថា រូបអ្នកផ្ទាល់ឬនរណាម្នាក់ដែលអ្នកស្គាល់គឺជាជនរងគ្រោះដោយសារតែការរំលោភបំពាននេះ។

Dependent Dementia Senior Source: Pixabay

សម្រាប់មនុស្សចាស់ដែលមកប្រទេសអូស្រ្តាលីក្នុងនាមជាជនប្រវេសន៍ ពួកគាត់មានរនាំងឧបសគ្គច្រើនក្នុងការស្វែងរកជំនួយ ដូចជាការរស់នៅដាច់ឆ្ងាយពីសង្គម ឬក៏មិនចេះភាសារអង់គ្លេសជាដើម។ ទោះជាយ៉ាងណាក៏ដោយ មានធនធានជាច្រើនដើម្បីជួយដល់សហគមន៍ប្រវេសន៍។

តើអ្វីទៅជាការរំលោភបំពានលើមនុស្សចាស់?

Aged care — Source: Department of health

អង្គការសុខភាពពិភពលោកផ្តល់និយមន័យការរំលោភបំពានលើមនុស្សចាស់ថាជាសកម្មភាពតែមួយលើក ឬកើតឡើងម្តងហើយម្តងទៀត ឬកង្វះខាតនូវសកម្មភាពនៅក្នុងទំនាក់ទំនង ដែលជឿទុកចិត្ត បង្កនូវទុក្ខទោស ឬគ្រោះថ្នាក់ដល់មនុស្សចាស់ម្នាក់។

ការរំលោភបំពានលើមនុស្សចាស់ជះឥទ្ធិពលរហូតដល់ទៅ១០%នៃចំនួនប្រជាជនទូទាំងសកលលោក ប៉ុន្តែករណីភាគច្រើនមិនបានរាយការណ៍នោះទេ។

៩០%នៃករណីរំលោភបំពានលើមនុស្សចាស់ កើតចេញពីសមាជិកក្រុមគ្រួសារ។ «ភាគច្រើនលើសលុប ដែលទាំងអង្គភាពខ្ញុំធ្លាប់បានឆ្លងកាត់និងទាំងការស្រាវជ្រាវបានរកឃើញនោះគឺថា កូនប្រុសនិងកូនស្រីឬក៏កូនចុងរបស់ពួកគាត់ គឺទំនងជាអ្នកដែលបំពារបំពានលើមនុស្សចាស់ទាំងនោះ។» លោក Greg Mahney នាយកប្រតិបត្តិនៃអង្គភាពមួយឈ្មោះថា Advocare។

World Health Organisation

NSW Seniors Rights Service

Seniors Rights Victoria

មនុស្សចាស់ដែលចំណេះដឹងឬជំនាញភាសាអង់គ្លេសនៅមានកម្រិត ជាញឹកញាប់រងការរំលោភបំពានពីក្រុមគ្រួសារឬមិត្តភក្តិរបស់គាត់។

តើអ្វីខ្លះជាមុខសញ្ញា?

មនុស្សចាស់ដែលចំណេះដឹងឬជំនាញភាសាអង់គ្លេសនៅមានកម្រិត ជាញឹកញាប់រងការរំលោភបំពានពីក្រុមគ្រួសារឬមិត្តភក្តិរបស់គាត់។

ជួនកាលវាក៏ពិបាកនឹងមើលដឹងដែរចំពោះការរំលោភបំពានលើមនុស្សចាស់នេះ។ ការរំលោភបំពានអាចនឹងមានកលល្បិច ឬជួនកាលធ្វើឡើងដោយលាក់កំបាំង ហើយមនុស្សចាស់ខ្លះអាចនឹងស្ទាក់ស្ទើរក្នុងការនិយាយពីបញ្ហានេះ។

«វាងាយស្រួលណាស់សម្រាប់អ្នកទាំងនោះក្នុងការសុំហត្ថលេខាពីមនុស្សចាស់ ទាំងការដែលពួកគាត់មិនយល់ថាជាឯកសារអ្វីផងនោះ។» លោក Alexander Abramoff អ្នកគ្រប់គ្រងនៅកន្លែងមើលថែទាំមនុស្សចាស់។

សេវាកម្មគាំពារសិទ្ធិមនុស្សចាស់(Aged Rights Advocacy Service )

ការរំលោភបំពានដែលកើតឡើងញឹកញាប់ជាងគេទៅលើមនុស្សចាស់នោះគឺការរំលោភបំពានខាងផ្នែកហិរញ្ញវត្ថុ។

ការរំលោភបំពានលើមនុស្សចាស់ មិនមែនមានត្រឹមតែការរំលោភបំពានលើរូបរាងកាយ ប៉ុន្តែវាមានទម្រង់ច្រើនជាងនេះទៅទៀត ដូចជា ការរំលោភបំពានខាងផ្នែកសតិអារម្មណ៍ ផ្នែកសេដ្ឋកិច្ច និងការធ្វេសប្រហែសជាដើម។

The Australian Institute of Family Studies

NSW Seniors Rights Service

តើអាចស្វែងរកជំនួយបានដោយរបៀបណា?

Elder Abuse prevention and support — Source: NSW Elder Abuse prevention

ប្រសិនបើលោកអ្នកឬក៏នរណាម្នាក់ដែលលោកអ្នកស្គាល់គឺជាជនរងគ្រោះដោយសារតែការរំលោភបំពានលើមនុស្សចាស់ សូមទូរសព្ទទៅកាន់ខ្សែទូរសព្ទជំនួយដល់មនុស្សចាស់ដែលរងការរំលោភបំពាននៅតាមរដ្ឋរបស់លោកអ្នក។

លោកអ្នកអាចស្វែងរកទូរសព្ទបានតាមគេហទំព័រ My Aged Care website ។

សម្រាប់អ្នកមិនចេះភាសាអង់គ្លេសអាចទូរសព្ទទៅកាន់សេវាកម្មបកប្រែភាសាជាតិលេខ 13 14 50។ ហើយប្រសិនបើអ្នកមិនអាចទូរសព្ទទៅខ្សែទូរសព្ទជំនួយទេនោះ នៅមានអ្នកផ្សេងទៀតដែលអ្នកអាចទុកចិត្តបាន ដូចជាគ្រូពេទ្យប្រចាំគ្រួសាររបស់អ្នក មេដឹកនាំសាសនារបស់លោកអ្នក ឬក៏មិត្តភក្តិដែលលោកអ្នកជឿទុកចិត្តជាដើម។

Australian Institute of Family Studies

The National Translating and Interpreting Service (TIS)